22 சன் ஷைன் லைப்ரரி - டைகர் ஸ்பெஷல் - இரும்புக் கை எத்தன் + பரலோகப் பாதை ஏப்ரல் 2013

காமிரேட்ஸ்,

சிவகாசியில் இருந்து தமிழ் காமிக்ஸ் உலகிற்கு கடந்த நாற்பது ஆண்டுகளாக காமிக்ஸ் வரம் அளித்து வரும் பிரகாஷ் பப்ளிஷர்ஸ் நிறுவனம்தான் தமிழில் தற்போது எஞ்சியிருக்கும் ஒரே காமிக்ஸ் நிறுவனம் என்பது குறிப்பிடத்தக்க வேண்டிய விடயம்.  தமிழில்

1. முத்து காமிக்ஸ்
2. லயன் காமிக்ஸ்
3. காமிக்ஸ் கிளாசிக்ஸ்

என்று மூன்று விதமான காமிக்ஸ் புத்தக வரிசைகளை வெளியிட்டு வருகிறார்கள். கடைசி டினோசர் திடீரென்று குட்டி போட்டால் அது ஒரு சொல்லொணா மகிழ்ச்சியை அனுபவத்தை அளிக்கும். அதைப்போலவே திடீரென்று அமைதியாக அலட்டல் இல்லாமல் புத்தம் புதிய காமிக்ஸ் வரிசை ஒன்றினை விளம்பரமோ, முன்னறிவிப்போ இல்லாமல் தமிழ் புத்தாண்டு பரிசாக தமிழ் காமிக்ஸ் உலகிற்கு சமர்ப்பித்தனர். அந்த புதிய காமிக்ஸ் வரிசையின் பெயரே சன் ஷைன்  லைப்ரரி.

சன் ஷைன் லைப்ரரி: சன் ஷைன் லைப்ரரி என்று "சூரிய தொலைக்காட்சியின்" பெயர், இந்த காமிக்ஸ் வரிசையின் லோகோ வேறு ஆதித்யா டிவியின் லோகோ போலவே இருப்பது, போதாக்குறைக்கு (பக்கங்கள் குறைந்தமையால்) வெளியீடு எண், பதிப்பக விவரங்கள் இல்லாமல் வந்து இருப்பது என்று ஒரு கலவையாக இருந்ததால் பலரும் குழப்பமடைந்தது உண்மைதான். ஆனால் ஜூனியர் எடிட்டரின் மேற்பார்வையில் வந்திருக்கும் இந்த இதழிற்கு சன் ஷைன் லைப்ரரி என்று பெயர் வைத்ததிற்கு மிகவும் சுலபமான ஒரு பதிலே உள்ளது.

பல வருடங்களுக்கு முன்பாகவே அயல்நாட்டு பதிப்பாளர்களிடம் இருந்து உரிமைகளை பெறுவது சம்பந்தமான வணிக தொடர்புகளுக்கு உருவாக்கப்பட்டதே சன் ஷைன் பப்ளிகேஷன்ஸ் என்கிற அமைப்பு. ஆகவே அந்த பெயரிலேயே வெளியிட்டால் நன்றாக இருக்கும் என்பதால் இப்படி பெயரிடப்பட்டது.

இந்த சன் ஷைன் லைப்ரரி என்ன மாதிரி காமிக்ஸ் வரிசை? சன் ஷைன் லைப்ரரியில் என்ன மாதிரி கதைகள் வரும்? மாதம் ஒரு முறையா? அல்லது ஸ்பெஷல் வெளியீடுகளா? என்று பல கேள்விகள் மனதில் எழும்பியது. நமது எடிட்டரின் பதில்கள் பின் வருமாறு:  

• வண்ணத்தில் மறுபதிப்புக் காண வாய்ப்புள்ள 'ஹிட்' தொடர்களில் இருந்து selective ஆக சில இதழ்களை - மாதந்தோறும் சிறுகச் சிறுகத் தயாரிக்கத் தொடங்குவது என்ற சிந்தனையினில் உள்ளேன்.
• அவை எந்தத் தொடர்கள் ; எந்தக் கதைகள் ; எத்தனை இதழ்கள் ; எப்போது வெளியாகும் என்ற விபரங்களெல்லாம்  - இதழ்கள் ஓரளவிற்காவது ொத்தமாய்த் தயார் ஆகிட்ட நிலையினில் தெரியப்படுத்துவேன்.
• சந்தா செலுத்திடும் அவசியமின்றி - உங்களின் தேவைக்கேற்ப தருவித்துக் கொண்டிடலாம் இவற்றைப் பொறுத்த வரை! So உங்கள் அபிமான நாயகர்களுக்கும்   ; ஆதர்ஷ இதழ்களுக்கும் இந்த வண்ண மறுபதிப்புக் குவியலில்  இடம் கிட்டிடுமா என்ற சந்தோஷக் கனவுகளில் இப்போதைக்கு உங்களை உழல விடப் போகிறேன்.
• ஒவ்வொரு மாதமும் அறிவிக்கப்பட்ட புது இதழ்களின் பணிகளோடு ஓசையின்றிப் பின்னணியினில் - இந்த மறுவருகை இதழ்களின் வேலைகளும் இணைந்திடவிருக்கும் பட்சத்தில் அவற்றிற்கு புதிதாய் ஒரு மொழிபெயர்ப்பினை தயார் செய்திடல் நடைமுறைச் சாத்தியமல்ல என்பதால், ஒரிஜினல்களையே பயன்படுத்துவது தவிர்க்க இயலா சங்கதியாகிறது ! அதன் துவக்கமாய் ஏப்ரலில் வரவிருக்கும்"டைகர் ஸ்பெஷலில்" அதே முந்தைய மொழிபெயர்ப்பு !
• மாதந்தோறும் புது இதழ்களுக்கு அவசியப்படும் நேரமும் , அக்கறையும் , பணமும் போக எங்களிடம் எஞ்சி இருப்பது மாத்திரமே இந்த மறு வருகை முயற்சிக்கு செலவாகும் என்பதால் இப்போதைக்கு அவை நான்கா ? ; ஆறா ? ; பத்தா ? ; பதினாறு இதழ்களா ; என்பது நானே அறிந்திடா விஷயம்! தவிரவும் இதன் தயாரிப்பினில் மேற்பார்வை என்பதைத் தாண்டி எனக்கு பெரிதாய் கம்பு சுற்றும் வேலை ஏதும் கிடையாதென்பதால் எனது focus ; priority ; கவனம் , துளியும் புது இதழ்களின் பாதையிலிருந்து அகன்றிடாது ! ஆகையால் -  இதனை ஒரு அகலக்கால் முயற்சியாய் பார்த்திடல் நிச்சயம் அவசியமல்லவே.

டைகர் ஸ்பெஷல்: சன் ஷைன் லைப்ரரியின் முதல் வெளியீடாக வந்துள்ள டைகர் ஸ்பெஷலில் கேப்டன் டைகரின் இரண்டு அசாத்திய சாகசங்கள் இடம் பெற்றுள்ளன. உண்மையில் இந்த கதைதொடர் மொத்தம் நான்கு பாகங்களை கொண்டது. அதில் முதல் இரண்டு கதைகளை தனித் தனியே முத்து காமிக்ஸில் ஏற்கனவே கருப்பு வெள்ளையில் வெளியிட்டு இருந்தார், எடிட்டர். இந்த நான்கு பாக தொடரின் அடுத்த (கடைசி) இரண்டு பாகங்களை உள்ளடக்கிய "இரத்த தடம்" புத்தகம் மே மாதம் முதல் தேதியன்று எதிர்பார்க்கப் படுகின்றது.

புதிய வாசகர்களுக்காக ஏற்கனவே வெளிவந்த முத்து காமிக்ஸ் இதழ்களின் அட்டைப்படங்கள்: ஒரு மைல் கல் இதழில் (அதாங்க லேண்ட் மார்க் ஸ்பெஷல் புத்தகத்தில்)  எடிட்டரின் காமிக்ஸ் டைம் -  படியுங்கள்.

Muthu Comics Issue No 250 Back Wrapper	Muthu Comics Issue No 250 Front Wrapper
Muthu Comics Issue No 250 Editorial by SV	Muthu Comics Issue No 253 Paralokap Paathai Front Cover

வாசகர்களுக்கு ஒரு சின்ன பரிசு போட்டி: இந்த இரண்டு கதைகளின் அட்டைப்படங்களை பார்த்தீர்களா? இந்த அட்டைப்படத்திற்க்கும் நடிகர் கெவின் காஸ்ட்னர் படத்திற்கும் என்ன சம்பந்தம் என்று சொல்லுங்கள். உங்களுக்கு லயன் / முத்து காமிக்ஸ் குழுமத்தில் இருந்து A 4 சைசில் வெளிவந்த ஒரு முழு வண்ண ஆங்கில காமிக்ஸ் பரிசாக அளிக்கப்படும் (இந்த பரிசு இந்தியாவில் இருப்பவர்களுக்கு அஞ்சல் மூலமாக அனுப்பி வைக்கப்படும் - அயல் நாட்டு காமிரேட்ஸ் நண்பர்கள் மூலமோ அல்லது வேறு வழியிலோ பெற்றுக் கொள்ளலாம்).

சென்ற பதிவில் அறிவிக்கப்பட்ட போட்டி மிகவும் கடினமாக இருந்ததாக கூறியதால் இந்த போட்டி. இதையும் மீறி ஃக்ளூ கேட்கும் காமிரேட்டுகளுக்கு இரண்டே இரண்டு எழுத்துக்களை தருகிறேன். இது பேருக்கான முதல் எழுத்துக்கள்: R…..C….

டைகர் ஸ்பெஷல் இதழின் முன் பக்க அட்டைப்படம்: அட்டைப்படத்தின் வண்ணக் கலவையை மறுபடியும் ஒரு முறை கூர்ந்து அவதானியுங்கள். மற்ற எண்ணங்களை எல்லாம் ஒருபுறம் திசை திருப்பிவிட்டு அட்டைப்படத்தை மட்டுமே பாருங்கள். கிட்டத்தட்ட அந்த அட்டைப்படமே ஒரு ஆயிரம் கதைகளை சொல்லும் (அந்த கண்களே ஆயிரம் கதை சொல்லுதே என்ற ரொமான்ஸ் கமெண்ட் எல்லாம் பின்னூட்டமாக இட வேண்டாம்).

Twilight என்று சொல்லப்படும் கதிரவன் மயங்கும் மாலைப்பொழுது, புதுமையின் சின்னமான இரெயில் என்ஜினை இருபுறமும் பழமையின் அடையாளமாக கருதப்படும் குதிரையில் சூழ்ந்து வரும் பூர்வீகக் குடியினரான செவ்விந்தியர்கள், இரெயில் இன்ஜினின் கரும் புகை தங்களது இருப்பு பற்றிய அவர்களது குழப்பமான சிந்தனையை படிமமாக காட்டுவது என்று இந்த அட்டைப்படமே ஒரு மரபுக் கவிதையாக அமைந்து இருந்தது.

SunShine Library SSL 01 Tiger Special Apr 2013 Bluberry Front Cover	SunShine Library SSL 01 Tiger Special Apr 2013 Inner Cover Upcoming Issue Advt Lucky Luke Special 1 Ad
450

ஃப்ரெஞ்ச் மூலக்கதையின் அட்டைப்படத்தை விட நமது அட்டையின் வண்ணக் கலவை சிறப்பாக அமைந்து இருப்பதை ஓவியர் மாலையப்பரின் திறமைக்கு மற்றொரு சான்று.உட்பக்க அட்டையில் சன் ஷைன் லைப்ரரியின்  வெளியீடாக வரவிருக்கும் லக்கிலூக் ஸ்பெஷல் இதழ் 1ன் விளம்பரம் அட்டகாசமாக இடம்பிடித்திருக்கிறது.

ஒரே ஒரு குறை என்னவெனில் பயங்கரப் பொடியன் (பொடியர் என்று மரியாதையாக சொல்லலாமே?) என்று லயன் தீபாவளி ஸ்பெஷலில் வெளிவந்த கதை பொடியன் பில்லி என்று வேறொரு பெயரில் வெளிவருவதே.எடிட்டருக்கு இந்த கதையின் தலைப்பில் ஏற்பட்டுள்ள மாற்றம் கருத்தில் இருக்கிறதா என்பது முக்கியமான அம்சம்.

SunShine Library SSL 01 Tiger Special Apr 2013 Page No 03 Previous Cover	SunShine Library SSL 01 Tiger Special Apr 2013 Irumbuk Kai Ethan 1st Page

ஏற்கனவே வந்த அட்டையினை முதல் பக்கத்தில் வெளியிட்டது வரவேற்க்கதக்கது. ஆனால் இரும்புக் கை எத்தன் அட்டையினையும் அவ்வாறே வெளியிட்டு இருக்கலாம். இன்னமும் சிறப்பாக இருந்திருக்கும். எனினும் வரவிருக்கும் சன் ஷைன் லைப்ரரி இதழ்களில் ஒரு நினைவு சின்னமாக பழைய அட்டைப்படங்கள் இடம்பெறும் என்று திடமாக நம்புவதற்கு இந்த ஒரு சான்று போதும்.

அடுத்த மாதம் வரவிருக்கும் இந்த கதையின் இறுதி இரண்டு பாகங்களின் தொகுப்பான இரத்த தடம் இதழின் விளம்பரம் கண்ணை பறிக்கிறது. இதுவரையில் புத்தகம் கைவரப்பெறாத அயல் நாட்டு வாசகர்களுக்காக கதையின் முதல் பக்கமும் சில சாம்பிள் பக்கங்களும்:

SunShine Library SSL 01 Tiger Special Apr 2013 Paralogap Paadhai 1st Page	SunShine Library SSL 01 Tiger Special Apr 2013 Next Issue Muthu Comics Ad Iratha Thadam May 2013

SunShine Library Issue No 001 April 2013 Tiger Special Irumbuk Kai ethan Sample Page	SunShine Library Issue No 001 April 2013 Tiger Special Paralogap Paadhai Sample Page

மதியில்லா மந்திரி - கண்ணா,கலீபா தின்ன ஆசையா? : இந்த இதழின் உச்ச விளக்கு (ஹைலைட் என்பதின் சிறு பத்திரிகை எழுத்தாளர்களின் மொழி பெயர்ப்பு முழி பெயர்ப்பு: நன்றி - சாரு நிவேதிதா, கடவுளும் நானும்) நம்ம மதியில்லா மந்திரியின் கதை என்பது என்னுடைய தனிப்பட்ட அவதானிப்பு.

இதில் குறிப்பிடத்தக்க விஷயம் என்னவெனில் முறையாக அறிமுகப் பக்கத்தை வெளியிட்டு இந்த கதாபாத்திரங்களை பற்றிய ஒரு அறிமுகத்தை புதிய வாசகர்களுக்காக ஒரு புரிதலை ஏற்படுத்தியது. மேல் விவரங்களுக்கு மதியில்லா மந்திரி பற்றிய ஒரு முழுமையான பதிவு .

SunShine Library SSL 01 Tiger Special Apr 2013 Introduction of IzNoGoud Characters	SunShine Library SSL 01 Tiger Special Apr 2013 IzNoGoud Story Kaleeba thinna Aasaiyaa 1st Page

சென்ற மதியில்லா மந்திரி கதையைப் போலவே இந்த கதையும் ஏற்கனவே லயன் காமிக்ஸில் பிரசுரிக்கப்பட்ட ஒரு கதையே. ஆனால் புதியதொரு மொழி பெயர்ப்புடன் வண்ணக் கலவையில் பார்க்கும்போது பழைய கதையை மறக்கடிக்க வைத்து விடுகிறது.

இரத்த நகரம் என்ற பெயரில் 1999ல் வெளிவந்த தீபாவளி மலர் யாருக்காவது நினைவிருக்கிறதா? டெக்ஸ் வில்லரின் முழு நீள சாகசம் நமது இரும்புக் கை மாயாவி கதைகளின் ஆஸ்தான ஓவியர் ஜீசஸ் ப்ளாஸ்கோ அவர்களின் கைவண்ணத்தில் வெளிவந்த இந்த கதையின் முடிவில் ஒரு சிறுகதையாக இந்த மதியில்லா மந்திரி கதை "கரைப்பார் கரைத்தால்" என்கிற பெயரில் கருப்பு வெள்ளையில் வெளிவந்து இருந்தது.

Lion Comics Issue No 155 Nov 1999 Ratha Nagaram 2nd Story IznoGoud The Sinister Liquidator	EgMont Daragud 1980 Edition IznoGoud The Sinister Liquidator

சரி, அப்போ சன் ஷைன் லைப்ரரி மொத்தமுமே பழைய க்ளாசிக் கதைகளின் முழுவண்ண மறுபதிப்புதான் என்று நினைக்கையில் திடீரென்று அந்த எண்ணவோட்டத்தை அடியோடு அசைத்து விடுகிறது இந்த விளம்பரம். ஆமாம், லக்கிலூக்கின் சிறுவயது சாகசங்கள் கிட் லக்கி என்கிற பெயரில் ஃப்ரெஞ்சிலும் ஆங்கிலத்திலும் வெளிவருவது தெரிந்ததே.

இப்போது அந்த வரிசைக் கதைகள் தமிழில் சன் ஷைன் லைப்ரரியில் விரைவில் வெளி வர இருக்கின்றன. நல்லதொரு முயற்சி. கண்டிப்பாக வெற்றி பெரும் என்பது அடியேனின் எண்ணம். அப்போ இந்த சன் ஷைன் லைப்ரரி வண்ண மறுபதிப்புகள் மட்டுமின்றி புதிய வரிசை கதைகளையும் கொண்டு இயங்குமா என்கிற கேள்விக்கு ஆமாம் என்கிற விடையினையே இந்த விளம்பரம் அளிக்கின்றது.

ஃப்ரெஞ்ச் மூலக்தை அட்டையில் இருக்கும் வண்ணக் கலவையையும் நமது இதழின் பின் அட்டையையும் ஒரு முறை பார்த்து விட்டு உங்களது கருத்தினை சொல்லுங்கள். பின் அட்டையில் அந்த ஃப்ரேம் போட்ட பார்டர் டிசைன் இந்த இதழிலும் தொடர்கிறது.

 

SunShine Library SSL 01 Tiger Special Apr 2013 Next SSL Ad Kid Lucky	SunShine Library Issue No 001 April 2013 Tiger Special Back Wrapper

Books Available for Sale in Lion / Muthu Comics Office: SunShine Library Issue No 001 April 2013 Tiger Special Back inner Wrapper

SunShine Library SSL 01 Tiger Special Apr 2013 Blueberry Covers

கைவசமுள்ள பிரதிகள் பட்டியல் நாளுக்கு நாள் வறுமையில் வாடும் முதியவரைப்போல மெலிந்து கொண்டே வருவதைப்பார்க்கையில் மிகுந்த மகிழ்வை அளிக்கிறது. கண்டிப்பாக இந்த புத்தகங்களுமே வெகு விரைவில் தீர்ந்து விடும் என்பது உள்ளங்களை நெல்லிக்கனி. ஆகையால் உடனடியாக இந்த புத்தகங்களை வாங்கி ஸ்டாக் செய்துக்கொள்ளுங்கள்.

சென்ற இதழில் பதிவில் கேட்ட கேள்விக்கு இன்னமும் சரியான பதில் வராததால் ஒரு மறு ஒளிபரப்பு:

உங்கள் அனைவருக்கும் ஒரு சிறிய போட்டி: செக்ஸ்டன் ப்ளேக் கதைகள் (அதாவது வாலியண்ட் இதழில் வந்த கதைகள்) ஒரு குறிப்பிட்ட காமிக்ஸ் ஹீரோவின் கதைகளுடன் "எதேச்சையாக" பொருந்தி இருக்கும். அந்த மற்ற ஹீரோவின் கதையும் தமிழில் வந்துள்ளது. அதனைப்பற்றி நமது முத்து விசிறி அவர்களும் பதிவிட்டுள்ளார்.

• அந்த மற்றொரு ஹீரோ யார்?

• அவரது கதைகளுக்கும் செக்ஸ்டன் ப்ளேக் கதைகளுக்கும் என்ன ஒற்றுமை?

• அந்த மற்றொரு ஹீரோவின் கதை எந்த காமிக்ஸில் வந்தது?

இந்த கேள்விகளுக்கு விடையளிக்கும் நபர்களுக்கு நமது பிரகாஷ் பப்ளிஷர்ஸ் நிறுவனத்தில் இருந்து A4 சைசில் வெளிவந்த ஆங்கில காமிக்ஸ் இதழ் ஒன்று இலவசமாக அளிக்கப்படும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

51 பேய் வீரர் செக்ஸ்டன் ப்ளேக் - ஒரு (மறு) அறிமுகம்

டியர் காமிரேட்ஸ்,

சமீபத்தில் ஒரு பதிவில் (கோடையின் கொடை - மார்ச் 31ம் தேதியிட்ட பதிவு ) லயன் & முத்து காமிக்ஸ் எடிட்டர் விஜயன் அவர்கள் "செக்ஸ்டன் பிளேக்" பற்றி எழுதும்போது இப்படி ஒரு அறிமுகம் கொடுத்து இருந்தார்:

"அவர்களோடு கூட்டணி சேர அடுத்து என் வசமிருந்தவர் இன்னொரு பிரிட்டிஷ் ஹீரோவே  ! கொஞ்சம் புராதன நெடியடித்தாலும், 1960s களில் வெளியான VALIANT வார இதழில் சுவாரஸ்யமான துப்பறியும் கதைகள் பலவற்றில் சாகசம் செய்த செக்ஸ்டன் ப்ளேக் தான் அந்த ஆசாமி.  (இன்றைய ஜெரோம் ; ரிப் கிர்பி போல் சற்றே பரபரப்புக் குறைச்சலான டிடெக்டிவ் இவர்!!). பிசாசு வனம்' என்ற ஒரு மிதமான மர்மக் கதையில் அவருக்கு வாய்ப்புக் கிட்டியது”.

இதனை படிக்கும்போது பழைய நினைவுகள் பலவும் மனதில் ஓடியது (போச்சுடா, இன்னுமொரு ஃப்ளாஷ்பேக் பதிவா? என்று நீங்கள் முணு முணுப்பது எனக்கு கேட்கிறது). உங்களில் பலரைப் போல நானும் இந்த புத்தகம் கடைகளில் வந்தபோது வாங்கியவன் அல்ல . பழைய புத்தக கடைகளில் எதேச்சையாக இந்த புத்தகம் கிடைக்கப்பெற்றவன் நான்.  தேவையெனில் சொல்லுங்கள், அட்டகாசமான இந்த புத்தகத்தை பற்றி ஒரு முழு நீள விமர்சன பதிவொன்றை இட்டுவிடுவோம்.

பேய் வீரர் செக்ஸ்டன் பிளேக்: இந்த ஹீரோ யார், என்ன மாதிரி கதைகளில் இவர் சாகசம் புரிந்தார்? என்று யோசிக்கும் புதிய ஜெனரேஷன் வாசகர்களுக்கு அடுத்து வரும் ஒரு சிறிய அறிமுகம்: ஷெர்லக் ஹோல்ம்ஸ் கதைகள் உலக அளவில் பிரசித்தம் அடைந்துகொண்டு இருந்த பத்தொன்பதாம் நூற்றாண்டின் இறுதிகளில் ஹாரி பிளித் என்பவரால் உருவாக்கப்பட்ட (இன்னுமொரு) துப்பறியும் நிபுணரே நமது ஹீரோ செக்ஸ்டன் பிளேக்.

மருத்துவ துறையில் பட்டப்படிப்பு முடித்துவிட்டு மருத்துவராக இல்லாமல் துப்பறியும் நிபுணராக மாறியவர் செக்ஸ்டன் பிளேக். கதையுலகில் இவரது வயது தெளிவாக குறிப்பிடப்படாவிடிலும் அநேகமாக 37 - 44 வயதுக்குள் இருப்பது போன்ற தோற்றம், Dark Brown வண்ணத்தில் நெற்றியில் V வடிவத்தில் எப்பொழுதும் சுருண்டு இருக்கும் Hair Style, தெளிவான சிந்தனையை வெளிப்படுத்தும் Blue-Grey நிறக் கண்கள் என்று இவரை வர்ணிக்கலாம்.

ஷெர்லக் ஹோல்ம்சை போலவே இவரும்  பேக்கர் தெருவில்தான் குடி இருப்பவர். இவருடைய ரோல்ஸ் ராய்ஸ் காருக்கு "கருந்சிறுத்தை" என்று பெயர். இவருடைய உதவியாளர் பெயர் டிங்கர். டிங்கர் இவருடைய அணைத்து கேஸ்களையும் பதிவிடுவதோடில்லாமல் இவருக்கு உதவியாகவும் வருவதுண்டு (ஆனால் அது பல வேளைகளில் உபத்திரமாகவும் முடியும்). டிங்கர் பிளேக்கை எப்போதும் "கவ்னர்" என்றே அழைப்பார்  இதைதவிர ஒரு முன்னாள் அமெரிக்க மாகாண ப்ரெசிடெண்ட்டால் பரிசாக அளிக்கப்பட்ட "பெட்ரோ" என்ற ஒரு ஆக்ரோஷமான நாலுகால் தோழனும் இவரது கதைகளில் உண்டு.  இவர்களைத்தவிர பல உதவிபுரியும் கதாபாத்திரங்கள் ரெகுலர் ஆக இவரது கதைகளில் இருந்தாலும், நமது காமிக்ஸ் கதைகளில் அவர்கள்வருவதில்லை வந்ததில்லை என்பதால் இந்த அறிமுகம் போதும்.

செக்ஸ்டன் பிளேக் கதைகள்: 1893இல் முதன் முதலாக "தி மிஸ்ஸிங் மில்லியனர்" என்ற கதையில் உருவாக்கப்பட்ட செக்ஸ்டன் பிளேக், அதன் பிறகு சுமார் 200 கதாசிரியர்களால் 3000திற்கும் மேற்ப்பட்ட நாவல்களில் எண்ணிலடங்கா சாகசங்களை புரிந்துள்ளார்.

எழுத்துக்கதையில் (நாவல் வடிவில்) வந்துக்கொண்டிருந்த செக்ஸ்டன் பிளேக், முதன் முதலில் காமிக்ஸ் வடிவில் தோன்றியது 1939 ஆம் ஆண்டு தான். இங்கிலாந்தில் அச்சிடப்பட்ட நாக் அவுட் என்கிற வாரந்திர பத்திரிகையில் தான் செக்ஸ்டன் பிளேக்கின் முதல் சாகசம் வெளிவந்தது. மேலும் பல கதைகளின் ஸ்கான்'களை இங்கே சென்று பாருங்கள்.

நாக் அவுட் இதழில் தொடர்ந்து 21 ஆண்டுகள் வெளிவந்த செக்ஸ்டன் பிளேக் கதைகள் 1960 ஆண்டுடன் "கதம் கதம்" ஆகிவிட்டது. பின்னர் ஏழு ஆண்டுகள் கழித்து ஒரு புண்ணியவானின் முயற்சியால் டெலிவிஷன் தொடராக வந்து பெருத்த வரவேற்ப்பை பெற்றது.

TV தொடர் பெற்ற வரவேற்ப்பை பார்த்த பதிப்பாளர்களும் சும்மா இராமல் மறுபடியும் சித்திரக்கதை தொடருக்கு உயிர் கொடுத்தனர். இப்படியாக ஒரு சுபயோக சுபதினத்தில் (1968) வாலியண்ட் வார இதழில் மறுபடியும் காமிக்ஸ் கதாபாத்திரமாக மாறினார் நமது ஹீரோ செக்ஸ்டன் பிளேக். அப்படி வந்த தொடர்களில் இருந்து மூன்று கதைகளை தமிழில் பிரசுரித்தார்  நமது அன்பிற்குரிய எடிட்டர் விஜயன் அவர்கள். இங்கிலாந்தில் காப்பிரைட் பிரச்சினையில்  இதே ஹீரோவின் கதைகள் விக்டர் டிரேகோ  பெயரில் மறுபடியும் (எழுபதுகளின் இறுதியில்) வெளிவந்தது தனி கதை.தமிழில் வெளிவந்த செக்ஸ்டன் பிளேக் கதைகளின் வரிசைப்பட்டியல் உங்களின் பார்வைக்கு.

No	Imprint	Issue	Date	Title	Story Name	English Title	Date	Author	Artist
1	திகில்	17	May 1987	திகில் கோடை மலர்	பிசாசு வனம்	The Haunted Moor	1969 Valiant Annual	Angus Allan	Eric Dadswell
2	முத்து	170	Sept 1988	மாயாவிக்கொரு சவால்	மர்மக் கோட்டை	Phantom Of The Peril Rock	Valiant 25-05-68	Angus Allan	Eric Dadswell
3	முத்து	175	Apr 1989	வழிப்பறிப் பிசாசு	வழிப்பறிப் பிசாசு	Ghost of thr Highway Man	Valiant 03-03-68	Angus Allan	Eric Dadswell

1985 இல் லயன் காமிக்ஸ் வெளியீடு எண் 20ல் "விரைவில் வருகிறார்" என்று விளம்பரப்படுத்தப்பட்ட செக்ஸ்டன் பிளேக்கை தமிழில் அச்சில் பார்ப்பதற்கு ஒன்றரை வருடங்கள் ஆயிற்று. ஆமாம், 1987 திகில் காமிக்ஸ் கோடை மலரில் தான் செக்ஸ்டன் பிளேக் முதன் முதலில் தமிழில் பேசினார். அதற்க்கு பிறகு ரெகுலர் ஆக வந்தார் என்றால் அதுவுமில்லை. வருடத்திற்கு  ஒன்று என்று மொத்தம் மூன்றே மூன்று கதைகளோடு பேக் அப் ஆகிவிட்டார் பிளேக். இந்த கதைகளுக்கு கிடைத்த வரவேற்ப்பு சரியில்லையா? அல்லது கதைகளே சுமார் ரகம்தான? அல்லது எடிட்டருக்கு இந்த கதைகளை பிடிக்கவில்லையா? என்று பல கேள்விகள் எழுந்தாலும் இவற்றிற்கு விடையளிக்கும் வல்லமை விஜயன் அவர்களைத்தவிர வேறு  இல்லை.

இந்த பதிவுகளை படித்தால் நாமே ஒருவகையில் இந்த கேள்விகளுக்கான பதில்களை ஊகித்து விடலாம். ஆனாலும் அவை சரியா என்பதை எடிட்டரே ஊர்ஜிதம் செய்ய முடியும்.

Lion Comics Issue No 20 Africa Sathi Sexton Blake Intro Ad	Thigil Comics Issue No 17 Dated May 1987 Kodai Malar Summer Special	Thigil Comics Issue No 17 Dated May 1987 Kodai Malar Summer Special Back Wrapper

லயன் காமிக்ஸ் இதழ் ஆப்ரிக்க சதியில் நிறைய அறிமுக நாயகர்களை பற்றிய குறிப்பு இருந்தது. அவர்கள் யார், என்ன மாதிரியான சாகசங்களை எதிர்ப்பார்க்கலாம் என்று ஒரு அருமையான ட்ரைலர் பார்ப்பது போன்ற அனுபவத்தை தந்தது. இந்த விளம்பரங்களை இந்த பதிவில் பார்க்கலாம். இப்படி வந்த விளம்பரங்களில் ஒருவரே செக்ஸ்டன் ப்ளேக். இவருடைய அறிமுகமே மிகவும் வித்தியாசமாக இருந்தது. துப்பறியும் நிபுணர்கள், உளவாளிகள் மத்தியில் ஒரு பேயோட்டும் வீரராக இருப்பது வித்தியாசம் தானே? ஆமாம், பேய் வீரர் செக்ஸ்டன் ப்ளேக் என்பதைத்தவிர வேறெந்த அறிமுகங்களும் இல்லாமல் ஒரு ஆக்க்ஷன் படத்துடன் இவரது அறிமுகம் சிறப்பாக முடிந்தது.

ஒரு தேவை இல்லாத பின் குறிப்பு: இந்த பதிவின் பின்னூட்டங்களை படிக்கையில் காமிரேட்  கனவுகளின் காதலன் அவர்கள் "சும்மா சொல்லக் கூடாது அசப்பில் கமல் மாதிரியே இருக்கிறார்"  என்று சொல்லி இருக்கிறார். கமல் மாதிரி இருப்பது யார்? அவருக்கும் நமது காமிக்ஸ் கதைகளுக்கும் என்ன தொடர்பு? விவரங்கள் அறிய படியுங்கள் - இந்த பதிவு

Thigil Kodai Malar 1986 Page No 92 Sexton Blake Story 1st Page Pisasu Vanam

இதுதான் எடிட்டர் அவருடைய பதிவில் குறிப்பிட்ட பிசாசு வனம் கதை. முதன் முதலாக படிக்கும்போது ஒரு வித்தியாசமான அனுபவத்தை இந்த கதை தந்தது உண்மையே. ஆனால் மூன்று கதைகளையும் ஒருங்கே இந்த பதிவுக்காக படித்தபோது (சுமார் மூன்று ஆண்டுகளுக்கு முன்பு) ஒருவிதமான டெம்பிளேட் இவரது கதைகளில் இருப்பதை உணர முடிந்தது. அதனைப்பற்றி விரிவாக பதிவின் முடிவில் காண்போம்.

இந்த கதையின் மூலக்கதை வாலியண்ட் ஆண்டுமலரில் வந்தது. இந்த ஆண்டு மலர் இது வரையில் எங்கேயும் ஆன்லைனில் வலையேற்றப்படவில்லை. நமக்காக இதனை ஸ்கான் செய்து அளித்த நண்பர் முத்து விசிறி அவர்களுக்கு ஸ்பெஷல் நன்றி. ஒரு A4 பக்கத்தில் வரும் காட்சிகளை பல பாக்கெட் சைஸ் பக்கங்களில் பிரசுரித்துள்ளார்.

1969 Valiant Annual Page No 96 Sexton Blake Story Haunted Moore  Story By Angus Allan Art By Eric Dadswell

இரண்டாவது கதை - மர்மக் கோட்டை (அ) தங்க வில்லாளி: இந்த கதையை ஒரு பழைய புத்தக கடையில் முதல் 40 பக்கங்கள் கிழிந்து 41வது பக்கத்தில் இருந்து இருப்பது போன்ற நிலையில் வாங்கினேன் (யாரோ ஒரு இரும்புக் கை மாயாவி ரசிகர் வெறியர் பைண்டிங் செய்வதற்காக முதல் நாற்பது பக்கங்களை கிழித்திருக்கலாம்). ஆகையால் பெயர் தெரியாத இந்த கதையை சில பல ஆண்டுகள் நானும் என் அண்ணனும் தங்க வில்லாளி கதை என்றே குறிப்பிடுவோம். அதனாலே தான் இந்த பெயர்.

லேட்டஸ்ட் வெளியீடான லயன் காமிக்ஸ் ஹாட் & கூல் ஸ்பெஷல் அட்டையில் ஹீரோ வேய்ன் ஷெல்டன் பச்சை கலரில் கோட்-சூட் அணிந்து இருந்ததை பல வாசகர்கள் சுட்டிக்காட்டி இருந்தனர். அவர்களுக்கு எல்லாம் நான் சொல்லிக்கொள்வது ஒன்றே ஒன்றுதான் - இந்த பச்சை பேன்ட் விவகாரம் ஆரம்பித்தது இப்பொத அல்ல. இந்த படலத்தை ஆரம்பித்து வைத்ததே நம்ம மாயாவி தான். சந்தேகம் இருந்தால் இந்த அட்டையில் மாயாவி அணிந்து இருக்கும் பேன்ட்டை ஒரு முறை பாருங்கள்.

Muthu Comics No 170 Maayavikkoru Savaal 2nd Story Sexton Blake Marma Kottai Phantom of the Peril Rock Cover1

முதலில் திகில் காமிக்ஸில் அறிமுகம் ஆன செக்ஸ்டன் ப்ளேக், ஒரு வருடம் கழித்து இரண்டாவதாக தோன்றியது முத்து காமிக்ஸில் தான். குறிப்பாக இந்த கதை வந்த சீசனில் தான் எடிட்டர் எஸ் விஜயன் அவர்கள் முத்து காமிக்ஸ் இதழிற்கும் முழுமையான பொறுப்பேற்ற நல்ல காரியம் நடந்தது. இந்த சீசனில் தான் பல அற்புதமான கதைகளை (பயங்கரப் பன்னிரண்டு, பச்சை வான மர்மம்,சிங்கத்தின் குகையில், ஜெஸ் லாங்கின் பல கதைகள்) முத்து காமிக்ஸில் வெளியிட்டு மறு பதிப்புகள் இல்லாத புதிய கதைகளை கொண்ட முத்து காமிக்ஸ் வரிசையினை கொணர்ந்தார். இந்த விவரங்களை தனியாக வேறொரு பதிவில் காண்போம்.

இந்த கதையின் முதல் சில பக்கங்களையும் அவற்றின் மூலக்கதையின் முதல் பக்கங்களையும் உங்களின் பார்வைக்கு அளிக்கிறேன். சென்ற கதையை போல முதல் மூன்று பக்கங்களை படிக்கும்போதே கதையின் போக்கு சுலபமாக புரிந்துவிடும் என்பதால் கதையை இங்கே சொல்லப்போவதில்லை.

வழமை போல இந்த செக்ஸ்டன் ப்ளேக் கதையிலும் எதிர்பாராத திருப்பங்களும் திடுக்கிடும் பொறிகளும், அற்புதமான செட்-பீஸ் ஆகஷன் காட்சிகளும் உண்டு. ஒரே ஒரு சிறிய மாற்றம் என்னவெனில் இதில் பெட்ரோவுக்கு பெரிய பங்களிப்பு இல்லை என்பதே

Muthu Comics No 170 Maayavikkoru Savaal 2nd Story Sexton Blake Marma Kottai Story 1st Page Page No 38 39

Valiant Dated 25051968 Episode 1 Phantom of the Peril Rock Thanga Villali  Page 01

மூன்றாவது கதை - வழிப்பறி பிசாசு: செக்ஸ்டன் ப்ளேக்கின் மூன்றாவது (மற்றும் கடைசி) கதை வழிப்பறி பிசாசு ஆகும். இந்த இதழில் தான் முதன் முறையாக (அதே சமயம் கடைசி முறையாகவும்) அட்டையில் நமது ஹீரோ தோன்றுகிறார். இந்த இதழின் அட்டைப்படத்தில் "புத்தம் புதிய படக்கதை" என்று ஒரு வாசகம் இருப்பதை கவனியுங்கள்.

சமீபத்தில் சூப்பர் ஹீரோ சூப்பர் ஸ்பெஷல் இதழிளும்கூட இதைப்போலவே "புத்தம் புதிய படக்கதை" என்று வந்து இருந்ததை பல வாசகர்கள் சரியாக புரிந்துகொள்ளாமல் அறுபதுகளில் வந்த இந்த கதைகள் புத்தம் புதிய கதைகளா? என்று கிண்டலும் அடித்து இருப்பார்கள்.

முத்து காமிக்சின் வரலாற்றினை அறிந்தவர்கள் (மிகவும் குறைவு) ஒரு குறிப்பிட்ட சீசனில் முத்து காமிக்ஸ் இதழ்கள் நிறுத்தப்பட்டதையும், பின்பு வெறும் மறு பதிப்புகளை மட்டுமே வெளியிட்டு வந்ததையும் அறிவார்கள். இப்படி மறு பதிப்புகள் வந்துக்கொண்டு இருந்தபோது எடிட்டர் விஜயன் அவர்களின் முயற்சியால் அதுவரை பதிப்பிக்கப்படாத கதைகளையும் வெளியிட ஆரம்பித்தனர் (கடல் பிசாசு, இரத்த இரவுகள், இதர, இதர). அப்போது இந்த கதைகள் மறுபதிப்பு அல்ல என்பதை வாசகர்களுக்கு தெரிவிக்கவே அட்டையில் இப்படி "புத்தம் புதிய படக்கதை" என்று வெளியிட்டனர்.

அந்த பச்சை பேன்ட் படலம் இங்கேயும் தொடருவதை கவனியுங்கள்.

Muthu Comics Issue No 175 Vazhippari Pisasu Sexton Blake Cover

செக்ஸ்டன் ப்ளேக்கின் கதைகள் பெரும்பாலும் ஒரே டெம்பிளேட்டில் இருப்பதாக பதிவின் ஆரம்பத்தில் கூறி இருந்தேன் அல்லவா? இப்போது அந்த விஷயத்திற்கு வருவோம். ஒரு பாழடைந்த மாளிகை, அதனை சார்ந்த ஒரு கிளைக்கதை, அதனால் ஆள் நடமாட்டம் குறைந்து விடுவது, அந்த மாளிகையில் பொக்கிஷங்கள் பதுக்கப்பட்டு இருப்பது, அதனை அறிந்த ஒருவர் அதற்காக வித்தியாசமான திட்டம் இடுவது, அதனை தடுக்க செக்ஸ்டன் ப்ளேக் முயல்வது, நடுவில் பல பொறிகளில் சிக்கிக் கொள்வது, முடிவில் தன்னுடைய மதி நுட்பத்தால் வெற்றி கொள்வது என்று அனைத்து இந்த மூன்று கதைகளுமே அமைந்து இருக்கின்றன. இதனாலேயே கூட எடிட்டர் இந்த கதை வரிசையினை மூன்று கதைகளுக்கு பிறகு தவிர்த்து இருக்கலாம். இதனை அவரைத்தவிர வேறு யாரும் ஊர்ஜிதப்படுத்த முடியாது.

Muthu Comics Issue No 175 Vazhippari Pisasu Sexton Blake Page  No 04 05

Valiant Dated 09031968 Episode 2 Ghost of the Highwayman

சரி இப்போது மெயின் மேட்டருக்கு வருவோம். உங்கள் அனைவருக்கும் ஒரு சிறிய போட்டி: செக்ஸ்டன் ப்ளேக் கதைகள் (அதாவது வாலியண்ட் இதழில் வந்த கதைகள்) ஒரு குறிப்பிட்ட காமிக்ஸ் ஹீரோவின் கதைகளுடன் "எதேச்சையாக" பொருந்தி இருக்கும். அந்த மற்ற ஹீரோவின் கதையும் தமிழில் வந்துள்ளது. அதனைப்பற்றி நமது முத்து விசிறி அவர்களும் பதிவிட்டுள்ளார்.

• அந்த மற்றொரு ஹீரோ யார்?

• அவரது கதைகளுக்கும் செக்ஸ்டன் ப்ளேக் கதைகளுக்கும் என்ன ஒற்றுமை?

• அந்த மற்றொரு ஹீரோவின் கதை எந்த காமிக்ஸில் வந்தது?

இந்த கேள்விகளுக்கு விடையளிக்கும் நபர்களுக்கு நமது பிரகாஷ் பப்ளிஷர்ஸ் நிறுவனத்தில் இருந்து A4 சைசில் வெளிவந்த ஆங்கில காமிக்ஸ் இதழ் ஒன்று இலவசமாக அளிக்கப்படும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

35 லயன் காமிக்ஸ்: ஹாட் & கூல் ஸ்பெஷல் April 2013

டியர் காமிரேட்ஸ்,

வெல்கம் பேக். இந்த ஆண்டு முழுவதுமே பதிவிடக்கூடாது என்று ஒரு "நியூ இயர் ரெசல்யூஷன்" எடுத்து இருந்தேன். அதனை நூறு நாட்கள் கஷ்டப்பட்டு கடைபிடிக்கவும் செய்தேன். ஆனால் சில நண்பர்களின் வேண்டுகோளுக்கு இணங்கி இந்த பதிவு. இது தொடருமா? என்று நீங்கள் கேள்வி கேட்டால் அதற்க்கு பதில் நம்ம வேலு நாயக்கரின் "அதே பதில்" தான் (டோட்ட டோட்ட டைங்க், டோட டொடைங்க்).

கடந்த ஆண்டு ஜனவரியில் ஆரம்பித்த தமிழ் காமிக்ஸ் உலகின் கம்பேக், கிட்டத்தட்ட இந்த ஆண்டில் முழுமை பெரும் என்று நம்புகிறேன். அந்த நம்பிக்கையை மெய்பிக்கும் வகையில் எடிட்டர் விஜயன் அவர்களும் தொடர்ந்து ஏதேனும் ஒரு வகையில் நம்மை சர்ப்ஃப்ரைஸ் செய்துக்கொண்டே இருக்கிறார்.

கிரிக்கெட் விளையாடுபவர்களுக்கு "டபுள் ப்ளஃப்" என்றொரு பதம் பரிச்சயமாகி இருக்கும். ஒரு சிறிய உதாரணம் மூலம் இதனை விளக்க முயல்கிறேன் (மற்றவர்கள் தயவு தாட்சண்யம் இல்லாமல் இந்த பத்தியை ஸ்கிப் செய்துவிடவும்). களத்திற்கு புதியதாக வந்துள்ள பேட்ஸ்மேனை அவுட் செய்ய, பந்துவீச்சாளரும் கேப்டனும் (அட, கிரிக்கெட் கேப்டனுங்க) சேர்ந்து ஒரு வியூகம் அமைப்பார்கள். தேர்ட் மேனிலும், ஸ்கொயர் லெக்கிலும் ஃபீல்டர்களை செட் செய்வார்கள். அதனை பார்க்கும் பேட்ஸ்மேன் "ஓகோ, இந்த பந்து பவுன்சர் ஆகவே இருக்கும்" தன்னை தயார் படுத்திக்கொண்டு பேக் ஃபுட்டில் சென்று ஹுக் செய்ய தயாராக இருப்பார்.

ஆனால், சற்றே புத்திசாலியான அந்த பந்துவீச்சாளர் அப்போது பவுன்சர் போடாமல், யார்க்கர் ஒன்றினை வீசி LBW அல்லது கிளீன் போல்ட் செய்து விடுவார். ஏனென்றால் பேக் ஃபுட்டில் யார்க்கரை விளையாடுவது கடினம். இப்படி ஒரு விஷயத்தை செய்யப்போகிறேன் என்று குறிப்பால் உணர்த்தி அதற்க்கு நம்மை தயார் படுத்தி விட்டு வேறோன்றினை அளிப்பதற்கே டபுள் ப்ளஃப் என்று பெயர். இதனைத்தான் நமது எடிட்டரும் "லெப்டில் இன்டிகேட்டர் போட்டு, ரைட்லே கையைக் காட்டி விட்டு, நேராய்ப் போகும்" வேலை என்று சொல்கிறார்.

ஒக்கே, விளக்கம் கொடுத்தது எல்லாம் சரி. இந்த இதழில் அப்படி என்னப்பா சர்ப்ஃரைஸ்? என்று கேட்பவர்களுக்கு ........ தொடர்ந்து படியுங்கள்.

ஹாட் & கூல் ஸ்பெஷல்: முதலில் இந்த இதழிற்கு பெயர் சூட்டிய வாசக அன்பர் காமிரேட் P கார்த்திகேயன் அவர்களுக்கு ஒரு ஸ்பெஷல் நன்றி. புதிய வாசகர்கள் என்னடா இது, ஒவ்வொரு புத்தகமும் நூறு ருபாய் விலையில் தானே வருகிறது, அப்போது எதற்கு ஒவ்வொரு இதழிற்கும் ஒரு ஸ்பெஷல் பெயர் என்று யோசிக்கலாம். ஆனால் லயன் காமிக்ஸ் அலுவலகத்தில் இருக்கும் பணியாளர்களுக்கு இப்படி ஒரு ஸ்பெஷல் பெயரை கொண்ட புத்தகம் என்று நினைவு வைத்துக்கொள்வதற்கு உதவியாக இருக்கின்றது. அதற்காகவே ஒவ்வொரு இதழிற்கும் ஒரு ஸ்பெஷல் பெயர் வைக்கப்படுகின்றது.

Lion Comics No 217 Hot n Cool Special Front Cover	Lion Comics No 217 Hot n Cool Special Back Cover

முன்பக்க அட்டைப்படம்: ஓவியர் மாலையப்பன் மற்றும் டிசைனர் கண்ணன் அவர்களின் கூடு முயற்சியில் வெளிவந்துள்ள இந்த அட்டைப்படம் மிகவும் சிறப்பான ஒன்றாகும். அதற்க்கு முழு முதல் காரணம் இந்த இதழின் அட்டையில் இருக்கும் வண்ணக் கலவையே

குறிப்பாக ஹீரோவின் காலடியில் (ராமர் கலர் லைட் ப்ளூ வண்ணத்தில்) ஒரு இடி போன்ற டிசைனை உருவாக்கி (மூலக்கதை அட்டையில் இருந்த) வெறுமையான அமைப்பை மாற்றியது ஒரு மாஸ்டர் ஸ்ட்ரோக் என்றால் அதற்க்கு மேலே (ராமர் அப்பா கலர் டார்க் ப்ளூ வண்ணத்தில்) முழு அட்டையையும் ஒரு டார்க் மூடிற்கு நம்மை வரவழைத்தது அபாரம் என்றே சொல்வேன்.

என்னதான் பச்சை கலர் கோட்-சூட் கண்ணை உறுத்துகிறது என்று சொன்னாலும் (மூலக்கதை அட்டையில் இருந்த) க்ரே கலர் கோட்-சூட்டை விட இது அட்ராக்டிவ் ஆகவே இருக்கிறது என்பதில் இருவேறு கருத்திருக்க இயலாது (என்னிடமும் ஒரு பச்சை நிற கோட் இருப்பதால் இப்படி சொல்லவில்லை, நம்புங்கள்).

மேலும் சமீப காலங்களில் நமது நண்பர்கள் கூறும் சென்சார் இந்த இதழின் அட்டையிலேயே அமலுக்கு வந்திருப்பதை காண கூர்மையான பார்வையும், ........ வேண்டாம் விடுங்க. ரசா,பாசமாகிவிடும்.  இங்கே க்ளிக் செய்து மூலக்கதை அட்டையை ஒரு முறை பார்த்து விட்டு இந்த அட்டையை பாருங்கள்.

என்ன, வித்தியாசத்தை கண்டறிய முடியவில்லையா? ஸ்கர்ட்'டின் உயரம் கீழே அதிகரித்து இருப்பதையும், தேநீர் சட்டையில் உயர்ந்து இருப்பதையும் காணுங்கள். தமிழ் நாட்டில் தமிழ் சினிமா படங்களுக்கு சென்சார் சர்டிஃபிகேட் வழங்கும் பக்கிரிசாமி அவர்களோ, அல்லது ஆந்திராவில் இருக்கும் தனலட்சுமி அவர்களோ கூட இந்த அளவிற்கு கூர்ந்து கவனிக்க மாட்டார்கள் என்று நினைக்கிறேன்

பின் பக்க அட்டைப்படம்: இங்கே பதிவில் (சொந்த ஹோம் தளங்களில் ஆஸ்திரேலியாவை வீழ்த்திய இந்திய கிரிக்கெட் அணி போல) அட்டகாசமாக காட்சியளிக்கும் பின் அட்டைப்படம் நேரில் பார்க்கும்போது அயல் நாடுகளில் அடிபட்டு திரும்பிய இந்திய கிரிக்கெட் அணிபோல இருக்கிறது. ஏன் என்று பார்ப்பதற்கு முன்பாக அந்த அட்டைப்பட டிசைனை பாரட்டிவிடுவோம்.

உண்மையிலேயே பின்பக்க அட்டைப்படமும் அங்கு இருக்கும் பஞ்ச் டையலாக்குகளும் பிரம்மாஆஆதம்ம்ம்ம்ம்ம்ம்ம். இந்த சிறப்பு இதழிற்கு ஏன் ஹாட் & கூல் ஸ்பெஷல் என்று பெயர் வந்தது என்பதை விளக்கும் வகையில் "ஒரு போராளி ஜென்டில்மேன் ஆவது ஹாட்" & "ஒரு கோமாளி ஜென்டில்மேன் ஆவது கூல்" என்று அருமையாக வந்திருக்கிறது பின் பக்க அட்டை.

ஆனால், ஏற்கனவே டார்க் கலரில் ஒரு பார்டர் இருக்க, அதற்க்கு உள்ளே வெள்ளையில் ஒரு பார்டர் டிசைன் அமைய, அதையும் தாண்டி ஒரு போட்டோ ப்ரேம் பார்டர் வந்து சிக் பில் தலையில் பாதியை மறைப்பது கொஞ்சம் ஓவரே என்றாலும், பேட்டர்ன் அற்புதமாக இருப்பதால் அதுவும்கூட ஓக்கேதான். ஆனால் அதற்க்கு உள்ளே இருக்கும் படம் லோ ரெசல்யூஷனில் இருப்பதுதான் இந்த இதழிற்கு திருஷ்டி போட்டு. ஏன் இப்படி ஆனது? என்பது எனக்கு தெரிந்து இருந்தாலும், ஹ்ம்ம் திருஷ்டி போட்டுதான்.

முதல் சர்ப்ஃரைசாக ஜூன் மாத டெக்ஸ் வில்லர் ஸ்பெஷல் வெளியீடு என்று விளம்பரப்படுத்தப்பட்டு இருக்கும் பூத வேட்டை இதழைப்பற்றி ஒரே ஒரு சிந்தனையை உங்கள் மனதில் தூவி விட்டு செல்கிறேன்: இது டெக்ஸ் வில்லரின் ஐம்பதாவது இதழ் அல்ல. காமிரேட்டுகள் விரும்பினால் (பல வருடங்களாக) கிடப்பில் இருக்கும் டெக்ஸ் வில்லரின் அட்டவணை மற்றும் அட்டைப்படங்களை கொண்ட பதிவை இங்கே தமிழ் காமிக்ஸ் உலகம் தளத்தில் இடலாம். டெக்ஸ் ரசிகர்களுக்கு வெறியர்களுக்கு இது சரியான வேட்டையாக இருக்கும். குறிப்பாக இன்று பிறந்த நாள் கண்ட சேலம் டெக்ஸ் விஜயராகவன் போன்ற ரசிகர்களுக்கும், சென்ற ஆண்டே இந்த பதிவைப்பற்றி விசாரித்த "டெக்ஸ் ஃபேன்" ஸ்ரீ ராமிற்கும் ஒரு விருந்தாக அந்த பதிவு இருக்கும். 

டேஞ்சர் டையபாலிக் கதை ஏற்கனவே ஒன்று தமிழில் வந்துள்ளது. இரண்டாவது  கதையாக (இருபத்தி ஐந்து ஆண்டுகள் கழித்து) வரவிருக்கும் கதை "குற்றத் திருவிழா". குற்றவியல் சக்கரவர்த்தி ஸ்பைடர் இடத்தினை (தற்காலிகமாகவேனும்) டையபாலிக் நிரப்புவார் என்றே நம்புவோம்.

ஹாட் லைன் காமிக்ஸ் டைம்: நமது பதிப்பக வெளியீடுகளில் பெரும்பான்மையான வாசகர்கள் முதலில் படிக்கும் பகுதி நமது எடிட்டரின் கைவண்ணத்தில் லயன் காமிக்ஸ் இதழ்களில் "ஹாட் லைன்" பகுதியும், முத்து காமிக்ஸ் இதழ்களில் "காமிக்ஸ் டைம்" பகுதியும் தான். ஆனால் இந்த இதழ் லயன் காமிக்ஸ் என்றாலும் இதில் காமிக்ஸ் டைம் என்று வந்து இருப்பதைக்கூட விட்டுவிடலாம், ஆனால் "எனது எழுத்துக்களிலிருந்து உங்களுக்கு ஒரு ப்ரேக்" என்று சொல்லி இருப்பதைத்தான் பொறுத்துக் கொள்ளவே இயலாது என்கிறேன்.

எடிட்டரின் இந்த அடாத செயலை கண்டித்து இன்றுமுதல் தொடர்ந்து வாழைப்பூ வடை சாப்பிடும் போராட்டத்தை ஆரம்பிக்கிறேன். இந்த அரச்சீற்றத்தில் பங்குபெற விரும்புவோர் உடனடியாக வாழைப்பூ வடையை சாப்பிட்டு எடிட்டருக்கு தங்களது கண்டனத்தை போட்டோ, ஸ்க்ரீன்ஷாட், வீடியோ  மூலமாக தெரியப்படுத்துங்கள். அடுத்த வாரம் சிவகாசி செல்லலாம் என்று இருக்கிறேன், அப்போது சுடச்சுட ஒரு டஜன் வாழைப்பூ வடையை பார்சல் கட்டிக்கொண்டு செல்ல உத்தேசம்.

 

Lion Comics No 217 Hot n Cool Special Wayne Shelton Story 1st Page	Lion Comics No 217 Hot n Cool Special Wayne Shelton Story Sample Page

ஒரு ஒப்பந்தத்தின் கதை: கதாசிரியர் வான் ஹாம், அடிதடி, சண்டை மசாலாப் பட ரசிகர்களுக்காக இந்த கதையை ரூம் போட்டு யோசித்திருப்பாரோ என்று தோன்றுகிறது. பின்னே என்னங்க, விளம்பர இடைவேளைக்கு பிறகு கதை தொடரும் என்று நமது தொலைக்காட்சிகளில் வருவதுபோல சண்டைக்காட்சிகளுக்கு பிறகு கதை தொடரும் என்று கதையின் நடுவில் அடிக்கடி சண்டை ப்ரேக் விடுகிறார். மற்றபடி  கதை என்று பார்த்தால் பிரம்மாதமாக ஒன்றுமில்லை தான்.

ஆனால் மூன்று பாக கதைகளில் மூன்றாவதாக வருவது க்ளைமேக்ஸ்  தானே? க்ளைமேக்ஸில் சண்டையில்லாமல் இருந்தால் கல்யானவிருந்தில் பாயாசம் இல்லாதது போல குறையாகவே இருக்கும்.ஆகவே முதல் இரண்டு பாகங்களுக்கு இதுவே சரியான முடிவு. ஒருமுறை முதல் இரண்டு பாகங்களை படித்துவிட்டு, கதாபாத்திரங்களை நினைவில் கொண்டுவந்துவிட்டு பிறகு இந்த மூன்றாம் பாகத்திற்கு நுழைவது நலம்.

எடிட்டர் ஸ்பெஷல் ஆக வெளியிட்டு இருக்கும் இந்த சாம்பிள் பக்கத்தில் வேய்ன் ஷெல்டன் அந்த பெண்ணிடம் "பல்பு வாங்குவது" போல இருந்தாலும், கதையின் இறுதி பகுதியில் இதற்காக வட்டியும், முதலுமாக ஒரு செம பன்ச் வைத்து இருக்கிறார் கதாசிரியர். அநேகமாக அவர் ரஜினிகாந்த், விஜயஷாந்தி நடித்த மன்னன் படத்தின் ரசிகராக இருப்பார் போலும்....

இதுவரையில் வேய்ன் ஷெல்டன் கதைகள் (அஃபீஷியலாக) ஆங்கிலத்தில் வெளிவந்தது கிடையாது. ஆனால் பெங்களூருவில் நமது காமிக்-கான் முடிந்த மறுநாள் சினிபுக் நிறுவனத்தினர் மூலமாக இந்த தொடரின் முதல் பாகம் ஆங்கிலத்தில் வெளிவர இருக்கிறது. ஏற்கனவே லார்கொ வின்ச் தொடரை படித்துவிட்டு அதனை படமாக எடுப்பதற்கு இந்திய சினிமா உரிமையை வாங்கிய ஹீரோவை கடந்த ஆண்டு அக்டோபர் மாதம் சந்தித்தேன். (இப்போதைக்கு அவர் இந்த லார்கொ வின்ச் கதையை படமாக எடுக்கப்போவதில்லை என்பது வேறு விஷயம்). அவரிடமே இந்த வேய்ன்  ஷெல்டன்  கதையையும் பரிந்துரைக்கலாம் என்றிருக்கிறேன். என்ன, இந்த வேய்ன் ஷெல்டன் கேரக்டரில் நடிக்க அவர் இன்னமும் ஒரு பத்தாண்டுகள் காத்திருக்க வேண்டி இருக்கும்.

Lion Comics No 217 Hot n Cool Special Chick Bill Story 1st Page	Lion Comics No 217 Hot n Cool Special IznoGoud Story 1st Page No 104

ஒரு கழுதையின் கதை: இந்த தலைப்பிற்கும் கதைக்கும் என்ன சம்பந்தம் என்று சிறிது குழப்பம் வந்தாலும், ஷெரிப் டாக்புல் மூலமாக "அந்த கழுதையே நீங்கதாங்க" என்று கிட ஆர்டினுக்கு சொல்லப்படுகிறது. ஒரிஜினல் கதை தலைப்பை சார்ந்தே (லானாவின் கழுதை) இந்த தலைப்பு வைக்கப்பட்டதாக எடிட்டர் சொல்கிறார்.

சமீப காலங்களில் வந்த சிக்பில் குழுவுனரின் கதைகள் காமெடியில் சற்றே பின் தங்கியிருப்பதாக எனக்கு ஒரு அவதானிப்பு உண்டு. குறிப்பாக நீலப்பேய் மர்மம்,விண்வெளியில் ஒரு எலி, விற்பனைக்கு இரு ஷெரிப், இரும்புக் கவ பாய், கொலைகாரக் காதலி என்று மினி லயன் கிளாசிக் வரிசையில் லயன் காமிக்ஸ் இதழ்களில் வந்த கதைகள் எதுவுமே இல்லை. நெவர் பிஃபோர் ஸ்பெஷல் இதழில் வந்த கதையும் இதே ரகத்தில் சேர்த்தி என்பதால் இந்த கதையை ஆவலுடன் எதிர்பார்த்து காத்துக்கொண்டு இருந்தேன். என்னுடைய காத்திருப்பு வீண் போகவில்லை.

கண்டிப்பாக இந்த கதையானது மினி லயன் கிளாசிக் சிக்பில் கதைகள் பட்டியலில் இடம் பிடிக்கும். மிகவும் எளிமையான கதையோட்டம், ஜாலியான சம்பவங்கள், கவுண்டமணி-செந்தில் காமெடி கலாட்டா, குள்ளனின் குறும்புகள் என்று கதை ரெகுலரான டெம்பிளேட்டில் நகர்ந்து எதிர்ப்பார்க்கப்பட்ட முடிவுடன் பயணிக்கிறது. கண்டிப்பாக மிஸ் செய்யாமல் படிக்க வேண்டிய சிக்பில் குழுவினரின் சாகசம்.

மதியில்லா மந்திரியின் ஒரு போஸ்டர் படலம்: நமது கதைகளில் "ஒரு" மற்றும் "படலம்" என்கிற வார்த்தைகள் அதிகமாக வருவதாக ஒரு சாரர் குற்றச்சாட்டை சுமத்திவரும் இந்த சூழலில் அந்த இரண்டு வார்த்தைகளை ஒருங்கே கொண்டு இந்த தலைப்பு. வழக்கமான பாணியில், நாம் எதிர்ப்பார்க்கும் வகையில் ஆனால் நாம் எதிர்பார்க்கவே முடியாத சம்பவங்களுடன் இந்த கதை அமைந்திருக்கிறது.

ஜாலியான நமது சுல்தானுக்கு குழிபறிக்க (அட, இந்த கதையில நிஜம்மாவே குழி பறிக்குராறு நம்ம மதியில்லா மந்திரி) முயன்று வழமை போலவே தோற்கும் ந மோடி மஸ்தானும், அவரது நிழலான ஜால்ரா பாயும் மட்டுமில்லாமல் வேறொரு நபரும் சேர்ந்துக் கொண்டு நம்மை சிரிக்க வைக்கிறார்கள்.இன்ஸ்டன்ட் கிளாசிக்.

நமது இதழ்களில் இப்போதெல்லாம் ரெகுலர் ஆகிவிட்ட இரத்தவெறியன் ஹேகர், குட்டிஸ் கார்னர் இங்கே உங்களின் பார்வைக்கு. மற்றும் கலரில் வந்துள்ள ஸ்பெஷல் விளம்பரம்.

Lion Comics No 217 Hot n Cool Special Page No 102 Hagar The Horrible

Lion Comics No 217 Hot n Cool Special Page No 103 Kutti’s Corner

Lion Comics No 217 Hot n Cool Special Last Page No 114 Next Issue Advt

கடைசியாக வந்துள்ள இந்த ஸ்பெஷல் விளம்பரத்தை பற்றியதே எனது அடுத்த பதிவு. அநேகமாக நாளை இரவுக்குள் பதிவிட முயல்கிறேன். ஆரம்பத்தில் சொன்ன அந்த சர்ஃப்ரைஸ் இந்த விளம்பரத்திலும், அடுத்த பதிவிலும் இருக்கிறது.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.