13 TCU Presents. . . 07: New Comics Intro ஜென் வெளிச்சம் - கண்ணதாசன் பதிப்பகம்

காமிரேட்ஸ்,
இந்த ஏழாம் அறிவு படம் வந்தவுடன் எல்லோரும் போதி தர்மரைப்பற்றி பேசிக்கொண்டு இருந்தது நினைவிருக்கலாம் (அதற்க்கு பிறகு தேனாண்டாள் ஃபில்ம்ஸ் ஒரு டப்பிங் படத்தை வேண்டுமென்றே போதி தர்மர் என்று பெயரிட்டு கல்லா கட்டியதும் நினைவிருக்கலாம்). அந்த போதி தர்மரைப்பற்றிய ஒரு முன் குறிப்போடு இந்த ஜென் வெளிச்சம் என்கிற சித்திர நாவல் துவங்குகிறது. அதற்காக இந்த புத்தக வெளியீட்டை பதிப்பகத்தாரின் ஒரு விளம்பர யுத்தி என்று எண்ணிவிட வேண்டாம். அந்த படம் வந்து இரண்டரை மாதங்களுக்கு பின்னரே இந்த புத்தகம் வெளியிடப்பட்டது.

இன்றைய தலைமுறையினர் பலருக்கும் ஜென் என்றால் என்னமோ அது ஒரு விதமான யோகா என்றே ஒரு நினைப்பிருக்கிறது. ஆனால் ஜென் என்பது என்ன? அதன் கோட்பாடுகள் என்ன என்பதைப்பற்றி பலருக்கும் உண்மையான புரிதல் இல்லை. இந்த குறையை போக்க பல புத்தகங்கள் இருந்தாலும், காமிக்ஸ் (சித்திரக்கதை) வடிவில் முதல் முறையாக ஜென் வெளிச்சம் என்று இந்த புத்தகம் கண்ணதாசன் பதிப்பகத்தில் இருந்து வந்துள்ளது.

ஜென் என்றால் என்னமோ பெரிய கம்ப சூத்திரம் என்று நினைத்து விட வேண்டாம். மிகவும் எளிமையான முறையில் ஒரு அழகான கதை(கள்) வடிவில் ஜென்னை பற்றி ஒரு பக்கத்தில் ஒரு கோட்பாடு / விளக்கம் என்று விளக்கியுள்ளார்கள். முதலில் ஒரு சாம்பிளுக்காக இதனை படியுங்கள், பின்னர் இந்த புத்தகத்தை பற்றி அலசலாம்.

 

KannaDasan Pathippagam Zen Inspiration Translated Graphic Novel Zen Velicham Sample Page No 35

என்ன, நான் சொன்னது தெளிவாகியதா? இத்துனை சுலபமாக ஒரு விஷயத்தை விளக்க சித்திரக்கதை முறையே சரி என்பதை மறுபடியும் ஒரு முறை குன்றிலிட்ட விளக்காக நிரூபித்துள்ளது ஜென் வெளிச்சம் சித்திர நாவல். அதே சமயம் பல மனோதத்துவ புரிதல்களை எளிதாக்குகிறது இந்த புத்தகம்.

KannaDasan Pathippagam Zen Inspiration Translated Zen Velicham Graphic Novel Sample Page No 36

இப்படி அன்றாட வாழ்வியலில் பல நுட்பமான விஷயங்களை ஜென் தத்துவங்களுடன் இணைத்து அட்டகாசமாக ஓவியத் தரத்துடன் இருக்கும் இந்த புத்தகத்தினை தமிழில் வெளிக்கொணர்ந்த திரு காந்தி கண்ணதாசன் அவர்களை எவ்வளவு பாராட்டினாலும் தகும். இந்த புத்தகத்தின் அட்டைப்படங்களும், முதல் பக்கமும். இந்த ஸ்கான் பக்கங்களை கிளிக் செய்தால் அவை பெரிதாகும்.

KannaDasan Pathippagam Zen Inspiration Translated Graphic Novel Cover Front	KannaDasan Pathippagam Zen Inspiration Translated Graphic Novel Cover Back	KannaDasan Pathippagam Zen Inspiration Translated Graphic Novel Title Page

வழக்கம் போல இன்னமும் ஏராளமான ஸ்கான்கள் இருந்தாலும்கூட அவற்றை எல்லாம் இங்கே வெளியிடப்போவதில்லை. மாறாக, இந்த புத்தகத்தை பற்றி சிறிது பேசுவோம் படிப்போம்.

 
ஜென் என்றாலே ஆறு கத தூரம் ஓடும் என் நண்பர் இரவுக் கழுகு போன்றவர்கள் கூட இந்த புத்தகத்தின் மீது ஆர்வம் கொண்டு வாங்கி பத்திக்கொண்டு (ஜென் வெளிச்சத்தில் பத்திக்கிச்சு என்று எழுதினால் கோபித்து கொள்கிறார்கள்) ஆகையால் படித்துக்கொண்டு இருக்கிறார்கள் என்றால் அது இந்த புத்தகத்தின் சித்திரத் தரத்திற்கும், மொழியாக்கத்திற்கும் கிடைத்த வெற்றியேயாகும் என்றால் மிகையன்று. இந்த புத்தகம் வெளியான போதே இதனைப்பற்றி நண்பர் அதிஷா என்னிடம் கூறியிருந்தார் (பின்னர் அவர் இதனைப்பற்றி புதிய தலைமுறை வார இதழில் எழுதி இருந்தார் என்பது வேறு கதை).

மிகவும் தெளிவான மொழி நடையில், ஆர்வத்தினை தூண்டும் சித்திரங்களுடன் அருமையான காகிதத் தரத்தில் வெளிவந்துள்ள இந்த புத்தகம், காமிக்ஸ் சாராத அணைத்து விதமான புத்தக ரசிகர்களும் ஒரு முறையேனும் படிக்க வேண்டிய ஒரு புத்தகம். இந்த புத்தகத்தில் இருக்கும் பல கதைகளை பற்றி சக வலைப்பதிவர் ஒருவரிடம் சொல்லிக்கொண்டு இருந்தேன். அவர் உடனடியாக இந்த புத்தகத்தை என்னிடம் இருந்து வாங்கிக்கொண்டார். அவர் என்ன சொன்னார் என்றால், ஜென் தத்துவங்களையும் மீறி, குழந்தைகளுக்கு சொல்ல அருமையான கதைகள் பல இருக்கிறது-ஆகவே எனக்கு இது வேண்டும் என்றார்.

சொன்னதோடில்லாமல் என்னிடமிருந்து அந்த புத்தகத்தையும் வாங்கிக்கொண்டு சென்றே விட்டார். நானும் வேறு வழியில்லாமல் இப்போது (நாளையோ, அதற்க்கு மறுநாளோ) மறுபடியும் இந்த புத்தகத்தை வாங்கவிருக்கிறேன். ஜென் கோட்பாடுகளை சித்திர வழியில் விளக்கும் புத்தகம்தானே என்று கருதிவிடாமல் இந்த புத்தகத்தினை ஒரு முறையேனும் படிக்க நண்பர்களுக்கு ஒரு அன்பு கோரிக்கை விடுக்கிறேன். இந்த புத்தகத்தை பற்றிய அதிக விவரங்களுக்கும், தமிழகத்தில் எங்கே இந்த புத்தகங்களை வாங்கலாம் எனபதிற்க்கும் கீழ்காணும் ஸ்கான் உபயோகமாயிருக்கும்.

KannaDasan Pathippagam Zen Inspiration Translated Graphic Novel Credits Page

நாவலைகுறித்து என்னுடைய கருத்துக்கள்: ஆரம்ப சில பக்கங்கள் ஏதோ வரலாற்று, ஆவண புத்தகம் படிப்பது போன்ற எண்ணத்தை உருவாக்கினாலும், அதற்க்கு பிறகு மிகவும் ரசிக்கத்தக்க வகையில் புத்தகத்தினை அமைத்திருக்கிறார்கள். இதற்காகவே இந்த புத்தக ஆசிரியரை பாராட்ட வேண்டும். அதிலும் குறிப்பாக ஓவியர். சமீபத்தில் இந்த அளவிற்கு என்னை ரசிக்க வைத்த புதிய ஓவியர் யாருமே இல்லை என்றே கூறலாம். ஒவ்வொரு சிறு கதையும், அதற்குண்டான கருத்துக்களும் அட்டகாசம். எனக்கு பிடித்த இரண்டு பக்கங்களை இங்கே பிரசுரித்துள்ளேன். இதனைப்போல நூற்றுக்கணக்கான பக்கங்கள் இருக்கின்றன. படித்து மகிழுங்கள்.

ஜென் வெளிச்சம் - காமிக்ஸ் வடிவில் ஒரு ஜென் கதம்பம்.

பின் குறிப்பு: இந்த மாதிரி பல புத்தகங்களை ஆங்கில மற்றும் பிற மொழிகளில் படித்து ரசித்து அவற்றை தமிழில் கொணர வேண்டும் என்ற ஆர்வத்தில் நமக்கெல்லாம் இந்த புத்தகங்களை பதிப்பித்துக்கொண்டு இருக்கும் திரு காந்தி கண்ணதாசன் அவர்களுக்கு ஒரு ஸ்பெஷல் நன்றி.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

18 TCU Presents. . . 06: டாக்டர் நோ நாவல் - இயன் பிளெம்மிங்'கின் ஜேம்ஸ் பாண்ட் 007 - தமிழில் கண்ணதாசன் பதிப்பகம் – Ian Fleming’s Dr No Novel in Tamil

காமிரேட்ஸ்,
நீண்ட நெடுங்காலத்திற்கு முன்பாக இடப்படவேண்டிய இந்த பதிவு, என்னுடைய கடுமையான பணிச்சுமை காரணமாக (சோம்பலுக்கு இப்படியும் ஒரு மாற்றுப் பெயர்) இன்றுதான் வலையேறுகிறது. சென்ற ஆண்டு இந்த பதிவில் முகமூடி வீரர் வேதாளர் (ராணி காமிக்ஸ் ரசிகர்களுக்கு - மாயாவி) அவர்களது சமீபத்திய கதைகள் தமிழில் வெளியாக இருப்பதாக அறிவித்து இருந்தது தமிழ் காமிக்ஸ் உலகின்தொடர் வாசகர்களுக்கு நினைவிருக்கலாம்.

அந்த முயற்சியில் இறங்கியவர் எங்கள் நண்பரும் பதிப்புலக ஆசானுமாகிய திரு காந்தி கண்ணதாசன் அவர்களே. கண்ணதாசன் பதிப்பகம் மூலமாக இந்த கதைகளை தமிழில் வெளியிட சில முயற்சிகளை மேற்கொண்டார் (அவை என்ன ஆயிற்று, ஏன் தடைபட்டது என்பது ஒரு மழைக்கால மாலைநேரப்பதிவில் விலாவரியாக விவாதிக்கப்படும்). இப்போதைக்கு அதை மறந்துவிட்டு இந்த பதிவுக்குள் நுழைவோம்.

கண்ணதாசன் பதிப்பகம்: ஒவ்வொரு பதிப்பகத்திற்கும் ஒரு முத்திரை உண்டு. அதாவது அந்த பதிப்பகம் எந்தவிதமான புத்தகங்கள் வெளியிடும் என்பதை வாசகர்கள் ஒரு ரசனையோடு தெரிந்து வைத்திருப்பார்கள். அவ்விதத்தில் கண்ணதாசன் பதிப்பகத்தின் முகவரி மொழிமாற்று புத்தகங்களே. உலகின் பல சிறந்த புத்தகங்களை தமிழில் மொழி மாற்றம் செய்து அற்புதமான பேக்கிங்கில் விற்பனை செய்கிறார் திரு காந்தி கண்ணதாசன் அவர்கள்.

அது ஜேம்ஸ் ஹாட்லி சேஸ் ஆக இருக்கட்டும், அல்லது அகியோ  மோரிட்டாவாக இருக்கட்டும் - அவர்களது எழுத்து சுந்தர தமிழினில் நாம் படிக்க ஏதுவாக பதிப்பிப்பவர் இவர். இவரைப்பற்றி புத்தகம் படிக்கும் நண்பர்களுக்கு சொல்வது என்பது விளம்பரத்திற்கு விளம்பரம் செய்வது போல. ஆகையால் இத்துடன் முடித்துக்கொண்டு இந்த புத்தகத்தை பற்றி பார்ப்போம்.  சென்ற ஆண்டு சென்னை புத்தக திருவிழாவிற்கு பிறகு காந்தி கண்ணதாசன் அவர்களை சந்திக்காமல் இருந்த நாம், ஒரு நாள் திடீர் ஞானோதயம் பெற்று சென்னை தியாகராய நகரில் இருக்கும் கண்ணதாசன் பதிப்பகத்திற்கு சென்றபோதுதான் இந்த டாக்டர் நோ அவர்களை மறுபடியும் (தமிழில்) சந்திக்கும் வாய்ப்பு கிடைத்தது. பின்னர் இந்த ஆண்டு புத்தக திருவிழாவில் இந்த நாவல் விற்பனைக்கு வந்ததும் அனைவருக்கும் தெரிந்திருக்கும் (என்றே நினைக்கிறேன்).

KannaDasan Pathippagam – Ian Fleming’s Dr No Novel - Tamil Translated Novel Cover Front	KannaDasan Pathippagam – Ian Fleming’s Dr No Novel - Tamil Translated Novel Back Cover	KannaDasan Pathippagam – Ian Fleming’s Dr No Novel - Tamil Translated Novel Credita Page

தமிழில் நாவல் படிப்பதையும் ஹார்ட் ரீடிங்'ஐயும் நான் விட்டு பத்தாண்டுகளுக்கு மேலாகிறது. இந்த சூழலில் 432 பக்கங்கள் கொண்ட இந்த நாவலை ஒரே இரவில் படித்து முடித்தேன் என்பது என்னாலேயே நம்ப முடியாத ஒரு விஷயம். ஆங்கிலத்தில் இயன் பிளெம்மிங் எழுதிய நாவல் எதனையும் படித்ததில்லை. ஆனால் இந்த தமிழாக்கத்தை படித்தவுடன் ஆங்கல நாவலையும் படிக்க வேண்டுமென்ற ஆவல் மேலிடுகிறது.

ஜேம்ஸ் பாண்ட் நாவலாசிரியர் இயான் பிளெம்மிங் அவர்களைப்பற்றிய இந்த ஒரு குறிப்பு மிகவும் அருமையாகவும், ரத்தினசுருக்கமாகவும் எழுதப்பட்டு இருக்கிறது. இதில் சமீபத்திய ஜேம்ஸ் பாண்ட் நாவலாசிரியர் ஜேம்ஸ் கார்ட்னர் அவர்களைப்பற்றி எதுவும் குறிப்பிடாதது வருத்தமளிக்கும் ஒரு விஷயம்.

KannaDasan Pathippagam – Ian Fleming’s Dr No Novel - Tamil Translated Novel Intro On Ian Fleming bu The Editor

இந்த அருமையான நாவலுக்கு முன்னுரையாக என்ன இருக்கும் என்று புரட்டி பார்த்ததில் ஒரு இனிய அதிர்ச்சி. சைமன் விண்டர் அவர்கள் எழுதிய முன்னுரையை அழகுத்தமிழில் படிப்பது அதிர்ச்சிதானே? சைமன் விண்டர் பற்றி தெரியாதவர்கள் அந்த சுட்டியை கிளிக்கி அவர் எழுகிய ஒரு ஜேம்ஸ் பாண்ட் குறித்த ஆய்வு மற்றும் ஜாலியான விமர்சன புத்தகத்தை வாங்கி ஒரு முறை படித்து விடவும். ரசிகர்களின் கவனத்தை சுண்டி இழுக்கும் சில விஷயங்களை லகான் பிடித்து அருமையாக தொகுக்கும் வல்லமை படைத்தவர் இவர்.

South Indian KannaDasan Publiations – Ian Fleming’s Dr No Novel - Tamil Translated Novel Foreword By Simon Winder

தமிழில் நாவல் எப்படி மொழி மாற்றம் செய்யப்பட்டு இருக்கிறது என்றறிய துடிக்கும் ரசிகர்களுக்காக ஒரு சாம்பிள் பக்கம். இதுவே அதிகம், இதற்க்கு மேலும் ஸ்கான்'களை கேட்க வேண்டாம். நாவலை விலைகொடுத்து வாங்கி படித்து விடவும்.

South Indian KannaDasan Publications– Ian Fleming's Dr No Novel - Tamil Translated Novel - 1st Page Sample Page

நாவலைகுறித்து என்னுடைய கருத்துக்கள்: இந்த கதையை பல நூறு முறை காமிக்ஸ் வடிவில் தமிழில் படித்து இருந்ததாலும், டாக்டர் நோ படத்தை எண்ணிய பல்திற வட்டு தேயும் வரை பார்த்திருந்ததாலும் கதையோட்டம் சுவாரஸ்யமாகவே இருந்தது. மொழியாக்கம் சில இடங்களில் தொய்வு தட்டினாலும் எங்கேயும் குறை சொல்லும் அளவிற்கு இல்லை. ஆனால் சில சொற்களை ஆங்கிலத்திலேயே வழங்கி இருக்கலாம் என்ற எண்ணம் மேலோங்குவதை தவிர்க்க இயலவில்லை. குறிப்பாக ஆக்டோபஸ் என்பதை அசுர மெல்லுடலி என்றெல்லாம் மொழி பெயர்க்கத்தான் வேண்டுமா? அப்படியே மொழி மாற்றம் செய்தாலும், இரண்டாவது தடவை அந்த சொற்தொடரை பிரயோகிக்காமல் ஆங்கிலத்தில் வழங்கியிருந்தாலும் தவறில்லையே? அதுவுமில்லாமல் நான் பல வருடங்களுக்கு பிறகு தமிழில் நாவலை படிப்பதாலும் எனக்கு இந்த சொல்வழக்குகள் அன்னியமாக பட்டிருக்கலாம். இந்த மொழி பெயர்ப்பாளரின் மற்ற புத்தகங்களையோ அல்லது இந்த தொடரின் அடுத்த புத்தகத்தையோ படித்தால் தெரிந்து விடும்.

டாக்டர் நோ - கண்டிப்பாக ஜேம்ஸ் பாண்ட் ரசிகர்கள் ஒரு முறை படிக்கவேண்டிய நாவல்.

இந்த நாவல் எங்கே கிடைக்கு, என்ன விலை என்பதெல்லாம் மேலே உள்ள ஸ்கான் செய்யப்பட்ட  கிரெடிட் பக்கங்களிலேயே இருக்கிறது. மறவாமல் வாங்கி விடுங்கள். அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa

பின் குறிப்பு: தமிழில் வந்த டாக்டர் நோ காமிக்ஸ் கதையைப்பற்றி தெரிந்து கொள்ள பயங்கரவாதி டாக்டர் செவனின் இந்த பதிவை படிக்கவும். அமெரிக்காவில் டாக்டர் நோ படமாக வந்தபோது வந்த சினிமா காமிக்ஸை படிக்க இங்கே செல்லவும்.

10 ஒற்று உளவு சதி – கௌசிகன் (எ) வாண்டுமாமா 190* Not Out

 Dear ComiRades

இப்போதைய சூழலில் கிரிக்கெட் போட்டிகளைபற்றி எந்தவிதமான ஒரு குறிப்பும் இல்லாமல் எழுதவே ஆசை. இருந்தாலும் சென்ற பதிவின் முதல் பின் குறிப்பில் (நாளைய ஸ்பெஷல் பதிவு வெகு விரைவில் இரட்டை சதமடிக்க போகின்ற ஒருவரைப்பற்றியது. ஊகிக்க முடிகின்றதா?) என்று ஒரு கேள்வியை எழுப்பி இருந்தோம். அதற்க்கான விடையே இந்த பதிவின் தலைப்பு.

இரண்டு வருடங்களுக்கு முன்பு தமிழின் மிகச்சிறந்த கதை சொல்லியாகிய வாண்டுமாமா அவர்களைப்பற்றி ஒரு முழுநீள வாழ்க்கை குறிப்பு அடங்கிய பதிவு இடும்வரை அவரைப்பற்றி இணையத்தில் தேடினால் கிடைத்தது நம்ம சிறுவர் இலக்கிய சிந்தனை சிற்பி அய்யம்பாளையம் சாரின் இந்த பதிவு மட்டுமே. அதனால்தான் அப்போது முதல் இன்று வரை முடிந்தவரை வாண்டுமாமா அவர்களின் புத்தகங்களைப்பற்றியும், தகவல்களையும் இந்த தளத்தில் தொடர்ந்து எழுதி வருகிறோம். நம்மைப்போலவே பல நண்பர்களும் அவரைப்பற்றி எழுதி வருகிறார்கள். Children of all ages என்று அனைத்து வயதினருக்கும் ஏற்ற ஒரு எழுத்தாளர் வாண்டுமாமா. அவரை சிறுவர் இலக்கியத்தின் சுஜாதா என்று நான் அடிக்கடி சொல்வேன். இப்படி சொல்வதால் சுஜாதா அவர்களுக்குத்தான் பெருமை என்பது உண்மையும் கூட.

கடந்த நவம்பர் மாதம் வழக்கம் போல வானதி பதிப்பக உரிமையாளரை சந்திக்க சென்றபோது, அவர் இப்படி ஒரு லேட்டஸ்ட் புத்தகம் வெளிவரப்போகிறது என்று சொன்னார். அடுத்த இரண்டு நாட்கள் தொடர்ந்து வானதி நிலையம் சென்று புத்தகம் வர காத்திருந்தது ஒரு சுகமான அனுபவம் (அந்த இரண்டு நாட்களில் வானதியின் வேறு பல சுவையான புத்தகங்களை வாங்கியது தனி கதை). ஒற்று,உளவு சதி என்கிற இந்த புத்தகம் வாண்டுமாமாவின் நூற்றி தொண்ணூறாவது புத்தகம் என்பது குறிப்பிடத்தக்க ஒரு விடயம். விரைவில் இரட்டைசதமடிக்க வாழ்த்தி விட்டு இந்த புத்தகம் பற்றி அலச துவங்குவோம்.

 

Otru Ulavu Sathi By Vandumama aka Kausikan Gangai Puthaga Nilaiyam October 2010 Front Cover	Otru Ulavu Sathi By Vandumama aka Kausikan Gangai Puthaga Nilaiyam October 2010 Back Cover

சமீப நாட்களில் நான் வாங்கிய அனைத்து புத்தகங்களின் அட்டைப்படங்களுமே ஏமாற்றத்தை அளித்தது. அப்படி இருக்கையில் இந்த அட்டைப்படம் ஒரு வரவேற்க்கத்தக்க மாற்றம். இந்த அட்டைப்படத்தை நுனிப்புல் மேயாமல் சற்று கூர்ந்து கவனித்தால் பல நுணுக்கமான விஷயங்களில் தனிக்கவனம் கொடுத்துள்ளது தெரிய வரும். அதற்க்கான முழு கிரெடிட்டும் (வழமைபோல) வாண்டுமாமா அவர்களையே சாரும். ஏனெனில் இந்த புத்தகத்தின் முழு வடிவமைப்பும் அவரது மேற்பார்வையிலேயே நடந்தது.

புத்தகங்கள் விற்காத ஒரு சூழலில், இப்படி ஒரு வித்தியாசமான புத்தகத்தை பதிப்பிப்பதற்க்கே ஒரு அலாதி தைரியம் வேண்டும். வழக்கம்போல சிறுவர் இலக்கியம் சார்ந்த காதல் கொண்ட வானதி பதிப்பக உரிமையாளருக்கு ஒரு ஸ்பெஷல் நன்றி. தொடர்ந்து அவருக்கு நம்முடைய ஆதரவை அளித்து அவரை இதுபோன்ற பல புத்தகங்கள் வெளியிட ஊக்குவிப்போம்.

 

Otru Ulavu Sathi By Vandumama aka Kausikan Gangai Puthaga Nilaiyam Title Page	Otru Ulavu Sathi By Vandumama aka Kausikan Gangai Puthaga Nilaiyam Credits Page

இந்த புத்தகத்தை நான் வாங்கியபோது என்னுடைய நண்பர் "இரவுக்கழுகு" அவர்களும் என்னோடு வந்து இருந்தார். அவருடன் திருப்பூரை சேர்ந்த (காமிக்ஸ்/சிறுவர் இலக்கியம் படிக்காத) நண்பரொருவரும் வந்து இருந்தார். இந்த புத்தகத்தை நாங்கள் வாங்கியபோது அவர் எங்களைப்பார்த்து கேட்ட கேள்வி:"ஏங்க, இருநூற்றி அறுபது பக்கம் கொண்ட இந்த புத்தகத்திற்கு இருநூறு ருபாய் என்பது கொஞ்சம் அதிகமில்லையா?". வழக்கம் போல அவருக்கு எந்தவிதமான பதிலும் அளிக்காமல் இந்த புத்தகத்தை வாங்கினோம். பின்னே என்னங்க, இரும்பு கிலோ 40 ருபாய் என்று விற்கும்போது நீங்கள் ஏன் தங்கத்தை மட்டும் கிராம் 2600 ருபாய் என்று வாங்குகிறீர்கள்? என்று யாராவது கேட்டால் அதற்க்கு நீங்கள் பதில் சொல்லிக்கொண்டு இருப்பீர்களா என்ன.

பண்டைக்காலம் தொட்டு இன்றுவரை உளவு வேலைகளும், ஒற்றர்களும், சதிகாரர்களும் நம்மை சூழ்ந்து காணப்படுகிறார்கள். ஆனால் அவர்களை இனம்கண்டு கொள்வது வைக்கோல்போரில் ஊசியைதேடுவது போலத்தான். இதுபோல ஒரு நாற்பத்தி ஐந்து சம்பவங்களை காலவேறுபாடு இன்றி அருமையாக தொகுத்து தென் சொட்டும் இன்பத்தமிழில் வழங்கியிருக்கிறார் வாண்டுமாமா. ஒவ்வொரு கதைக்கும் ஏற்ற, கண்ணுக்கு விருந்தாக அமைகின்ற பல படங்களையும் இனிதே தொகுத்து இருப்பது மற்றுமொரு சிறப்பம்சம்.

 

Otru Ulavu Sathi By Vandumama aka Kausikan Gangai Puthaga Nilaiyam Forward By the Author	Otru Ulavu Sathi By Vandumama aka Kausikan Gangai Puthaga Nilaiyam Index  Page

நல்ல விஷயம் ஒன்றை பதிவாக்கும்போது (சினிமாவாகவோ, அல்லது எழுத்தாகவோ), அதற்க்கான எடிட்டிங் மிகவும் அவசியம். இந்த விஷயத்தில் நம்ம சன் ஃபிக்ச்சர்ஸ் எடிட்டர்கள் கில்லாடிகள். (பின்னே, வெடி போன்ற ஒரு படத்தை கூட பார்க்க ஒரு சூப்பர் ட்ரைலரை வெளியிட்டு நம்மையெல்லாம் தியேட்டருக்கு வரவழைத்தவர்கள் ஆயிற்றே). அதுபோலவே இதுபோன்ற வரலாற்று சம்பவங்களை கோர்வையாக தொகுப்பதும் கத்திமேல் நடப்பது போன்ற ஒரு ரிஸ்க் ஆன விஷயம். சற்றே தடம் பிழன்றாலும்கூட போரடிக்க ஆரம்பித்து விடும். இதில் எடிட்டரின் வேலை மிக முக்கியம். அந்த ஒரு பணியை மட்டுமின்றி எழுதுவதையும் சேர்த்து திறம்பட இயங்கும் ஒரு ஆல்-ரவுண்டராக விளங்கும் வாண்டுமாமாவை பாராட்ட வார்த்தைகள் குறைவு என்பது தமிழில் உள்ள பெரிய குறை.

இந்த தொகுப்பில் இருக்கும் நாற்பத்தி ஐந்து கதைகளையும் இங்கே குறிப்பிடவே ஆசை. அப்படி செய்தால் மொத்த புத்தக விவரங்களையும் ஸ்கான் செய்து வெளியிட வேண்டியிருக்கும் & That is something, well, Impossible. ஆகவே ஒரு பானை சோறுக்கு ஒரு சோறு பதம் என்பது போல ஒரே ஒரு அத்யாயத்தை மட்டுமே இங்கே வெளியிட்டிருக்கிறோம். இதுவுமே புத்தகத்தை விளம்பரப்படுத்தும் நோக்கில் செய்யப்படும் ஒரு காரியம்.

 

Otru Ulavu Sathi By Vandumama aka Kausikan Gangai Puthaga Nilaiyam Chapter 5 Page 01	Otru Ulavu Sathi By Vandumama aka Kausikan Gangai Puthaga Nilaiyam Chapter 5 Page 02
Otru Ulavu Sathi By Vandumama aka Kausikan Gangai Puthaga Nilaiyam Chapter 5 Page 03	Otru Ulavu Sathi By Vandumama aka Kausikan Gangai Puthaga Nilaiyam Chapter 5 Page 04
Otru Ulavu Sathi By Vandumama aka Kausikan Gangai Puthaga Nilaiyam Chapter 5 Page 05	Useful Links
	வாண்டுமாமா அவர்களின் மகத்தான படைப்பு - புலி வளர்த்த பிள்ளை -ஒரு சிறப்பு பார்வை-கிங் விஸ்வா-தமிழ் காமிக்ஸ் உலகம் வாண்டுமாமாவின் கனவா? நிஜமா? தமிழின் முதன்மையான சித்திரக்கதை-தமிழ் காமிக்ஸ் உலகம் சிறப்பு பதிவு வாண்டுமாமா அவர்கள் எழுதிய துப்பறியும் கதைகள் - பூந்தளிரில் வந்தவை - தமிழ் காமிக்ஸ் உலகம் சிறப்பு பதிவு எதிர்நீச்சல்-வாண்டுமாமாவின் வாழ்க்கை வரலாறு-கங்கை புத்தக நிலைய வெளியீடு-தமிழ் காமிக்ஸ் உலகின் சிறப்பு பதிவு சென்னை புத்தக கண்காட்சியில் வாண்டுமாமா அவர்களின் புத்தகங்கள் பற்றிய கிங் விஸ்வாவின் பதிவு 2 சென்னை புத்தக கண்காட்சியில் வாண்டுமாமா அவர்களின் புத்தகங்கள் பற்றிய கிங் விஸ்வாவின் பதிவு 1 வாண்டுமாமா அவர்களின் வாழ்க்கை வரலாறு + அவர்களின் லேட்டஸ்ட் படம் கொண்ட கிங் விஸ்வாவின் பதிவு வாண்டுமாமா குறித்த விக்கிபீடியா இடுகை வாண்டுமாமா சித்திரக்கதைகள் 1 -  ரத்தினபுரி ரகசியம் - காமிக்ஸ் பூக்கள் சிறப்பு விமர்சனம் பூந்தளிரின் முதல் இதழ் பற்றிய அய்யம்பாளையம் வெங்கடேஸ்வரன் அவர்களின் அற்புதமான பதிவு: காமிக்ஸ் பூக்கள் பூந்தளிரின் முதல் வருட இதழ்களையும், கதைகளையும் பற்றிய அய்யம்பாளையம் வெங்கடேஸ்வரன் அவர்களின் அற்புதமான பதிவு: வாண்டுமாமா அவர்களை பற்றிய அய்யம்பாளையம் வெங்கடேஸ்வரன் அவர்களின் அற்புதமான ஒரு அறிமு வாண்டுமாமா அவர்களின் சித்திரக்கதைகளை பற்றிய சிறந்த பதிவு வாண்டுமாமா எழுதிய திரைவிமர்சனம் பற்றிய பதிவு கனவா நிஜமா குறித்த நண்பர் சிவ்வின் பதிவு சி.ஐ.டி.சிங்காரம் குறித்த நண்பர் சிவ்வின் பதிவு வாண்டுமாமா அவர்கள் எழுதிய சினிமா விமர்சனம்

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.