17 Comic Cuts 41–News 41: காமிக்ஸ் காதலர் இயக்குனர் மிஷ்கின் - குமுதம்,ஆனந்த விகடன் பேட்டி

காமிரேட்ஸ்,

வணக்கம், வந்தனம் மற்றும் அனைத்து விதமான வரவேற்ப்புகளும். பிறந்த நாள் வாழ்த்துக்கள் தெரிவித்த அனைத்து நண்பர்களுக்கும் நன்றி. காமிக்ஸ் மற்றும் என்னுடைய தேவை அறிந்து, நான் தேடும் புத்தகங்களை பரிசளித்த மதுரை மற்றும் தேனி நண்பர்களுக்கு உள்ளம் குளிர்ந்த அதே மூன்று எழுத்துக்கள் - நன்றி - இதைதவிர வேறென்ன சொல்ல முடியும், சொல்லுங்கள்.

Kumudam Tamil Weekly Issue Dated 25042012 On Stands 18042012 Cover Story Dir Mysskin Interview

கண்டிப்பாக இந்த ஆண்டில் நிறைய பதிவுகளும், தகவல்களும், முடிந்தால் சில பல காமிக்ஸ் சந்திப்புகளையும் அரங்கேற்றுவோம் என்பதே இப்போதைய ஒரே வாக்குறுதியாக இருக்கிறது. இதனை நிறைவேற்ற இயன்ற வரையில் பாடுபடுவேன்.

 

என்னுடைய விருப்பங்களுக்கு மட்டுமே இதுவரையில் பதிவிட்டு வந்த இந்த பாரதிராஜா கிங் விஸ்வா, இனிமேல் உங்களின் இந்த நன்றிக்கு கடன்பட்டு, உங்களுக்காகவும் பல பதிவுகளை இடுவேன் என்று உறுதி கூறுகிறேன். ஆகையால் எந்த வருடமும் இல்லாமல் இந்த வருடம் இந்த வலைப்பூவில் ஏகப்பட்ட பதிவுகளை நீங்கள் காணப்போகிறீர்கள். பீ ஃகேர்புல்.

கடந்த மூன்று மாதங்களாக பல காமிக்ஸ் தகவல்கள், நிகழ்வுகளை இந்த தளத்தில் பதிவிக்க நான் தவறிவிட்டேன். அதில் ஒரு முக்கியமான நேர்காணலும் இருந்தது. சுமார் மூன்று மாதங்களுக்கு முன்பாக கல்கி வார இதழில் இயக்குனர் திரு மிஷ்கின் அவர்களின் நேர்காணல் இடம்பெற்று இருந்தது. அந்த நேர்காணலில் அவர் தன்னுடைய காமிக்ஸ் மீதுள்ள காதலை மிகவும் தெளிவாக வெளிப்படுத்தி இருந்தார். அந்த நேர்காணல் இந்த வலைப்பூவில் இடம்பெற தேவை இருந்தாலும், மிக மிக விரைவில் மீண்டும் இடம்பெறும் என்று உறுதி கூறுகிறேன். 

ஆகையால் இன்றுமுதல் நீங்கள் எந்தவிதமான காமிக்ஸ் குறித்தான தகவல்களை ஏதாவது பத்திரிக்கையில் படித்தாலோ, அல்லது ஏதாவது ஊடகத்தில் பார்த்தாலோ உடனடியாக என்னுடைய மின்னஞ்சல் முகவரிக்கு (tamilcomicsulagam@gmail.com) தெரியப்படுத்துங்கள். அவை இங்கே உடனடியாக வலையேற்றப்படும்.

அப்படி என்றால் ஏன் இந்த பதிவு மட்டும் கிட்டதட்ட ஒரு வார இடைவெளியில் இங்கே பதிவேற்றப்படுகிறது என்றால் ஒரே ஒரு காரணம் மட்டுமே: என்னுடைய ஸ்கான்னர் பழுதடைந்து,வேறு புதிய ஸ்கான்னர் வாங்க ஏற்பட்ட இடைவெளியே இந்த ஒரு வார கால தாமதம். இனி தாமதமின்றி இந்த பதிவுக்குள் நுழைவோம். இந்த மாதிரி பதிவுகளில் நாம் சொல்ல எதுவுமே இல்லை என்பதால் நீங்களே படித்துக் கொள்ளுங்கள்.

Kumudam Tamil Weekly Issue Dated 25042012 On Stands 18042012 Cover Story Dir Mysskin Interview Page No 18 19

Kumudam Tamil Weekly Issue Dated 25042012 On Stands 18042012 Cover Story Dir Mysskin Interview Page No 20 21

ஆனந்த விகடனில் இயக்குனர் மிஷ்கின் கொடுத்த பேட்டியால்,அதனை சரியாக புரிந்து கொள்ள முடியாத சிலர், வழக்கம் போல ஒரு புதிய பிரச்சினையை கிளப்ப முயற்சித்து வருகின்றனர். அவர்களுக்கு நான் கூற விரும்புவது  ஒன்றே ஒன்றுதான் Best of Luck.

Anandha Vikatan Tamil Weekly Issue Dated 25042012 On Stands 19042012 Cover Story On Mugamoodi Dir Mysskin Interview Page No 40 41

Anandha Vikatan Tamil Weekly Issue Dated 25042012 On Stands 19042012 Cover Story On Mugamoodi Dir Mysskin Interview Page No 42	Anandha Vikatan Tamil Weekly Issue Dated 25042012 On Stands 19042012 Cover Story On Mugamoodi Dir Mysskin Interview

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

14 Lion Comics Issue No 211: சாத்தானின் தூதன் டாக்டர் செவன்: Agent X-9 Phil Corrigan + Rip Kirby Adventure – Apr 2012

காமிரேட்ஸ்,
இந்த பதிவை படித்துக்கொண்டு இருக்கும் பெரும்பாலான வாசகர்களுக்கு இந்நேரம் சாத்தானின் தூதனை தரிசிக்கும் வாய்ப்பு கிட்டியிருக்கும். அப்படியும் பயங்கரவாதி டாக்டர் செவனை சந்திக்க முடியாதவர்கள் இரண்டொரு நாள் பொறுத்திருங்கள். அந்த வாய்ப்பு கிடைத்து விடும். லயன் காமிக்ஸ் அலுவலகத்தில் இருந்து பெரும்பாலான சந்தாதாரர்களுக்கு இந்த புத்தகம் சனிக்கிழமை அன்று அனுப்பப்பட்டுவிட்டதாக நம்பத்தகுந்த வட்டாரத்தில் இருந்து (ச்சை. இந்த நியூஸ் சேனல்களை பார்த்து,பார்த்து நமக்கும் அப்படியே வருது) தகவல்.

அப்படியும் இந்த புத்தகம் கைவரப் பெறாதவர்கள், உடனடியாக லயன் காமிக்ஸ் அலுவலகதொலைபேசி எண்ணிற்கு (04562 – 272649) தொடர்பு கொண்டு உங்கள் சந்தா விவரங்களை தெரிவியுங்கள். புத்தக விவரங்கள் அப்டேட் செய்யப்படும். இந்த புத்தகம் இந்த ஆண்டு பிரகாஷ் பப்ளிஷர்ஸ் நிறுவனத்தில் இருந்து வெளிவந்துள்ள ஐந்தாவது காமிக்ஸ் புத்தகம் ஆகும். நூறு நாளில் ஐந்து புத்தகங்கள் என்பது இன்றைய காலகட்டத்தில் ஒரு சிறப்பான முன்னேற்றமே.

1. லயன் காமிக்ஸ் கம்பேக் ஸ்பெஷல் – Jan 2012

2. காமிக்ஸ் கிளாசிக்ஸ் - கொலைகார கலைஞன் – Jan 2012

3. முத்து காமிக்ஸ் - விண்ணில் ஒரு குள்ளநரி – Jan 2012

4. காமிக்ஸ் கிளாசிக்ஸ் - தலை வாங்கிக் குரங்கு – March 2012

5. லயன் காமிக்ஸ் - சாத்தனின் தூதன் டாக்டர் செவன் – Apr 2012

சரி, அதுதான் இந்த இதழ் அனைவரின் கைகளுக்கும் வந்தாகி விட்டதே, இனிமேலாவது பதிவு இடலாமே என்று இந்த பதிவு:

சமீபத்தில் வந்த லயன் காமிக்ஸ் அட்டைப்படங்களில் இதுபோன்றதொரு சிறப்பான அட்டையை பார்த்ததில்லை. இது குறித்து விவாதிக்க விஷயமே இல்லை. அவ்வளவு அட்டகாசமான அட்டைப்படம். கடைசியாக இப்படி குறுக்குவாட்டில் வந்த அட்டைப்படம் எதுவென்று நண்பர்களுக்கு நினைவிருக்கிறதா? இங்கே கிளிக் செய்து அந்த அட்டையை பாருங்கள்

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Front Cover

வழக்கம் போல புத்தகத்தில் அதிகம் படிக்கப்படும் / முதலில் படிக்கப்படும் பகுதி நம்ம எடிட்டரின் ஹாட் லைன் பகுதிதான். இந்த முறையும் இரண்டு பக்கங்கள் எழுதியுள்ளார்.

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Editorial Hot Line Page 03	Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Editorial Hot Line Page 04

இந்த கதைகளை படிக்கும் முன்னர் ஓரிரு வார்த்தைகள். எடிட்டரே தன்னுடைய ஹாட் லைனில் கதைகளின் தொன்மையை ஓவியர்களின் கைவண்ணம் overcome செய்திடும் என்று சொல்லி இருந்தாலும் ஒரு விஷயத்தை வாசகர்கள் புரிந்துகொள்ள வேண்டும்.

இந்த கதைகள் இரண்டுமே தினசரி செய்திதாள்களில் தொடர்கதைகளாக வந்தவை. செய்திதாளில் தொடர்கதை படிப்பது என்பது மிகவும் நுணுக்கமாக, ரசிப்புதன்மையுடன் எழுதப்பட வேண்டிய ஒன்று. ஒவ்வொரு நாள் தொடரிலும், முதல் கட்டம் நேற்றைய நிகழ்வை நினைவுபடுத்த வேண்டும், முடிவில் வரும் கடைசி கட்டத்திலும் (முடிந்தால்) ஒரு ட்விஸ்ட், வெள்ளிகிழமை (அல்லது சனிக்கிழமை) அன்று ஒரு திருப்பமான கட்டம் வரவேண்டும் என்று பல தடைகள். அப்படி இருந்தாலும் அவை ஜெயிக்கவேண்டுமேன்றால் அது அந்த ஓவியர் மற்றும் எழுத்தாளரின் கூட்டணி புதுமையான முயற்சியில் தான் இருக்கிறது.

நான் இப்போதும்கூட இந்தியன் எக்ஸ்பிரெஸ் தினசரியில் வரும் முகமூடி வீரர் வேதாளர் கதைகளை தொடர்ந்து படித்துக்கொண்டே வருகிறேன். லீ பாஃக் அளவுக்கு கதைகளின் தரம் இருக்காது என்பது நாம் அனைவரும் நன்கறிந்த உண்மை. ஆனாலும் ஓக்கேதான், தொடர்ந்து படிக்கலாம்.

ஆகையால், இந்த கதைகளை Al Williamson மற்றும் Alex Raymond ஆகிய இரண்டு மகத்தான ஓவியர்களின் கைவண்ணத்தை பறைசாற்றும் ஒரு புத்தகமாகவே எடுத்துக்கொள்ளவேண்டும். இந்த கதைகள் அன்றைய காலகட்டத்தில் மிகவும் ரசிக்கப்படவை என்பதும் மறுக்கவியலா உண்மை. நாம் சில சமயங்களில் பழைய கருப்பு வெள்ளை ரெட்ரோ படங்களை ஒரு மாறுதலுக்காக பார்ப்பதில்லையா? அதைப்போல இதனை எடுத்துக்கொள்ளுங்கள். சில சமயங்களில் பழைய படங்களே இப்போதைய சூழலில் ஹிட் ஆகிவிடும் (ஒகே ஒகே ரிலீஸ் ஆகும்முன், இந்த ஆண்டின் அபிஷியல் ஹிட் கர்ணன் படம் தான்). ஸோ, ஒரு மாறுதலுக்காக இந்த புத்தகங்களை படியுங்கள். படிக்கும்போது, ஒவ்வொரு மூன்றாம் கட்டத்தையும் கூர்ந்து கவனியுங்கள். நான் சொல்வது புரியும்.

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Story 1st Page Pg No 05	Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Rip Kirby Story 1st Page Pg No 47

கடந்த வாரம் பழைய காமிரேட்டுகள் இருவரிடம் பேசிக்கொண்டு இருந்தேன். இருவருக்குமே இந்த புத்தகம் பிடிக்கவில்லை. பழைய காமிக்ஸ் ரசிகர்களுக்கே இப்படி என்றால் மற்றவர்களுக்கு எப்படி என்று தெரியவில்லை. அதனால்தான் எடிட்டர் தற்காலிக ஓய்வு கொடுத்து விட்டாரோ என்று தோன்றுகிறது. என்னுடைய தாழ்மையான கருத்தை பதிவின் முடிவில் காணலாம்.

காமிக்ஸ் சீசன் மறுபடியும் களைகட்ட துவங்கிவிட்டது என்பதற்கு சாட்சியாக இந்த இதழில் வந்துள்ள விளம்பரங்களை கூறுவேன். சிங்கத்தின் சிறு வயதில் தொடர் இப்போதுதான் சூடுபிடிக்க ஆரம்பித்து இருக்கிறது. சமீப காலங்களில் நாம் ரசிக்கும் ஹீரோக்களின் அறிமுகம் ஆரம்பித்துள்ளது.

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 SSV 18 Pages 96 97

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Comics Advt Forthcoming Issues Pages 100 101

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Comics Advt Forthcoming Issues Pages 102 103

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Comics Advt Super Hero Summer Special Pages 98 99

புத்தக விளம்பரங்களை தவிர, விற்பனையாகிறது போன்ற விளம்பரங்களை பார்க்கையில் மனதிற்கு நிறைவை தருகிறது. ஒவ்வொரு முறையும் சந்தா கட்ட விவரங்களை கேட்கும் வாசகர்களே, இந்த சந்தா படிவத்தை உபயோகித்துக் கொண்டு உடனடியாக சந்தா கட்டி தமிழ் காமிக்ஸ் மேலுள்ள உங்கள் அன்பை வெளிப்படுத்துங்கள். இரண்டாயிரம் சந்தா என்பது இந்த ஆண்டு முடிவிற்குள் நடந்துவிட்டால், அடுத்த ஆண்டு நாம் அனைவருமே மாதம் இரண்டுகாமிக்ஸ் புத்தகங்களை படிக்க வாய்ப்பிருக்கிறது.

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Comics Advt Forthcoming Issues Pages 104	Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7  Subscription Form Page No 95
Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Reprint List Page No 105	Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Reprint List Page No 106

கடைசியாக, நம்முடைய மனம்கவர்ந்த காமிக்ஸ் இரட்டையர்கள் - விச்சு கிச்சு. இவர்களைப்பற்றி மூன்று ஆண்டுகளுக்கு முன்பு நான் ஆங்கிலத்தில் வழங்கிய ஒரு முன்னுரை இங்கே உள்ளது. கிளிக் செய்து படிக்கவும்.

Lion Comics Issue No 211 Issue Dated Apr 2012 Agent X 9 Phil Corrigan Sathanin Thoodhan Dr 7 Back Cover Sporty Vichu & Kichu

புத்தக மதிப்பீடு: கடந்த இதழில் இருந்து ஒவ்வொரு புத்தகத்தினையும் தமிழ் காமிக்ஸ் உலக மதிப்பீட்டு குழுவினர் அலசி ஆராய்ந்து தங்களது முடிவினை வழங்குகிறார்கள். அதன்படி இந்த சாத்தானின் தூதன் டாக்டர் செவனின் புத்தக மதிப்பீடு இதோ:

1. அட்டைப்படம் (ஓவியம்/டிசைன்/எழுத்துரு): 15/15

சமீபத்தில் வந்த அட்டைப்படங்களிலேயே இதுதான் டாப் என்பதினை பதிவின் ஆரம்பத்திலேயே கூறிவிட்டேன். லயன் காமிக்ஸ் கவ் பாய் ஸ்பெஷல் தவிர வேறெந்த அட்டையும் இப்படி ஒரு கலர்ஃபுல் காம்பினேஷனில் வந்ததில்லை. அட்டைப்பட ஓவியர் ராக்ஸ்.

2. பைண்டிங் மற்றும் புத்தக வடிவமைப்பு: 4/10

ஏற்கனவே சொன்னதுபோல நியூஸ் பிரின்ட் தாளில் பிரின்ட் செய்யப்படுகின்ற கடைசி வரிசை புத்தகங்கள் இவை. அதனால் ஓவியங்களின் தரத்தை நூறு சதவீதம் ரசிக்க இயலவில்லை.

3. தலையங்கம் / எடிட்டோரியல்: 10/10

மேலே சொன்னதுபோல முதலில் படிக்கப்படும் பகுதி. இரண்டு பக்கங்கள் என்பதால் இன்னமும் அருமை. தொடர்ந்து இனிமேல் இரண்டு பக்கங்கள் எழுத இங்கே ஒரு கோரிக்கை வைக்கிறேன். நோ ஆர்கியுமென்ட்ஸ்.

4. கதையமைப்பு: 12/20

இரண்டு கதைகளுமே நாற்பது / அறுவது ஆண்டுகளுக்கு முன்பாக செய்தித்தாளில் தினசரி தொடராக வந்தவை என்பதால் இப்போதைய சூழலில் அவற்றின் நிலைப்புத்தன்மை என்பது கேள்விக்குறி. ஆனால் ஒரு மாற்றமாக இந்த கதைகளை ரசிக்க இயலும். வருடத்திற்கு கண்டிப்பாக ஓரிரு முறையேனும் இந்த ஹீரோக்களின் கதைகள் வரவேண்டும்.

5. கதையின் ஓவியங்கள்: 18/20

சென்ற ஆண்டு மறைந்த காரிகன் கதைகளின் ஓவியர் அல் வில்லியம்சன் அவர்களுக்கு தமிழ் நாட்டில் ஒரு ரசிகர் மன்றமே உள்ளது (நாங்கதான்). அவரது ஸ்டைல் பற்றி சொல்லவே வேண்டாம். அதைப்போலவே ரிப் கிர்பி ஓவியர் அலெக்ஸ் ரேமன்ட் தான் கிர்பி கதை வரிசையில் சிறந்த ஓவியர். ஆகையால் இந்த கதைகளின் ஓவியங்கள் அட்டகாசம். அடுத்த முறை ஏதேனும் ஸ்பெஷல் இதழில் இந்த ஹீரோக்களின் கதைகளை வெளியிடும் எண்ணம் இருந்தால், கண்டிப்பாக இப்போது இருக்கும் உயர்தர தாளிலேயே வெளியிடுங்க. கண்டிப்பாக இந்த கதையை மறுத்த வாசகர்கள்கூட ரசிப்பார்கள்.

6. தமிழ் மொழியாக்கம் + எடிட்டிங்: 18/20

ஓரிரு இடங்களில் லேசாக ஜெர்க் அடித்தாலும், மொழியாக்கம் வழக்கம்போல உலகத்தரம். அதைப்போலவே கதையின் எடிட்டிங்கும். ஆகையால் நோ கம்ப்லைன்ட்ஸ்.

7. மற்றவை (ஃபில்லர்கள், விளம்பரங்கள் போன்றவை):  5/5

விச்சு கிச்சு கலரில் வந்தது மிக்க மகிழ்ச்சியை அளிக்கிறது. அதைப்போலவே மற்ற ஓரிரு பக்க கதைகளையும் கொண்டுவந்தால் இன்னமும் சிறப்பாக இருக்கும். விளம்பரங்கள் தூள் கிளப்புகின்றன.

 

No	மதிப்பீட்டு காரணிகள்	மதிப்பெண்கள்	TCU குழு மதிப்பீடு
1	அட்டைப்படம் (ஓவியம்/டிசைன்/எழுத்துரு)	15	15
2	பைண்டிங் மற்றும் புத்தக வடிவமைப்பு	10	4
3	தலையங்கம் / எடிட்டோரியல்	10	10
4	கதையமைப்பு	20	12
5	ஓவியங்கள்	20	15
6	தமிழ் மொழியாக்கம் + எடிட்டிங்	20	18
7	மற்றவை (ஃபில்லர்கள், விளம்பரங்கள்)	5	5
		100	79

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

13 Comic Cuts 40-News 40: லயன் காமிக்ஸ் கம்பேக் ஸ்பெஷல் பற்றி எழுத்தாளர் எஸ்.ராமகிருஷ்ணன்–Writer S.Rama Krishnan on Lion Comics Comeback Special

காமிரேட்ஸ்,

லயன் காமிக்ஸின் கம்பேக் ஸ்பெஷல் சிறப்பு வெளியீடு இந்த ஆண்டு சென்னை புத்தக கண்காட்சியில் மூன்றாம் நாள் நடைபெற்றது. இந்த நிகழ்ச்சி திட்டமிட்டு நடத்தப்பட முடியாமல் திடீரென்று சம்பவித்த ஒன்று என்பதால் அனைவரையும் அழைக்க இயலவில்லை. அந்த விழாவினை நேரில் கண்டு ரசிக்க முடியாத காமிரேட்டுகளுக்காக இந்த ஸ்பெஷல் பதிவு.

லயன் காமிக்ஸ் கம்பேக் ஸ்பெஷல் புத்தகத்தின் வெளியீடானது எடிட்டர் திரு எஸ் விஜயன் அவர்கள் முன்னிலையில் பிரபல எழுத்தாளர் திரு எஸ். ராமகிருஷ்ணன் அவர்கள் முதல் இதழை வெளியிட, ஓவியர் திரு ட்ராட்ஸ்கி மருது அவர்கள் பெற்றுக்கொள்ள சிறப்பாக நடைபெற்றது. இந்த விழாவில் மேலே குறிப்பிட்ட மூவருமே சிறப்புரை ஆற்றினார்கள். அந்த விழாவினை மூன்று தொகுப்புகளாக இன்று முதல் மூன்று நாட்களுக்கு தொடர்ந்து ஒரு நாளைக்கு ஒரு வீடியோ என்று தமிழ் காமிக்ஸ் உலகம் தளத்தில் காணலாம்.

வேகமான இன்டர்நெட் இணைப்பு இல்லாத ரசிகர்களின் வசதிக்காக இதோ திரு எஸ்ரா அவர்கள் பேசியதின் எழுத்தாக்கம்:

தமிழ் காமிக்ஸ் அப்படிங்கறது தனியான ஒரு உலகம். இதுக்கு நெறைய வாசகர்கள் இருக்காங்க. நானும் ஒரு வாசகன்.நான் சிறு வயதில் இருந்து தொடர்ந்து இந்த மாதிரி காமிக்ஸ்'களை தேடிப்பிடித்து படித்துக்கொண்டு இருக்கேன்.

இதை வெளியிடுரதுல பெரும் பங்கு ஆற்றினவங்க விஜயன் மற்றும் அவரது தந்தையார். இன்னும் சொல்லப்போனா, இதற்கான ஓவியங்கள் இருந்து, அதை தமிழில் வெளியிடுவதற்கான முயற்சி ரொம்ப பெருசு.

இப்ப இவங்க புதுசா ஒரு தொகுப்ப வெளியிட்டு இருக்காங்க. ரியலாவே இது ஒரு கம்பேக். ஏன்னா இந்த மாதிரி புத்தகங்கள் கிடைக்காதா என்று நிறைய பேரு தேடிக்கிட்டு இருக்கோம். எல்லாத்தையும் தொகுத்து ரொம்ப அழகா வெளியிட்டு இருக்காங்க.

தமிழ்ல காமிக்ஸ் படிக்குரதுங்கறது இன்னைக்கு இருக்குற சூழல்ல ரொம்ப முக்கியமானது. ஏன்னா இதன் வழியா  மட்டும்தான் நான் இன்னைக்கு இருக்குற தலைமுறையை தமிழ் படிக்க வைக்க முடியும்னே நம்புகிறேன்.

ஏன்னா இன்னிக்கு நெறைய குழந்தைகள் தமிழ்ல படிக்குறதுக்கு சிரமப்படுறாங்க. அவங்க தமிழும் கத்துக்கலாம், அதே நேரத்துல அவங்களோட கற்பனை ஆற்றல அதிகப்படுதுரதுக்கு இருக்குற ஒரு மிகச்சிறந்த வழி இந்த காமிக்ஸ் படிக்குரதுதான்.

ஏன்னா, நான்'லாம் காமிக்ஸ் படிச்சு உருவான ஒரு எழுத்தாளன்தான். இந்த காமிக்ஸ் நாம ஒவ்வொருவரும் படிக்க, நாம ஒவ்வொருவரும் கொண்டாட வேண்டிய ஒரு காமிக்ஸ். நாம எல்லாருமே இந்த காமிக்ஸை வாங்கி நம்ம வீட்டுல பாதுகாக்கணும். நம்ம நண்பர்களுக்கு பரிசாக கொடுக்கவேண்டும்.

-------------------------------------

இந்த புத்தக வெளியீட்டு தினத்தன்று மாலை ஐந்தரை மணிக்கு சென்னை அண்ணா சாலையில் தான் கலந்து கொள்ள வேண்டிய ஒரு முக்கியமான விழா இருந்தும், நம்முடைய காமிக்ஸ் விழாவிற்கு வந்து சிறப்பித்த திரு எஸ்ரா அவர்களுக்கு தமிழ் காமிக்ஸ் உலகம் சார்பில் சிறப்பு நன்றி.

இன்று பிறந்த நாள் காணும் எழுத்தாளர் திரு எஸ்.ராமகிருஷ்ணன் அவர்களை வாழ்த்த விரும்பும் காமிரேட்டுகள் writerramki@gmail.com என்கிற மின்னஞ்சல் முகவரிக்கு தங்களது வாழ்த்து செய்திகளை அனுப்பலாம்.

நாளைய தினம், நம்முடைய எடிட்டர் அவர்கள் இந்த விழாவில் பேசியதின் வீடியோ வெளியாகும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

பின் குறிப்பு 01: வீட்டில் இருந்த இரண்டு ஸ்கான்னர்'களும் ரிப்பேர் என்பதால் இரண்டு மூன்று முக்கியமான பதிவுகள் இன்னமும் வெயிட்டிங்.

பின் குறிப்பு 02: கிட்டத்தட்ட ஒன்றரை வருடங்கள் கழித்து இன்றுதான் திருத்தணி கோவிலுக்கு சென்றுவிட்டு இப்போதுதான் வீடு திரும்பினேன்

பின் குறிப்பு 03: காலையில் இருந்து தொலைபேசியில் முயன்ற நண்பர்களுக்கு - மன்னிக்கவும். இப்போது பேசிவிடுகிறேன்.

33 Comic Cuts 39-News 39: Tamil Comics Make a Comeback–Indian Express Exclusive Story

Dear ComiRades,

Welcome back to TCU. It’s been a very long time since we have featured our regular Comic Cuts section where we pass on the news about Tamil Comics in particular and Comics per se. Sometimes, the professional work takes so much out of yours truly that the regular section of comics news wasn’t regularly updated. Even it featured TCU (Times of India & Vikatan Group). However, this particular article was not the one to be missed out. Hence, even at the rate of getting accused of self promotion, we present you Comic Cuts 39.

Today’s Indian Express News Paper’s Chennai Express carried an Exclusive news on the come back of the Tamil Comics and the availability of the same in Chennai. This particular meeting of the Tamil ComiRades took place on 06th April 2012, which happens to be the birthday of Olaga Comics Rasigar aka GEC. TCU thanks him for making to the meeting, in spite of his busy schedule and birthday celebrations. Yours Truly also thanks the wonderful reporter from Indian Express Prashanti and Photographer Raja and the entire editorial team for carrying out such a wonderful article.

Indian Express Daily Chennai Edition Chennai Express Page No 05 CE Comics Coverage 1

TCU is very conscious about the image and hence except for one occasion, nowhere the photo of yours truly got published. This time, readers have no such luck. Here is the terror looking Blogger who is trying give a “Romantic Look”, just like Gounda Mani.

The Highlight of the article is the views of our beloved editor S.Vijayan Sir. Here also he emphasizes the latest trend of publishing comics in high quality paper. If the font size is small or unreadable, just click on the image and you can have a bigger size image opening up in a new tab.

Indian Express Daily Chennai Edition Chennai Express Page No 05 CE Comics Coverage 3

To make the article more interesting, here are some very interesting tit bits about Tamil comics and some of them need a clarified reading. For Example, the number of books published in ACK original run in the 60’s was only 117 and hence it was mentioned as 117 books. Some people who read it at the surface level, can argue that ACK has got more than 500 comics titles in Tamil. However, the original run is considered here for the stalwarts who have translated them.

Likewise, though Indrajal comics was published in Tamil from the 60’s itself, they stuttered in between and got started all over again. Hence, Muthu Comics can be credited with the fact that they are the 1st regular comics books from Tamil Nadu.

Indian Express Daily Chennai Edition Chennai Express Page No 05 CE Comics Coverage Tit Bits 01	Indian Express Daily Chennai Edition Chennai Express Page No 05 CE Comics Coverage Tit Bits 02	Indian Express Daily Chennai Edition Chennai Express Page No 05 CE Comics Coverage Tit Bits 03	Indian Express Daily Chennai Edition Chennai Express Page No 05 CE Comics Coverage Tit Bits 04

Well, that's all for the time being. As usual, post your comments in the comments section. For those who want to Pen their thoughts in Tamil, Kindly Use the Option Provided in the Widget section in the Blog.

Thanks & Regards,

King Viswa.

17 சென்னையில் லயன் & முத்து காமிக்ஸ் கிடைக்குமிடம்: டிஸ்கவரி புக் பேலஸ்

காமிரேட்ஸ்,
சமீப காலமாக தமிழ் காமிக்ஸ் உலகில் நடைபெற்று வரும் நல்ல மாற்றங்கள் வரப்போகும் காலங்களை காமிக்ஸ் உலகின் வசந்த காலமாக மற்றப்போவதாகவே தெரிகிறது. சந்தா கட்டுபவர்களின் எண்ணிக்கை அதிகரித்துக்கொண்டு இருக்கும் இவ்வேளையில் அடிக்கடி வீடு மாறிக்கொண்டு இருப்பவர்கள், வாடகை வீட்டில் இருப்பவர்கள், சந்தா கட்ட முடியாதவர்கள் என்று பலரும் இருக்கின்றனர். இவர்களுக்கு சென்னையில் நம்முடைய காமிக்ஸ் புத்தகங்கள் கிடைக்காதது ஒரு பெரும் குறையாகவே இருந்தது. அந்த குறையை நிவர்த்தி செய்வதைப்போல சென்னையில் இனிமேல் அபீஷியலாகவே நமது லயன். முத்து மற்றும் காமிக்ஸ் கிளாசிக்ஸ் இதழ்கள் இந்த டிஸ்கவரி புக் பேலஸ் புத்தக சாலையில் விற்பனைக்கு கிடைக்கும்.

டிஸ்கவரி புக் பேலஸ்: இந்த நிறுவனம் நண்பர் திரு வேடியப்பன் அவர்களால் முழுக்க முழுக்க புத்தக விற்பனையை மையமாக வைத்து கடந்த 2009-ம் ஆண்டு செப்டம்பர் 15-ம் நாள் துவங்கப்பட்டது. சென்னையின் முக்கிய பகுதிகளில் ஒன்றான கே.கே. நகர் மேற்கில் (K K Nagar West. Near puthuchery guest house) அமைந்துள்ளது. சென்னையின் எந்த இட்த்திலிருந்தும் போக்குவரத்து சிரமமில்லாமல் இங்கு வரலாம்.

இதுவரை சுமார் இருபதாயிரத்துக்கும் மேற்பட்ட தலைப்புகளின் கீழ் புத்தகங்களை தொகுத்து விற்பனை செய்துக்கொண்டு இருக்கிறார்கள்.. தொடர்ந்து தமிழில் கிடைக்கக் கூடிய அனைத்து புத்தகங்களையும் டிஸ்கவரி என்ற ஒரு குடையின் கீழ் கொண்டுவந்து அதை தமிழ் கூறு நல்லுலகம் எங்கும் கொண்டு சேர்க்கும் விதமாக Online விற்பனை சேவையும் துவங்கப் பட்டுள்ளது.ஓராண்டு முடியும் நிலையில் டிஸ்கவரி புக் பேலஸ்-ல் இதுவரை 35 புத்தக வெளியீட்டு விழாவும், ஐந்து புத்தக விமர்சன கூட்டங்களும் நடைபெற்றுள்ளது. தமிழில்  வளர்ந்து வரும் எழுத்தாளர்களின்  முக்கிய சந்திப்பு முனையாக டிஸ்கவரி புக் பேலஸ் விளங்குகிறது.

Discovery Book Palace West KK nagar Chennai Photo 04 Outside View	Discovery Book Palace West KK nagar Chennai Photo 05 Outside View

இப்படி தமிழ் இலக்கிய மற்றும் இலக்கியம் சாராத இலக்கிய புத்தகங்களையும் விற்பனை செய்து வரும் டிஸ்கவரி புக் பேலஸ் இந்த மாதம் முதல் சிவகாசியில் இருந்து வரும் பிரகாஷ் பப்ளிஷர்ஸ் நிறுவனத்தினரின் லயன் காமிக்ஸ், முத்து காமிக்ஸ் மற்றும் காமிக்ஸ் கிளாசிக்ஸ் இதழ்களை விற்பனை செய்யும் விற்பனையகமாகவும் புது உருப்பெற்றுள்ளது.பிரகாஷ் பப்ளிஷர்ஸ் நிறுவனத்தினரின் லேட்டஸ்ட் சூப்பர்ஹிட் வெளியீடுகள் இங்கே விற்பனைக்கு இருப்பதை நீங்கள் காணலாம்.

• லயன் காமிக்ஸ் - கம்பேக் ஸ்பெஷல் (Rs 100/- Special Issue)
• முத்து காமிக்ஸ் - விண்ணில் ஒரு குள்ளநரி (Rs 10/-)
• காமிக்ஸ் கிளாசிக்ஸ் - கொலைகாரக் கலைஞன் (Rs 10/-)

Discovery Book Palace West KK Nagar Chennai Photo 03 Comics On Display	Discovery Book Palace West KK Nagar Chennai Photo 02 On Display

இது தவிர இனிமேல் விற்பனைக்கு வரவிருக்கும் புத்தம் புதிய காமிக்ஸ் இதழ்கள்:

ஏப்ரல் மாதம்

• காமிக்ஸ் கிளாசிக்ஸ் - தலை வாங்கிக் குரங்கு
• லயன் காமிக்ஸ் - சாத்தானின் தூதன் டாக்டர் செவன்
  

மே மாதம்

• லயன் காமிக்ஸ் - சூப்பர் ஹீரோ ஸ்பெஷல் (கோடை மலர்) நூறு ருபாய் புத்தகம்
• காமிக்ஸ் கிளாசிக்ஸ் - திகில் காமிக்ஸ் ஸ்பெஷல் (முதல் மூன்று பெரிய சைஸ் புத்தகங்கள்)

ஜூன் மாதம்

• முத்து காமிக்ஸ் - லார்கோ வின்ச் - முதல் பாகம் -  முழு வண்ணத்தில்
• முத்து காமிக்ஸ் - லார்கோ வின்ச் - இரண்டாம் பாகம் -  முழு வண்ணத்தில்

டிஸ்கவரி புக் பேலஸ் - முகவரி மற்றும் தொடர்பு விவரங்கள்: சென்னைக்கு அருகாமையில் இருக்கும் வாசகர்கள் இங்கே வந்து நேரிடையாக புத்தகங்களை பெற்றுக்கொள்ளலாம்.டிஸ்கவரி புக் பேலஸ் முகவரி:

டிஸ்கவரி புக் பேலஸ்,
எண் 6, மஹாவீர் காம்பளக்ஸ், முதல்தளம்,
முனுசாமி சாலை, மேற்கு  கே.கே நகர்,
சென்னை - 600078.  தமிழ்நாடு. இந்தியா
(பாண்டிச்சேரி விருந்தினர் மாளிகை அருகில்)

தொலைபேசி எண்: 044 – 6515 7525

மின்னஞ்சல் முகவரி: discoverybookpalace@gmail.com

டிஸ்கவரி புத்தக நிலையம் செல்ல மேப்: A = Discovery Book Palace

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

15 வாண்டுமாமா பிறந்த நாள் சிறப்பு பதிவு 01: தேச தேசக் கதைகள்

காமிரேட்ஸ்,

இந்த மாதம் 21ஆம் தேதி நம்முடைய அன்பிற்குரிய சிறுவர் இலக்கிய எழுத்தாளர் திரு வாண்டுமாமா அவர்களின் பிறந்த நாள் வருகின்றது. அதனை கொண்டாடும் வகையில் இன்றுமுதல் தமிழ் காமிக்ஸ் உலகம் தளத்தில் அவருடைய (இதுவரை இங்கே விமர்சனம் எழுதாத) பத்து சிறந்த புத்தகங்களை பற்றிய பதிவுகள் இடம்பெறும். இவை எந்தவிதமான ஒரு வரிசைக்கிரமத்திலும் இல்லாமல் எனக்கு பிடித்த பத்து புத்தகங்கள் என்றே வரிசைப்படுத்தப்படும். இவற்றில் சில இன்னும் விற்பனைக்கு கிடைக்கலாம், சில கிடைக்காமல் போகலாம்.

என்னால் முடிந்தவரை தற்போதைக்கு விற்பனைக்கு கிடைக்கும் புத்தகங்களை மட்டுமே எழுத முயல்கிறேன் (ஆனால் இந்த புத்தகம் மட்டும் ஒரு சிறப்பிற்குரிய ஒன்று என்பதால் இது இப்போதைக்கு விற்பனையில் இல்லை). அப்போதுதான் இந்த பதிவினை படிக்கும் வாசகர்கள் அந்த புத்தகங்களை மீண்டும் வாங்க எதுவாக இருக்கும். என்ன வாசகர்களே,சாகசங்களும், விந்தைகளும் நிறைந்த ஒரு நாஸ்டால்ஜியா பயணத்திற்கு நீங்கள் தயாரா?

தேச தேசக் கதைகள் ஒரு சிறிய முன்குறிப்பு:

தற்போதைய இன்டர்நெட் உலகில் அனைத்தையுமே கூகிளாண்டவர் துணையுடன் கண்டறிய முடியும். இங்கிலாந்தில் ஜனவரி மாத மாலையில் ஒரு இசை நிகழ்ச்சியை நடத்த நாங்கள் இந்த வாரம் முழுவதும் திட்டமிட்டுக்கொண்டு இருந்தோம். திடீரென்று அப்போது அங்கே பனிமூட்டம் அதிகமாக இருக்குமோ என்று சந்தேகப்பட்டு ஒரு கூகுள் தேடுதலை நிகழ்த்தினால்.அங்கே ஜனவரியில் சாயந்திரம் ஆறு மணிக்கெல்லாம் உணவு விடுதிகளை தவிர மற்ற கடைகள் எல்லாமுமே மூடப்பட்டுவிடும் என்ற விஷயம் தெரிய வந்தது. இந்த விஷயம் சுமார் இருபது ஆண்டுகளுக்கு முன்பு என்றால் இதற்காக இரண்டு மூன்று பேருக்கு போன் செய்து (அதாவது ட்ரன்க் கால் புக் செய்து) கேட்டுக்கொள்ள வேண்டியிருக்கும். அப்போதுகூட போதுமான அளவுக்கு தகவல் இராது. ஆனால் தகவல் தொழில்நுட்பம் இவ்வளவாக முன்னேறியிராத அந்த கால கட்டத்தில் உலகில் இருக்கும் மற்ற நாடுகளைப்பற்றிஎல்லாம் மதியத்தர வர்க்கத்தினருக்கு ஒரு மூடுபனி போலவே அறிந்தும் அறியாமலும் விஷயங்கள் தெரிந்திருக்கும். அதிலும் பள்ளி மாணவர்களுக்கு சொல்லவே வேண்டாம்.

இத்தகைய சூழலில், உலகின் மற்ற நாடுகளைப்பற்றியும் அங்கிருக்கும் கலாச்சாரங்களையும் தெரிந்து கொள்வதர்க்கு பள்ளி புத்தகங்களை விட போரடிக்கும் விஷயங்கள் வேறு இருக்காது. ஆனால் அதே விஷயங்களை அலுக்கவே அலுக்காமல் இன்னும் கொஞ்சம் இருக்காதா என்று ஏங்கும் அளவிற்கு சொல்லும் மந்திர விதையை தெரிந்தவர் திரு வாண்டு மாமா அவர்கள். உலக நாடுகளைப்பற்றியும், அங்கிருக்கும் நாட்டுபுற கதைகளை  பற்றியும் இவர் எழுதிய தேச தேசக்கதைகள் வரிசைதொடர் மிகவும் பிரபலமானது. இந்த வரிசையில் மொத்தம் 56 நாட்டுப்புர கதைகளை எழுதியுள்ளார் திரு வாண்டு மாமா அவர்கள். அந்த கதைகளைப் பற்றியும், எவ்வாறு 56 கதைகள் உருவானது என்பதைப் பற்றியும் அவரே எழுதக் கேட்போம் படிப்போம்.

சிறுவர்களுக்கான ஆண்டாக அறிவிக்கப்பட்ட 1979 - 80ஆம் ஆண்டில் இந்த கதைகள் தொகுக்கப்பட்டு மெக்மிலன் (இந்தியா) நிறுவனத்தால் வெளியிடப்பட்டன. இந்த நிறுவனம் வெளியிட்ட வாண்டுமாமா புத்தக வரிசை இது ஒன்றாகத்தானிருக்க வேண்டும். மெக்மிலன் சிறுவர் வெளியீடுகள் ஆங்கிலத்தில் வெளியிட நாம் படித்திருக்கிறோம். ஆனால் தமிழில், அதுவும் வாண்டுமாமா அவர்கள் கைவரிசையில் இதுவே முதல் முறையாக இருக்க வேண்டும்.

McMilan Publications Desa Desa Kadhaigal 3 By Vaandumama Cover Front	McMilan Publications Desa Desa Kadhaigal 3 By Vaandumama Cover Back	McMilan Publications Desa Desa Kadhaigal 3 By Vaandumama Title Page

ஓவியர் திலகம் மாருதி அவர்களின் கைவண்ணத்தில் அற்புதமான வண்ணக் கலவையுடன் வந்திருக்கும் இந்த அட்டைப்படங்களுக்காகவே இந்த புத்தகத்தை வாங்கலாம். பின்னர் இதே சித்திரங்கள் வாண்டுமாமா அவர்களின் பிறிதொரு புத்தகத்திற்கு உபயோகப்படுத்தப்பட்டன என்பது வேறொரு விஷயம்.

ஒவ்வொரு கதையும் ஆரம்பிக்கும்போது அந்த நாட்டைப்பற்றி ஒரு பக்க குறிப்புடனே ஆரம்பிக்கிறது. மேலும் அந்த நாட்டின் விவரப்படம் (மேப்) இல்லாமலே அந்த நாட்டின் புவியியலை புரிந்துகொள்ள உதவுகிறது. இந்த புத்தகத்தின் முதல் கதை இங்கிலாந்து நாட்டினைப்பற்றியது.

McMilan Publications Desa Desa Kadhaigal 3 By Vaandumama Index Page	McMilan Publications Desa Desa Kadhaigal 3 By Vaandumama Story 1 Intro Page

இந்த கதைகளின் சிறப்பைத் தெரிந்து கொள்ள முதல் கதையை மட்டும் முழுமையாக பிரசுரிக்கிறேன். மற்ற கதைகளை படிக்க வேண்டுமெனி தேடிப்பிடித்து இந்த புத்தகத்தை வாங்க முயலுங்கள் (இல்லை எனில் என்னைப்போலவே ஒரு இணைய தளத்தை ஆரம்பியுங்கள், தஞ்சாவூருக்கு அருகில் இருந்து ஒரு வாசகர் இந்த புத்தகத்தை உங்களுக்கு பரிசாக அளிப்பார்).

McMilan Publications Desa Desa Kadhaigal 3 By Vaandumama Story 1

அற்புதமான இந்த கதையை படித்ததும் மற்ற கதைகளை படிக்க ஆவலாக இருக்கிறதா? உங்கள் தேடலை உடனே துவங்குங்கள். இல்லையெனில் மற்ற வாண்டுமாமா கதைகளைப்பற்றி படிக்க காத்திருங்கள். அடுத்த பதிவில் இப்போது விற்பனைக்கு கிடைக்கும் ஒரு வாண்டுமாமா எழுதிய துப்பறியும் நாவலைப்பற்றி எழுதுகிறேன். மூன்று நாட்கள் பொறுத்திருங்கள்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.