10 Comic Cuts 57-News 57: The Hindu (Tamil) Diwali Special issue – Special Article on Tamil Comics

dear

Dear ComiRades,

welcome back to TCU. As the festival season is gearing up, so is TCU with lots and lots of posts – both informative and initiative. Well, as the talk of initiation rings up, here is our new series of posts: சித்திரக்கதை செய்திகள் .

However, this article is all about The Hindu news paper (Tamil Edition)’s diwali special issues in which celebrated author S.Ramakrishnan has penned a nostalgic post on Tamil comics and the need to index them.

What he has not taken into account is that, we have already taken the initiative and almost, almost indexed all the comics books printed in Tamil language. Well, that’s news for him and usual story for our regular readers.

The Hindu (Tamil) Diwali Special Issue – Comics Article by S .Ramakrishnan

 

Most of these points were already handled by him in his online portal some 5 years ago. The news about the library and his recalling of the stories with his friends were new and was joyful to read.

Thank you, Sir.

Well, that’s all for this post and  As usual, post your comments in the comments section. For those who want to Pen their thoughts in Tamil, Kindly Use the Option Provided in the Widget section or Click Here.

Thanks & Regards, 
King Viswa.

39 அலிபாபா & முஸ்தஃபா - மினி லயனின் டாப் காமெடி கதாநாயகர்கள்

டியர் காமிரேட்ஸ்,

இந்த பதிவு எத்துனை முறை எடிட் செய்யப்பட்டது, எத்துனை முறை ஒத்திவைக்கப்பட்டது என்பதற்கு என்னிடம் கணக்கே இல்லை. முதன் முதலில் 2009ம் ஆண்டு திட்டமிடப்பட்டு பின்னர் நண்பர் பின்னோக்கியின் வேண்டுகோளுக்கிணங்க 2010ம் ஆண்டு கிட்டத்தட்ட பதிவேறும் நிலைக்கே வந்து பல காரணங்களால் பதிவிடப்படாமல் கிடப்பில் போடப்பட்டது.

அதன் பின்னர் இந்த ஆண்டு மறுபடியும் ஏப்ரல் மே மாதங்களில் பரணில் இருந்து தூசு தட்டி பதிவை ஒப்பேற்றி அப்லோட் செய்யும்போது வேறு சில காரணங்களால் பதிவிடப்படாமல் விடப்பட்டது. இப்படியாக சரித்திர (தரித்திர) புகழ் பெற்ற இந்த பதிவு வலையேறும் அற்புத நாள் இந்நாளே என்பதில் மிக்க மகிழ்ச்சி. 

சமீப காலமாக எடிட்டர் லக்கி லுக், சிக் பில், கேப்டன் பிரின்ஸ் என்று பழைய ஹீரோக்கள் பலரின் அற்புதமான பல கதைகளை முழு வண்ணத்தில் பெரிய சைஸ் புத்தகங்களில் ரீப்ரின்ட் செய்து வருவதை அனைவருமே அறிவீர்கள். இந்த வரிசையில் இன்னமும் சில கதை வரிசைகளை சேர்க்கலாம் என்பது என்னுடைய தனிப்பட்ட கருத்து, அந்த கருத்திற்கு வலுவூட்டும் வகையில் சில பல பதிவுகளை ரீப்ரின்ட் வரிசையில் இட எண்ணி உள்ளேன். அந்த வரிசையில் முதல் பதிவு அலிபாபா மற்றும் முஸ்தபாவின் சாகசங்கள் அடங்கிய தொடரே.

அலிபாபா முஸ்தபா இருவரும் ஆதரவற்ற நாடோடி சகோதரர்கள். ஏதாவது செய்து பிழைக்க வேண்டும் என்ற எண்ணம் கொண்ட வியாபாரிகள். அவர்கள் வியாபாரம் செய்வது எதை என்று மட்டும் கேட்க வேண்டாம். எதையும் எல்லாவற்றையும் விற்பனை செய்யும் திறன் (?!?!?!) கொண்டவர்கள் நமது ஹீரோக்கள். மனதில் நேர்மையும், எண்ணத்தில் அடுத்தவர்களின் நலனையும் கொண்ட இவர்களின் இணையாக நமது சிக்பில் கதைகளில் வரும் உதவி ஷெரிப் கிட் ஆர்டினை சொல்லலாம். கிட்டத்தட்ட அதே மாதிரி கதாபாத்திரம் தான் இவர்கள் இருவரும்.

அரேபிய கதைகளை பகடி செய்யும் ஐரோப்பிய கதாசிரியர்களைப்போலவே தான் இந்த கதையின் போக்கும் அமைந்து இருக்கும். பாக்தாத் நகரை தாக்பாத் என்று உல்டா செய்வதில் ஆரம்பித்து பல விஷயங்களில் சுதந்திரத்தை கையாண்டு வடிவமைக்கப்பட்டு இருக்கும் இந்த கதையின் பின்புல அரசியலை பிறிதொரு நாளில் விவாதிப்போம். இப்போதைக்கு கதையும் கதை மாந்தர்களுமே நமக்கு முக்கியம். 

மொத்தம் மூன்று புத்தகங்களில் நான்கு கதைகளில் மட்டுமே வந்துள்ள இந்த சகோதரர்களின் கதைகளில் ஓரளவுக்காவது ரெகுலர் ஆக வரும் கதாபாத்திரங்கள் இவர்கள் இருவர் மாத்திரமே. ஆகையால் இவர்கள் இருவரைத்தாண்டி வேறு எந்த முக்கிய கதாபாத்திரங்கள் இல்லை எனினும் இரண்டு கதை மாந்தர்கள் Stand-Out ஆக தெரிகின்றனர்.

ஒருவர்: அலாவுதீனின் அற்புத விளக்கில் இருந்த பூதம். இப்போது வயதாகிவிட்ட நிலையில், சர்க்கரை வியாதி,நியாபக மறதி, முட்டி வலி இருதய பலவீனம், குடலில் கோளாறு, கண்டிப்பாக மதிய நேர தூக்கம் அவசியம், குடி போதை என்று கலந்து கட்டி அடிக்கும் ஒரு அசாதாரண பூதமே கிப்கிப். முதல் கதையின் நாயகனே இந்த பூதம் தான்.

முதல் கதையின் நாயகன் கிப் கிப் எனில் எதிர் நாயகன் ஆக வருவது நம்ம கருந்தேள் பிரபு. இல்லையில்லை, இவர் நமது காமிரேட் கருந்தேள் ராஜேஷ் இல்லை.இவர் ஒரு கொள்ளையர். இவரது ஃப்ளாஷ்பேக் மற்றும் இவரது முடிவு இரண்டுமே சுவாரஸ்யமானது. இவர் மாத்திரமே இந்த கதை வரிசையில் இரண்டு கதைகளில் வருகிறார்.

உலகம் சுற்றும் அலிபாபா: ஜூனியர் லயன் காமிக்ஸின் முதல் இதழாக வந்த சூப்பர் சர்க்கஸ் இதழின் பின் அட்டையில் வந்த விளம்பரம் தான் அலிபாபா முஸ்தபாவை தமிழ் காமிக்ஸ் உலகிற்கு அறிமுகம் செய்து வைத்தது. அந்த பின் அட்டை விளம்பரமும், அலிபாபா முஸ்தபாவின் முதல் சாகசமாகிய உலகம் சுற்றும் அலிபாபாவின் அட்டைப்படமும் ஸ்கான் வடிவில் உங்களின் பார்வைக்கு.

 

அப்போதெல்லாம் மினி லயன் ஒன்றாம் தேதியிலும், ஜூனியர் லயன் பதினைந்தாம் தேதியிலும் விற்பனைக்கு வந்தன.இதைப்போலவே தான் லயனும், திகில் காமிக்சும் 1 & 15ம் தேதிகளில் வந்தன. மாதத்திற்கு நான்கு சிறப்பான புத்தகங்கள் என்பது என்ன மாதிரியான சாதனை என்பதை யோசிக்கையிலேயே மலைப்பாக இருக்கிறது. மேலும் இந்த சாதனையை செய்தது ஒரு டீனேஜர் என்பது இன்னமும் வியக்க வைக்கும் ஒரு விஷயம். புத்தகம் கைவசம் இல்லாமல் இருக்கும் பல்லாயிரக்கணக்கான வாசகர்களுக்காக இந்த முதல் பக்க ஸ்கான் + மூலக்கதை புத்தகத்தின் முதல் பக்க ஸ்கான்லேஷன்.

உலகம் சுற்றும் அலிபாபா - கதை சுருக்கம்: எதேச்சையாக ஒரு விளக்கு நமது ஹீரோக்கள் கைவசம் கிடைக்க அதனை துடைக்கும் போது அதில் இருந்து அலாவுதீனின் வயதான பூதம் வெளியே வந்து, நீங்கள்தான் இனிமேல் என்னுடைய முதலாளி, நீங்கள் இடும் கட்டளையை நிறைவேற்றுவதே என்னுடைய தலையாய பணி என்று சொல்கிறது.

வியந்து போன நமது ஹீரோக்கள், வியாபாரம் செய்ய ஒரு கப்பலை கேட்கின்றனர். சாப்பாட்டு பிரியனான முஸ்தபா "நிறைய பதார்த்தங்களுடன் கூடிய" ஒரு கப்பலை கேட்க, பூதமோ ஆழ்கடலில் நிறைய செடி கொடிகளுடன் மூழ்கி இருந்த ஒரு பழைய கப்பலை தருவிக்கிறது. அந்த கப்பலை அடையாளம் கண்டு கொள்ளும் ஒரு கொள்ளைக்கும்பல் தங்களது உளவாளி ஒருவனை அந்த கப்பலில் நமது ஹீரோக்களுடன் அனுப்ப, அவனது பாடாவதி சமையலை சகித்துக்கொள்ளும் அலிபாபா, சகிக்க முடியாத அளவிற்கு இருக்கும் சில ரகசியங்களை தெரிந்து கொள்ளும்போது அறிமுகம் ஆகிறார் எதிர் நாயகன் கருந்தேள் (எ) அமீன் பிரபு..

• அந்த ஃப்ளாஷ் பேக் என்ன?
• அந்த கப்பலில் இருக்கும் ரகசியம் என்ன?
• சிறைபட்ட நமது ஹீரோக்கள் கதி என்ன?
• பூதம் இந்த நேரத்தில் என்ன செய்துக்கொண்டு இருக்கிறது?

கடைசி கேள்விக்கு மாத்திரம் நான் பதில் சொல்லி விடுகிறேன் - குடி போதையில் உளறி அட்டகாசம் செய்த பூதத்தை வெளியே வராதமாறு இறுக்கமாக விளக்கில் அடைத்து விடுகின்றனர் நமது ஹீரோக்கள்.அதற்க்கு பிறகுதான் அவர்கள் கொள்ளையர் கூட்டதால் சிறை பிடிக்கப்படுகின்றனர்.

அப்போதைய ஜூனியர் லயன் காமிக்ஸ் இதழ்களில் தொடர்ச்சியாக வாசகர் கடிதம் இடம் பெறாததால் இந்த இதழுக்கு என்ன மாதிரியான வரவேற்ப்பு கிடைத்தது என்பதை துல்லியமாக சொல்ல முடியவில்லை. ஆனால் இந்த கதையை புதிய இதழாக கடைகளில் வாங்கிய "அங்கிள்" காமிரேட்டுகள் சிலரிடம் கேட்டபோது, இந்த புத்தகமும் முதல் இதழான (லக்கி லுக் சாகசம்) சூப்பர் சர்க்கஸ் போலவே ஒரு மெகா ஹிட் இதழ் தான் என்று கற்பூரம் ஏற்றாத குறையாக சொன்னார்கள். இந்த இதழின் வெற்றி எப்படிப்பட்டது என்பதை எடிட்டர்தான் கூற வேண்டும்.

ஏற்கனவே போன பத்தியில் சொன்னது போல ஆரம்பகால ஜூனியர் லயன் இதழ்களில் இடப்பற்றாக்குறை என்பது மிகையாகவே இருந்தது. கதைகள் சற்று பெரியதாக இருந்தால் வாசகர் கடிதம் மட்டுமில்லாமல் அடுத்த இதழுக்கான விளம்பரம் கூட மட்டுப்படுத்தப்பட்ட நிலையிலேயே வெளிவந்தது. அலிபாபா முஸ்தபா தொடரில் இரண்டாவது கதைக்கான விளம்பரம் வெறும் வார்த்தைகளாலேயே அலங்கரிக்கப்பட்டு வந்தது. அதுவும் மற்றும் புத்தகத்தின் அட்டையும் உங்களின் பார்வைக்கு:

 சொர்கத்தின் சாவி: இந்த சொர்கத்தின் சாவி வெளிவந்த இதழ் தமிழ் காமிக்ஸ் வரலாற்றிலேயே ஒரு மைல் கல். ஆமாம், முதன் முறையாக இரண்டு இதழ்கள் இனைந்து ஒரே இதழாக வெளிவந்த முதல் தமிழ் காமிக்ஸ் மாத இதழ் இது தான். இதனைப்பற்றிய முழு நீள பதிவு (அற்புதமான ஸ்கான்களுடன், பல வெளிநாட்டு காமிக்ஸ் இதழ்கள் இதுபோல இணைந்த வரலாற்று செய்திகளுடன்) இங்கே க்ளிக் செய்து படிக்கவும்

சுமார் பதினைந்து வருடங்களுக்கு முன்பாக ஸ்டார் ப்ளஸ் (பின்னர் ஸ்டார் வேர்ல்ட்) சேனலில் வெளிவந்த பிரம்மாதமான சயன்ஸ் பிக்ஷன் தொடர் The X Files. அப்போது நான் இந்த தொடரை மிகவும் விரும்பி பார்ப்பேன் (இதைப்போன்று மிகவும் ரசித்த தொடர்கள் The Dark Skies (AXN), 1st Wave (Star World), இதர இதர). இந்த தொடரின் மூன்றாவது சீசனில் பதினொன்றாவது பாகத்தில் (Revelations) தொடரின் முக்கிய கதாபாத்திரமாகிய Dana Scully ஒரு வசனத்தை சொல்வார் "Iam Afraid that The God is Speaking, But No One is Listening”.

Believe it or Not, இந்த வசனத்தை ஆரம்பமாக கொண்டதே இந்த சொர்கத்தின் சாவி கதை.

சொர்கத்தின் சாவி - கதை சுருக்கம்: தாக்பாத் நகரில் சூறாவளிக்காற்று வீசிய ஒரு நாளில் ஒரு வயோதிக பிச்சைக்காரர் ஒருவர் ஒதுங்க இடம் தேடுவதில் கதை துவங்குகிறது. அவருக்கு யாருமே புகலிடம் தராத சூழ்நிலையில் நம்முடைய அலிபாபாவும் முஸ்தபாவும் அவருக்கு தங்க இடம் அளிக்கின்றனர். அப்போது அந்த முதியவர் அவர்கள் இருவருக்கும் ஒரு கதையை சொல்கிறார்.

அந்த கதை என்னவெனில், கடவுள் ஒரு நாள் பூமிக்கு வருகிறார்.  நல்ல உள்ளம் கொண்ட மனிதர்களை அடையாளம் கண்டுகொண்டு அவர்களுக்கு ஒரு சிறப்பு பரிசை அளிப்பதே அவருடைய பயணத்தின் நோக்கம். அந்த சிறப்பு பரிசு ஒரு சிறிய பெட்டியில் வைக்கப்பட்டு இருக்கிறது. அந்த பெட்டியில்தான் மகிழ்ச்சியாக வாழ்வதற்கான ரகசியம் கடவுளால் எழுதப்பட்டு இருக்கிறது. அந்த பெட்டியை பெறுபவர்கள் அந்த ரகசியத்தை படித்து தெரிந்துகொண்டு வாழ்நாள் முழுவதும் மகிழ்ச்சியாக வாழலாம்.

ஆனால் மாறுவேடத்தில் இருக்கும் கடவுளை கல்நெஞ்சு கொண்ட மனிதர்களால் அடையாளம் காணவே இயலவில்லை. பலராலும் மறுக்கப்படுகிறார் கடவுள். இப்படியாக கடவுள் கதை சொல்லிக்கொண்டு இருக்கும்போதே நம்முடைய கதாநாயகர்கள் இருவரும் கதையை கேட்டுக்கொண்டே தூங்கி விடுகின்றனர்.

மறுநாள் காலையில் சகோதரர்கள் கண்விழிக்கும்போது தேவதூதர்கள் புடைசூழ அந்த முதியவர் பறக்கும் அன்னங்கள் கொண்ட ரதத்தில் சென்றுக்கொண்டு இருக்கிறார். அப்படி அவர் செல்லும்போது கதையில் அவர் குறிப்பிட்ட அந்த பெட்டியை அவர்களுக்கு என்று விட்டு செல்கிறார்.

• அப்படி எனில் அவர்களிடம் புகலிடம் கேட்டு வந்தது கடவுள்தானா?
• அவர் சொன்ன கதை உண்மையா?
• சொர்கத்தின் சாவி என்று சொல்லப்படும் அந்த மகிழ்ச்சியின் ரகசியம் அடங்கிய பெட்டியின் சாவி எங்கே இருக்கிறது?
• அந்த சாவியை எப்படி தேடுவது?
• சாவியே இல்லாத அந்த பெட்டியை திறப்பது எப்படி?
• அந்த பெட்டியை அடைய துடிக்கும் மற்றவர்களின் முயற்சியை நம்முடைய சகோதரர்கள் எப்படி தடுக்கிறார்கள்?
• உண்மையிலேயே மகிழ்சியான வாழ்வின் ரகசியம் என்ன?

கதையின் முடிவில் உண்மையிலேயே அந்த மகிழ்ச்சியின் ரகசியத்தை நம்மாலும் அறிய முடிகிறது. கதையில் பலமே பிரம்மாதமான சித்திரங்களும், அற்புதமான வசனங்களும் தான். அதுவும் தமிழில் படிக்கையில் இன்னமும் சிறப்பாக இருக்கிறது. ஒவ்வொருவரும் படிக்க வேண்டிய சிறப்பான கதை சொர்கத்தின் சாவி.

 

இந்த கதையையுமே நான் புதியதாக கடையில் வாங்கவில்லை என்பதால் வாசகர்களின் வரவேற்ப்பு எப்படி இருந்தது என்பதை நேரிடையாக சொல்லவியலாது. அந்த கால காமிரேட்டுகள் இந்த கதையைத்தான் அலிபாபா முஸ்தபா கதைதொடரில் ஆகச்சிறந்த கதை என்று சொல்கிறார்கள். இந்த கதையை மறுபடியும் படிக்க எடிட்டரின் ரீப்ரின்ட் ரிக்வெஸ்ட் கேட்பதைதவிர வேறு வழியே இல்லை. நமக்கு மட்டுமில்லை, நம்முடைய குட்டீஸ்களுக்கும் இந்த தொடர் ஒரு மிகச்சிறந்த Bed Time Reading அனுபவமாக இருக்கும் என்பதில் இருவேறு கருத்து இருக்க இயலாது.

வெள்ளைப் பிசாசு: அடுத்து மூன்றாவதாக வெளிவந்த அலிபாபா முஸ்தபா கதை - நெடுநாட்களாக விளம்பரம் செய்யப்பட்டு இருந்த வெள்ளைப்பிசாசு கதையே. இந்த முதல் மூன்று கதைகளின் சிறப்பு என்னவெனில் ஒவ்வொன்றும் ஒவ்வொரு சைசில்,அமைப்பில் வெளிவந்தவை. ஆனால் இந்த கதையோ முழு வண்ணத்தில் இல்லாமல் அப்போதைய ட்ரென்ட் ஆகிய இருவண்ணத்தில் வெளிவந்தது. அதன் விளம்பரமும் அட்டைப்படமும்:

முதலில் விளம்பரப்படுத்தப்பட்ட படி வந்து இருந்தால் இதுதான் மினி லயன் கதைகளில் பத்தாவது புத்தகம். ஆனால் அந்த கால சாபத்தின்படி இது திட்டமிட்டபடி வெளியாகவில்லை. அதற்க்கு பதிலாக திடீரென்று "ஒரு கள்ளப் பருந்தின் கதை" பத்தாவது இதழாக வெளிவந்தது. அந்த கதையையை பற்றிய எடிட்டரின் பதிவு இங்கே . இதற்க்கு பிறகு பதிமூன்றாவது இதழாக வெளிவந்தது நம்முடைய வெள்ளைப்பிசாசு. அதன் முதல் பக்கம் வழக்கமான அலிபாபா கதைகளின் முழுவண்ணம் போலில்லாமல் இருவண்ணத்தில் வெளிவந்தது.

வெள்ளைப்பிசாசு - கதை சுருக்கம்: தாக்பாத் நகரில் தொடர்ந்து பல திருட்டு நடை பெற்றுக்கொண்டே இருக்கிறது. அந்த திருட்டுகளின் அசாதாரண பின்னணி என்னவெனில் மனிதர்கள் யாருமே நுழையமுடியாத பெட்டகத்தில் இருக்கும் பொக்கிஷங்கள் கூட கொள்ளையடிப்படுவதே.

இந்த கொள்ளைகளால் அதிகம் பாதிப்புக்கு உள்ளாவது அந்த நாட்டு தளபதி தான் (சத்தியமாக நம்ம இளைய தளபதி அணில் இல்லீங்கோவ், இவரு நிஜம்மாவே அந்த ஊரு தளபதி தான்). அந்த நாட்டு சுல்தான் ஒரு கட்டத்தில் பொறுமை இழந்து தளபதியாரை கடிந்து கொள்கிறார். மிகவும் கொடூரமான அந்த தளபதி கண்டிப்பாக இந்த திருட்டுகளின் பின்னணியில் இருக்கும் வெள்ளைப் பிசாசை விரைவில் பிடிப்பதாக சபதம் இடுகிறார்.

நடக்கும் விஷயங்களுக்கு எல்லாம் சிகரமாக வெள்ளைப் பிசாசு அந்த நாட்டு சுல்தானின் செங்கோலை திருடுவதாக சவால் விடுகிறார். வெள்ளைப்பிசாசின் சவாலை ஏற்றுக்கொள்ளும் தளபதி அதற்காக முழு முன்னேற்பாடுகளுடன் படைபலத்துடன் செங்கோலை காத்துக்கொண்டு இருக்கிறார்.

• வெள்ளைப்பிசாசு சொன்னபடி சவாலில் ஜெயிக்கிறாரா?
• தவறாக கைது செய்யப்படும் நமது ஹீரோக்களின் கதி என்ன?
• வெள்ளைப்பிசாசு என்பது யார்?
• அவர் எதற்க்காக கொள்ளையடிக்கிறார்? அவரது ஃப்ளாஷ்பேக் கதை என்ன?
• தளபதியின் கதை என்ன? தளபதிக்கும் வெள்ளைப்பிசாசுக்கும் என்ன தொடர்பு?

என்று பல கேள்விகளுக்கு விடையளிக்கும் வகையில் அற்புதமான சித்திரங்களுடன் அமைந்துள்ள இந்த கதை முடிகிறது. யூரோப்பிய கதைகளின் பாணியில் இதுவரையில் வந்த இரண்டு அலிபாபா கதைகளுமே முழுநீள கதைகளாக தனித்தனி புத்தகத்தில் 48 பக்கங்களில் வெளிவந்தது. ஆனால் இந்த கதையோ, இரண்டு சிறுகதைகளாக ஒரே புத்தகத்தில் வெளிவந்தது. அப்படி வெளிவந்த இரண்டாவது கதைதான் பின்னாளில் மினி லயன் காமிக்ஸில் வெளிவந்த மாயத்தீவில் அலிபாபா அந்த  விளம்பரமும் அட்டைப்படமும் ஸ்கான் வடிவில் உங்களின் பார்வைக்கு.

 

 

மாயதீவில் அலிபாபா: விடுமுறையை கழிக்க ஒரு டிராவல் ஏஜென்சியை நாடுகின்றனர் அலிபாபாவும் முஸ்தபாவும். மட்டாபிஷ்ச் என்னும் அந்த நபரால் நடத்தப்படும் அந்த பயண ஏற்பாடுகள் நம்பவே இயலாத அளவிற்கு மிகவும் குறைந்த விலையில் சிறப்பான ஏற்பாடுகளுடன் இருப்பதாக காட்சி அளித்ததால் நண்பர்கள் இருவருமே உடனடியாக ஒப்புக்கொண்டு கட்டணத்தை செலுத்திவிடுகின்றனர். ஆயிரம் தினார்களுக்கு 15 நாட்கள் எழில் கொஞ்சும் மெகல்ஃபட்ரா தீவில் விடுமுறையை கழிக்க கிளம்பும் நமது ஹீரோக்கள் அடுத்தடுத்து மேற்கொள்ளும் சுவையான சம்பவங்களே இந்த கதையின் ஜீவநாடி.

மாயதீவில் அலிபாபா - கதை சுருக்கம்: ஆனால் அந்த தீவில் அவர்களுக்கு காத்திருக்கும் விஷயங்கள் பற்றி தெரிந்து இருந்தால் அவர்கள் பயண குறிப்பீட்டில் (மிகவும்) சிறிய எழுத்துக்களில் எழுதப்பட்டு இருந்த அனைத்து கன்டிஷன்ஸ் அப்ளை குறிப்புகளையும் பூதக்கண்ணாடி வைத்தாவது படித்துவிட்டு வந்து இருப்பார்கள். பயண ஏற்பாட்டாளரின் இந்த நூதன மோசடியை தவிர்த்து புதியதொரு அசம்பாவிதமும் அந்த தீவில் தலைதூக்குகிறது.

மன அளவில் நொந்து போய் இருக்கும் அந்த பயணிகளுக்கு புதியதாக மற்றுமொரு பிரச்சினை - பயணிகள் ஒவ்வொருவராக காணாமல் போகின்றனர். பயணிகளின் கடத்தல் சம்பவம் அந்த சிறிய தீவில் மேலும் பீதியை கிளப்புகிறது.

• பயணிகள் மர்மமான முறையில் காணாமல் போவதின் பின்னணி என்ன?
• பயணிகளை ஏதேனும் மர்ம கும்பல் கடத்துகிறதா?
• கடத்தலின் பின்னணி என்ன?
• சகோதரர்களில் ஒருவரும் கடத்தப்பட்டபின்பு நடக்கும் சங்கதிகள் யாவை?
• மர்ம கும்பலின் தலைவன் யார்?
• இந்த பிரச்சினையில் இருந்து விடுபட்டதர்க்கும் ஞாயிற்று கிழமை ஸ்கூல் லீவு விடுவதற்கும் இருக்கும் பிணைப்பு என்ன?

என்று ஒரு நேர்க்கோட்டில் பயணம் செய்யும் அம்புபோல கதை விறுவிறுப்புடனும், நகைச்சுவையுடனும் நகர்கின்றது. இந்த கதைதான் அலிபாபா முஸ்தபா கதை வரிசையில் கடைசி கதை என்பது குறிப்பிடத்தக்கது.

இப்போதைய லயன் / முத்து காமிக்ஸ் சைசில் வெளியிட்டு நம்மைப் போன்றவர்களையும், வயதில் சிறியவர்களையும் ஒருங்கே ஈர்க்கும் ஒரு சில கதை வரிசைகளில் இதுவும் ஒன்று என்பதால் இதனை இப்போது ரீப்ரின்ட் செய்தால் அட்டகாசமாக இருக்கும்.

• 100+ பக்கங்கள்.
• (32 பக்கம் X 2 கதைகள்) + (16 பக்கம் X 2 கதைகள்) = 96 பக்கங்கள்.
• நூறு ருபாய் ஸ்பெஷல் வெளியீடு.
• எடிட்டரின் பழைய நினைவுகள் (இந்த கதைகளை எப்படி தேர்வு செய்தார்? Etc)
• இந்த இதழ்களின் பழைய விளம்பரங்கள், அட்டைப்படங்கள், வாசகர் கடிதங்கள்
• கதாசிரியர், ஓவியர் குறித்த சிறுகுறிப்புகள்

என்று ஒரு அட்டகாசமான பேக்கேஜ் கண்முன்னே தெரிகின்றது.இந்த கதையை ஏற்கனவே படித்த புண்ணியாத்மாக்கள் கண்டிப்பாக ரீப்ரின்ட் ரெக்வெஸ்ட் ஒன்றினை இப்போதே எடிட்டரிடம் ஆரம்பிக்கலாமே?

P.S.: காமிரேட்டுகள் ஹாஜா இஸ்மாயில் மற்றும் முத்து விசிறி அவர்களின் நல்லாசியுடன் இதோ அந்த காலத்தில் நமது இதழ்கள் விற்பனை ஆகிக்கொண்டு இருந்த சமயத்து கடைகளின் விளம்பர போஸ்டர்கள்.

   இந்த "விற்பனையாகிறது" போஸ்டர்கள் அந்த காலத்தில் மிகவும் ரெகுலர் ஆக அனைத்து கடைகளுக்கும் அனுப்பப்பட்டு வந்தன. அப்படி அனுப்பப்பட்ட போஸ்டர்கள் அனைத்தையும் மிகவும் கஷ்டப்பட்டு சேகரித்து வைத்துள்ள காமிரேட் எனது நண்பர் என்று சொல்லிக்கொள்வதில் எனக்கு பெருமையே.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

பின்குறிப்பு: இந்த பதிவின் முதல் படத்தில் Yeah, That's We என்று ஆங்கிலத்தில் குறிப்பிட்டுள்ளது நெருங்கிய நண்பர் ஒருவருக்காக. ஆகையால் அதனை சுட்டிக்காட்ட வேண்டாமே?

51 பேய் வீரர் செக்ஸ்டன் ப்ளேக் - ஒரு (மறு) அறிமுகம்

டியர் காமிரேட்ஸ்,

சமீபத்தில் ஒரு பதிவில் (கோடையின் கொடை - மார்ச் 31ம் தேதியிட்ட பதிவு ) லயன் & முத்து காமிக்ஸ் எடிட்டர் விஜயன் அவர்கள் "செக்ஸ்டன் பிளேக்" பற்றி எழுதும்போது இப்படி ஒரு அறிமுகம் கொடுத்து இருந்தார்:

"அவர்களோடு கூட்டணி சேர அடுத்து என் வசமிருந்தவர் இன்னொரு பிரிட்டிஷ் ஹீரோவே  ! கொஞ்சம் புராதன நெடியடித்தாலும், 1960s களில் வெளியான VALIANT வார இதழில் சுவாரஸ்யமான துப்பறியும் கதைகள் பலவற்றில் சாகசம் செய்த செக்ஸ்டன் ப்ளேக் தான் அந்த ஆசாமி.  (இன்றைய ஜெரோம் ; ரிப் கிர்பி போல் சற்றே பரபரப்புக் குறைச்சலான டிடெக்டிவ் இவர்!!). பிசாசு வனம்' என்ற ஒரு மிதமான மர்மக் கதையில் அவருக்கு வாய்ப்புக் கிட்டியது”.

இதனை படிக்கும்போது பழைய நினைவுகள் பலவும் மனதில் ஓடியது (போச்சுடா, இன்னுமொரு ஃப்ளாஷ்பேக் பதிவா? என்று நீங்கள் முணு முணுப்பது எனக்கு கேட்கிறது). உங்களில் பலரைப் போல நானும் இந்த புத்தகம் கடைகளில் வந்தபோது வாங்கியவன் அல்ல . பழைய புத்தக கடைகளில் எதேச்சையாக இந்த புத்தகம் கிடைக்கப்பெற்றவன் நான்.  தேவையெனில் சொல்லுங்கள், அட்டகாசமான இந்த புத்தகத்தை பற்றி ஒரு முழு நீள விமர்சன பதிவொன்றை இட்டுவிடுவோம்.

பேய் வீரர் செக்ஸ்டன் பிளேக்: இந்த ஹீரோ யார், என்ன மாதிரி கதைகளில் இவர் சாகசம் புரிந்தார்? என்று யோசிக்கும் புதிய ஜெனரேஷன் வாசகர்களுக்கு அடுத்து வரும் ஒரு சிறிய அறிமுகம்: ஷெர்லக் ஹோல்ம்ஸ் கதைகள் உலக அளவில் பிரசித்தம் அடைந்துகொண்டு இருந்த பத்தொன்பதாம் நூற்றாண்டின் இறுதிகளில் ஹாரி பிளித் என்பவரால் உருவாக்கப்பட்ட (இன்னுமொரு) துப்பறியும் நிபுணரே நமது ஹீரோ செக்ஸ்டன் பிளேக்.

மருத்துவ துறையில் பட்டப்படிப்பு முடித்துவிட்டு மருத்துவராக இல்லாமல் துப்பறியும் நிபுணராக மாறியவர் செக்ஸ்டன் பிளேக். கதையுலகில் இவரது வயது தெளிவாக குறிப்பிடப்படாவிடிலும் அநேகமாக 37 - 44 வயதுக்குள் இருப்பது போன்ற தோற்றம், Dark Brown வண்ணத்தில் நெற்றியில் V வடிவத்தில் எப்பொழுதும் சுருண்டு இருக்கும் Hair Style, தெளிவான சிந்தனையை வெளிப்படுத்தும் Blue-Grey நிறக் கண்கள் என்று இவரை வர்ணிக்கலாம்.

ஷெர்லக் ஹோல்ம்சை போலவே இவரும்  பேக்கர் தெருவில்தான் குடி இருப்பவர். இவருடைய ரோல்ஸ் ராய்ஸ் காருக்கு "கருந்சிறுத்தை" என்று பெயர். இவருடைய உதவியாளர் பெயர் டிங்கர். டிங்கர் இவருடைய அணைத்து கேஸ்களையும் பதிவிடுவதோடில்லாமல் இவருக்கு உதவியாகவும் வருவதுண்டு (ஆனால் அது பல வேளைகளில் உபத்திரமாகவும் முடியும்). டிங்கர் பிளேக்கை எப்போதும் "கவ்னர்" என்றே அழைப்பார்  இதைதவிர ஒரு முன்னாள் அமெரிக்க மாகாண ப்ரெசிடெண்ட்டால் பரிசாக அளிக்கப்பட்ட "பெட்ரோ" என்ற ஒரு ஆக்ரோஷமான நாலுகால் தோழனும் இவரது கதைகளில் உண்டு.  இவர்களைத்தவிர பல உதவிபுரியும் கதாபாத்திரங்கள் ரெகுலர் ஆக இவரது கதைகளில் இருந்தாலும், நமது காமிக்ஸ் கதைகளில் அவர்கள்வருவதில்லை வந்ததில்லை என்பதால் இந்த அறிமுகம் போதும்.

செக்ஸ்டன் பிளேக் கதைகள்: 1893இல் முதன் முதலாக "தி மிஸ்ஸிங் மில்லியனர்" என்ற கதையில் உருவாக்கப்பட்ட செக்ஸ்டன் பிளேக், அதன் பிறகு சுமார் 200 கதாசிரியர்களால் 3000திற்கும் மேற்ப்பட்ட நாவல்களில் எண்ணிலடங்கா சாகசங்களை புரிந்துள்ளார்.

எழுத்துக்கதையில் (நாவல் வடிவில்) வந்துக்கொண்டிருந்த செக்ஸ்டன் பிளேக், முதன் முதலில் காமிக்ஸ் வடிவில் தோன்றியது 1939 ஆம் ஆண்டு தான். இங்கிலாந்தில் அச்சிடப்பட்ட நாக் அவுட் என்கிற வாரந்திர பத்திரிகையில் தான் செக்ஸ்டன் பிளேக்கின் முதல் சாகசம் வெளிவந்தது. மேலும் பல கதைகளின் ஸ்கான்'களை இங்கே சென்று பாருங்கள்.

நாக் அவுட் இதழில் தொடர்ந்து 21 ஆண்டுகள் வெளிவந்த செக்ஸ்டன் பிளேக் கதைகள் 1960 ஆண்டுடன் "கதம் கதம்" ஆகிவிட்டது. பின்னர் ஏழு ஆண்டுகள் கழித்து ஒரு புண்ணியவானின் முயற்சியால் டெலிவிஷன் தொடராக வந்து பெருத்த வரவேற்ப்பை பெற்றது.

TV தொடர் பெற்ற வரவேற்ப்பை பார்த்த பதிப்பாளர்களும் சும்மா இராமல் மறுபடியும் சித்திரக்கதை தொடருக்கு உயிர் கொடுத்தனர். இப்படியாக ஒரு சுபயோக சுபதினத்தில் (1968) வாலியண்ட் வார இதழில் மறுபடியும் காமிக்ஸ் கதாபாத்திரமாக மாறினார் நமது ஹீரோ செக்ஸ்டன் பிளேக். அப்படி வந்த தொடர்களில் இருந்து மூன்று கதைகளை தமிழில் பிரசுரித்தார்  நமது அன்பிற்குரிய எடிட்டர் விஜயன் அவர்கள். இங்கிலாந்தில் காப்பிரைட் பிரச்சினையில்  இதே ஹீரோவின் கதைகள் விக்டர் டிரேகோ  பெயரில் மறுபடியும் (எழுபதுகளின் இறுதியில்) வெளிவந்தது தனி கதை.தமிழில் வெளிவந்த செக்ஸ்டன் பிளேக் கதைகளின் வரிசைப்பட்டியல் உங்களின் பார்வைக்கு.

No	Imprint	Issue	Date	Title	Story Name	English Title	Date	Author	Artist
1	திகில்	17	May 1987	திகில் கோடை மலர்	பிசாசு வனம்	The Haunted Moor	1969 Valiant Annual	Angus Allan	Eric Dadswell
2	முத்து	170	Sept 1988	மாயாவிக்கொரு சவால்	மர்மக் கோட்டை	Phantom Of The Peril Rock	Valiant 25-05-68	Angus Allan	Eric Dadswell
3	முத்து	175	Apr 1989	வழிப்பறிப் பிசாசு	வழிப்பறிப் பிசாசு	Ghost of thr Highway Man	Valiant 03-03-68	Angus Allan	Eric Dadswell

1985 இல் லயன் காமிக்ஸ் வெளியீடு எண் 20ல் "விரைவில் வருகிறார்" என்று விளம்பரப்படுத்தப்பட்ட செக்ஸ்டன் பிளேக்கை தமிழில் அச்சில் பார்ப்பதற்கு ஒன்றரை வருடங்கள் ஆயிற்று. ஆமாம், 1987 திகில் காமிக்ஸ் கோடை மலரில் தான் செக்ஸ்டன் பிளேக் முதன் முதலில் தமிழில் பேசினார். அதற்க்கு பிறகு ரெகுலர் ஆக வந்தார் என்றால் அதுவுமில்லை. வருடத்திற்கு  ஒன்று என்று மொத்தம் மூன்றே மூன்று கதைகளோடு பேக் அப் ஆகிவிட்டார் பிளேக். இந்த கதைகளுக்கு கிடைத்த வரவேற்ப்பு சரியில்லையா? அல்லது கதைகளே சுமார் ரகம்தான? அல்லது எடிட்டருக்கு இந்த கதைகளை பிடிக்கவில்லையா? என்று பல கேள்விகள் எழுந்தாலும் இவற்றிற்கு விடையளிக்கும் வல்லமை விஜயன் அவர்களைத்தவிர வேறு  இல்லை.

இந்த பதிவுகளை படித்தால் நாமே ஒருவகையில் இந்த கேள்விகளுக்கான பதில்களை ஊகித்து விடலாம். ஆனாலும் அவை சரியா என்பதை எடிட்டரே ஊர்ஜிதம் செய்ய முடியும்.

Lion Comics Issue No 20 Africa Sathi Sexton Blake Intro Ad	Thigil Comics Issue No 17 Dated May 1987 Kodai Malar Summer Special	Thigil Comics Issue No 17 Dated May 1987 Kodai Malar Summer Special Back Wrapper

லயன் காமிக்ஸ் இதழ் ஆப்ரிக்க சதியில் நிறைய அறிமுக நாயகர்களை பற்றிய குறிப்பு இருந்தது. அவர்கள் யார், என்ன மாதிரியான சாகசங்களை எதிர்ப்பார்க்கலாம் என்று ஒரு அருமையான ட்ரைலர் பார்ப்பது போன்ற அனுபவத்தை தந்தது. இந்த விளம்பரங்களை இந்த பதிவில் பார்க்கலாம். இப்படி வந்த விளம்பரங்களில் ஒருவரே செக்ஸ்டன் ப்ளேக். இவருடைய அறிமுகமே மிகவும் வித்தியாசமாக இருந்தது. துப்பறியும் நிபுணர்கள், உளவாளிகள் மத்தியில் ஒரு பேயோட்டும் வீரராக இருப்பது வித்தியாசம் தானே? ஆமாம், பேய் வீரர் செக்ஸ்டன் ப்ளேக் என்பதைத்தவிர வேறெந்த அறிமுகங்களும் இல்லாமல் ஒரு ஆக்க்ஷன் படத்துடன் இவரது அறிமுகம் சிறப்பாக முடிந்தது.

ஒரு தேவை இல்லாத பின் குறிப்பு: இந்த பதிவின் பின்னூட்டங்களை படிக்கையில் காமிரேட்  கனவுகளின் காதலன் அவர்கள் "சும்மா சொல்லக் கூடாது அசப்பில் கமல் மாதிரியே இருக்கிறார்"  என்று சொல்லி இருக்கிறார். கமல் மாதிரி இருப்பது யார்? அவருக்கும் நமது காமிக்ஸ் கதைகளுக்கும் என்ன தொடர்பு? விவரங்கள் அறிய படியுங்கள் - இந்த பதிவு

Thigil Kodai Malar 1986 Page No 92 Sexton Blake Story 1st Page Pisasu Vanam

இதுதான் எடிட்டர் அவருடைய பதிவில் குறிப்பிட்ட பிசாசு வனம் கதை. முதன் முதலாக படிக்கும்போது ஒரு வித்தியாசமான அனுபவத்தை இந்த கதை தந்தது உண்மையே. ஆனால் மூன்று கதைகளையும் ஒருங்கே இந்த பதிவுக்காக படித்தபோது (சுமார் மூன்று ஆண்டுகளுக்கு முன்பு) ஒருவிதமான டெம்பிளேட் இவரது கதைகளில் இருப்பதை உணர முடிந்தது. அதனைப்பற்றி விரிவாக பதிவின் முடிவில் காண்போம்.

இந்த கதையின் மூலக்கதை வாலியண்ட் ஆண்டுமலரில் வந்தது. இந்த ஆண்டு மலர் இது வரையில் எங்கேயும் ஆன்லைனில் வலையேற்றப்படவில்லை. நமக்காக இதனை ஸ்கான் செய்து அளித்த நண்பர் முத்து விசிறி அவர்களுக்கு ஸ்பெஷல் நன்றி. ஒரு A4 பக்கத்தில் வரும் காட்சிகளை பல பாக்கெட் சைஸ் பக்கங்களில் பிரசுரித்துள்ளார்.

1969 Valiant Annual Page No 96 Sexton Blake Story Haunted Moore  Story By Angus Allan Art By Eric Dadswell

இரண்டாவது கதை - மர்மக் கோட்டை (அ) தங்க வில்லாளி: இந்த கதையை ஒரு பழைய புத்தக கடையில் முதல் 40 பக்கங்கள் கிழிந்து 41வது பக்கத்தில் இருந்து இருப்பது போன்ற நிலையில் வாங்கினேன் (யாரோ ஒரு இரும்புக் கை மாயாவி ரசிகர் வெறியர் பைண்டிங் செய்வதற்காக முதல் நாற்பது பக்கங்களை கிழித்திருக்கலாம்). ஆகையால் பெயர் தெரியாத இந்த கதையை சில பல ஆண்டுகள் நானும் என் அண்ணனும் தங்க வில்லாளி கதை என்றே குறிப்பிடுவோம். அதனாலே தான் இந்த பெயர்.

லேட்டஸ்ட் வெளியீடான லயன் காமிக்ஸ் ஹாட் & கூல் ஸ்பெஷல் அட்டையில் ஹீரோ வேய்ன் ஷெல்டன் பச்சை கலரில் கோட்-சூட் அணிந்து இருந்ததை பல வாசகர்கள் சுட்டிக்காட்டி இருந்தனர். அவர்களுக்கு எல்லாம் நான் சொல்லிக்கொள்வது ஒன்றே ஒன்றுதான் - இந்த பச்சை பேன்ட் விவகாரம் ஆரம்பித்தது இப்பொத அல்ல. இந்த படலத்தை ஆரம்பித்து வைத்ததே நம்ம மாயாவி தான். சந்தேகம் இருந்தால் இந்த அட்டையில் மாயாவி அணிந்து இருக்கும் பேன்ட்டை ஒரு முறை பாருங்கள்.

Muthu Comics No 170 Maayavikkoru Savaal 2nd Story Sexton Blake Marma Kottai Phantom of the Peril Rock Cover1

முதலில் திகில் காமிக்ஸில் அறிமுகம் ஆன செக்ஸ்டன் ப்ளேக், ஒரு வருடம் கழித்து இரண்டாவதாக தோன்றியது முத்து காமிக்ஸில் தான். குறிப்பாக இந்த கதை வந்த சீசனில் தான் எடிட்டர் எஸ் விஜயன் அவர்கள் முத்து காமிக்ஸ் இதழிற்கும் முழுமையான பொறுப்பேற்ற நல்ல காரியம் நடந்தது. இந்த சீசனில் தான் பல அற்புதமான கதைகளை (பயங்கரப் பன்னிரண்டு, பச்சை வான மர்மம்,சிங்கத்தின் குகையில், ஜெஸ் லாங்கின் பல கதைகள்) முத்து காமிக்ஸில் வெளியிட்டு மறு பதிப்புகள் இல்லாத புதிய கதைகளை கொண்ட முத்து காமிக்ஸ் வரிசையினை கொணர்ந்தார். இந்த விவரங்களை தனியாக வேறொரு பதிவில் காண்போம்.

இந்த கதையின் முதல் சில பக்கங்களையும் அவற்றின் மூலக்கதையின் முதல் பக்கங்களையும் உங்களின் பார்வைக்கு அளிக்கிறேன். சென்ற கதையை போல முதல் மூன்று பக்கங்களை படிக்கும்போதே கதையின் போக்கு சுலபமாக புரிந்துவிடும் என்பதால் கதையை இங்கே சொல்லப்போவதில்லை.

வழமை போல இந்த செக்ஸ்டன் ப்ளேக் கதையிலும் எதிர்பாராத திருப்பங்களும் திடுக்கிடும் பொறிகளும், அற்புதமான செட்-பீஸ் ஆகஷன் காட்சிகளும் உண்டு. ஒரே ஒரு சிறிய மாற்றம் என்னவெனில் இதில் பெட்ரோவுக்கு பெரிய பங்களிப்பு இல்லை என்பதே

Muthu Comics No 170 Maayavikkoru Savaal 2nd Story Sexton Blake Marma Kottai Story 1st Page Page No 38 39

Valiant Dated 25051968 Episode 1 Phantom of the Peril Rock Thanga Villali  Page 01

மூன்றாவது கதை - வழிப்பறி பிசாசு: செக்ஸ்டன் ப்ளேக்கின் மூன்றாவது (மற்றும் கடைசி) கதை வழிப்பறி பிசாசு ஆகும். இந்த இதழில் தான் முதன் முறையாக (அதே சமயம் கடைசி முறையாகவும்) அட்டையில் நமது ஹீரோ தோன்றுகிறார். இந்த இதழின் அட்டைப்படத்தில் "புத்தம் புதிய படக்கதை" என்று ஒரு வாசகம் இருப்பதை கவனியுங்கள்.

சமீபத்தில் சூப்பர் ஹீரோ சூப்பர் ஸ்பெஷல் இதழிளும்கூட இதைப்போலவே "புத்தம் புதிய படக்கதை" என்று வந்து இருந்ததை பல வாசகர்கள் சரியாக புரிந்துகொள்ளாமல் அறுபதுகளில் வந்த இந்த கதைகள் புத்தம் புதிய கதைகளா? என்று கிண்டலும் அடித்து இருப்பார்கள்.

முத்து காமிக்சின் வரலாற்றினை அறிந்தவர்கள் (மிகவும் குறைவு) ஒரு குறிப்பிட்ட சீசனில் முத்து காமிக்ஸ் இதழ்கள் நிறுத்தப்பட்டதையும், பின்பு வெறும் மறு பதிப்புகளை மட்டுமே வெளியிட்டு வந்ததையும் அறிவார்கள். இப்படி மறு பதிப்புகள் வந்துக்கொண்டு இருந்தபோது எடிட்டர் விஜயன் அவர்களின் முயற்சியால் அதுவரை பதிப்பிக்கப்படாத கதைகளையும் வெளியிட ஆரம்பித்தனர் (கடல் பிசாசு, இரத்த இரவுகள், இதர, இதர). அப்போது இந்த கதைகள் மறுபதிப்பு அல்ல என்பதை வாசகர்களுக்கு தெரிவிக்கவே அட்டையில் இப்படி "புத்தம் புதிய படக்கதை" என்று வெளியிட்டனர்.

அந்த பச்சை பேன்ட் படலம் இங்கேயும் தொடருவதை கவனியுங்கள்.

Muthu Comics Issue No 175 Vazhippari Pisasu Sexton Blake Cover

செக்ஸ்டன் ப்ளேக்கின் கதைகள் பெரும்பாலும் ஒரே டெம்பிளேட்டில் இருப்பதாக பதிவின் ஆரம்பத்தில் கூறி இருந்தேன் அல்லவா? இப்போது அந்த விஷயத்திற்கு வருவோம். ஒரு பாழடைந்த மாளிகை, அதனை சார்ந்த ஒரு கிளைக்கதை, அதனால் ஆள் நடமாட்டம் குறைந்து விடுவது, அந்த மாளிகையில் பொக்கிஷங்கள் பதுக்கப்பட்டு இருப்பது, அதனை அறிந்த ஒருவர் அதற்காக வித்தியாசமான திட்டம் இடுவது, அதனை தடுக்க செக்ஸ்டன் ப்ளேக் முயல்வது, நடுவில் பல பொறிகளில் சிக்கிக் கொள்வது, முடிவில் தன்னுடைய மதி நுட்பத்தால் வெற்றி கொள்வது என்று அனைத்து இந்த மூன்று கதைகளுமே அமைந்து இருக்கின்றன. இதனாலேயே கூட எடிட்டர் இந்த கதை வரிசையினை மூன்று கதைகளுக்கு பிறகு தவிர்த்து இருக்கலாம். இதனை அவரைத்தவிர வேறு யாரும் ஊர்ஜிதப்படுத்த முடியாது.

Muthu Comics Issue No 175 Vazhippari Pisasu Sexton Blake Page  No 04 05

Valiant Dated 09031968 Episode 2 Ghost of the Highwayman

சரி இப்போது மெயின் மேட்டருக்கு வருவோம். உங்கள் அனைவருக்கும் ஒரு சிறிய போட்டி: செக்ஸ்டன் ப்ளேக் கதைகள் (அதாவது வாலியண்ட் இதழில் வந்த கதைகள்) ஒரு குறிப்பிட்ட காமிக்ஸ் ஹீரோவின் கதைகளுடன் "எதேச்சையாக" பொருந்தி இருக்கும். அந்த மற்ற ஹீரோவின் கதையும் தமிழில் வந்துள்ளது. அதனைப்பற்றி நமது முத்து விசிறி அவர்களும் பதிவிட்டுள்ளார்.

• அந்த மற்றொரு ஹீரோ யார்?

• அவரது கதைகளுக்கும் செக்ஸ்டன் ப்ளேக் கதைகளுக்கும் என்ன ஒற்றுமை?

• அந்த மற்றொரு ஹீரோவின் கதை எந்த காமிக்ஸில் வந்தது?

இந்த கேள்விகளுக்கு விடையளிக்கும் நபர்களுக்கு நமது பிரகாஷ் பப்ளிஷர்ஸ் நிறுவனத்தில் இருந்து A4 சைசில் வெளிவந்த ஆங்கில காமிக்ஸ் இதழ் ஒன்று இலவசமாக அளிக்கப்படும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

12 காமிக்ஸ் கிளாசிக்ஸ் #26: கொலைகாரக் கலைஞன் Comics Classics No 26: Kolaikarak Kalaignan

Dear ComiRades,

இந்த வருடம் தமிழ் காமிக்ஸ் உலகின் வரலாற்றில் மறக்க முடியாததொரு வருடமாக இருக்கப்போவதாக எடிட்டர் எஸ்.விஜயன் அவர்கள் அளித்த நம்பிக்கையோடு ஆரம்பித்து இருக்கிறது. பல அவநம்பிக்கைவாதிகளின் நம்பிக்கையை பொய்ப்பிக்கும் வகையில் சொன்னது மாதிரியே ஜனவரியில் புத்தக கண்காட்சியில் லயன் கம்பேக் ஸ்பெஷல் இதழை விற்பனைக்கு கொண்டு வந்து சாதித்துக் காட்டியும் விட்டார். இதில் சில விஷயங்களை நாம் கவனிக்க வேண்டும். ஜனவரி பத்தாம் தேதி முதல்தான் விற்பனைக்கு கிடைக்கும் என்று சொல்லப்பட்ட கம்பேக் ஸ்பெஷல் புத்தகத்தை நான்கு நாட்கள் முன்னரே கொண்டுவந்ததோடில்லாமல், பல பிரச்சினைகளை தாண்டி, தொடர்ந்து ஒவ்வொரு நாளும் புத்தகங்களை விற்பனைக்கு கொண்டு வந்து இந்த பொங்கலை காமிக்ஸ் ரசிகர்களுக்கு ஒரு சுவையான பொங்கல் திருவிழாவாக மாற்றி உள்ளார்.

“கொடுக்கிற தெய்வம் கூரையை பிச்சிகிட்டு கொடுக்கும்” என்கிற பழமொழிக்கேற்ப, மார்ச் மாதம் வெளியிடப்படுவதாக இருந்த காமிக்ஸ் கிளாசிக்ஸ் இதழையையும் இந்த புத்தக கண்காட்சியிலேயே குறுகிய கால அவகாசத்தில் வெளியிட்டு (ஜனவரி பதிமூன்றாம் தேதி) அசத்தியும்  விட்டார். சற்றும் எதிர்பாராத விதத்தில் வந்துள்ள இந்த கொலைகார கலைஞனை பற்றிய ஒரு பார்வையே இந்த பதிவு.

எந்த ஒரு பணிக்குமே ஆரம்பம் மிகவும் முக்கியமானது. இப்போது ஆஸ்திரேலியாவில் இந்திய கிரிக்கெட் அணி தடுமாறிக்கொண்டு இருப்பதற்குமே ஆரம்பம் சரியாக அமையாததே காரணம். ஆனால் முதல் முதலாக தமிழில் ஆரம்பிக்கப்பட்ட ஒரு தமிழ் காமிக்ஸ் இதழ் நாற்பது வருடங்களை கடந்து இன்றும் வெற்றி நடை போடுவதற்கு மூன்று ஈடிணையற்ற சாகச வீரர்களே காரணம் என்று சொன்னால் அது மிகையன்று. முத்து காமிக்ஸ் நாற்பது வருடங்களுக்கு முன்பு ஆரம்பிக்கப்பட்ட போது அதன் தூண்களாக இருந்து ஆரம்பகால வெற்றிக்கு வழி வகுத்தவர்கள் மூன்று காமிக்ஸ் ஹீரோக்கள் (இரும்புக்கை மாயாவி, துப்பறியும் ஜானி நீரோ மற்றும் C.I.D. லாரன்ஸ் + ஜூடோ டேவிட்). இவர்களை முத்து காமிக்ஸின் த்ரி மஸ்கட்டியர்ஸ் என்று கூறினாலும் அது பொருத்தமான ஒன்றே

.

இங்கிலாந்தில் ஃப்ளீட்வே என்கிற நிறுவனம் 1967 ஆம் ஆண்டு இரண்டு தனிப்பட்ட காமிக்ஸ் புத்தகங்களை ஆரம்பித்தது. ஒன்று சீக்ரெட் ஏஜென்ட் சீரிஸ் எனவும் (C.I.D. லாரன்ஸ் & ஜூடோ டேவிட் + ஜானி நீரோ)  மற்றது சூப்பர் ஹீரோ சீரீஸ் (இரும்புக்கை மாயாவி + ஸ்பைடர்) எனவும் பெயரிடப்பட்டு வெளிவந்தது. ஒவ்வொரு ஹீரோக்கள் கதை வரிசையிலும் பதிமூன்றே பதிமூன்று கதைகள் வந்தாலும் (மொத்தம் 52 கதைகள்) அவை இன்றளவும் மிகவும் சிலாகிக்கப்பட்டு ரசிக்கப்படுகின்றன. இதில் ஸ்பைடர் கதைகளைத்தவிர பாக்கி மூன்று ஹீரோக்களின் கதைகளை (39) பிரதானமாக கொண்டு முத்து காமிக்ஸ் ஆரம்பிக்கப்பட்டது.

இவ்வாறாக ஆரம்பிக்கப்பட்ட முத்து காமிக்ஸின் ஆரம்ப கால ஹீரோக்களின் சாகசங்கள் பிற்காலத்தில் ஒரு கல்ட் கிளாசிக் அளவிற்கு புகழ் பெற்று விளங்கிவிட்டது. இன்னமும் ஆரம்ப கால முத்து காமிக்ஸ் வாசகர்கள் (முத்து விசிறி, BN_USA, ஹாஜா இஸ்மாயில் போன்றோர்) இந்த மூன்று ஹீரோக்களின் ஆரம்ப கால புத்தகங்களைப்பற்றியே சிலாகித்து பேசிக்கொண்டு இருப்பது இன்றைய வாசகர்களுக்கு வேண்டுமென்றால் ஆச்சர்யமூட்டுவதாக இருக்கலாம். ஆனால் அமிர்த்தத்தின் ருசி கண்டவர்களே அதனைப்பற்றி கூற இயலும். மற்றவர்களுக்கு அமிர்தம் என்னவென்பது மற்றவர் சொல்லக் கேள்வியே அன்றி நேரிடை அனுபவம் கிடையாதல்லவா?

இவ்வாறாக முத்து காமிக்ஸின் ஆரம்ப கால இதழ்கள் புகழ் பெற்று, தேடப்படுகின்ற பொருளாக இருப்பதைக்கண்ட சில பல "களத்தில் இறங்கி வேலை செய்கின்ற" போலி காமிக்ஸ் ரசிகர்கள், இந்த ஆரம்ப கால இதழ்களை பழைய புத்தக கடைகளிலோ அல்லது மற்ற விவரமறியாத காமிக்ஸ் ரசிகர்களிடமிருந்தோ பெற்று, அவற்றை கொள்ளை விலைக்கு விற்கவும் ஆரம்பித்தனர். இவற்றை தடுக்கவும், மறுபடியும் இந்த இளைய தலைமுறைக்கு விண்டேஜ் காமிக்ஸ் ஹீரோக்களை மறு அறிமுகம் செய்யவும் ஆரம்பிக்கப்பட்டதே காமிக்ஸ் கிளாசிக்ஸ் வரிசை. வருடத்திற்கு நான்கு புத்தகங்கள் என்று ஆரம்பிக்கப்பட்ட இந்த வரிசையில் இப்போது இந்த கொலைகாரக் கலைஞன் இதழுடன் மொத்தம் 26 புத்தகங்களே வந்துள்ளது.

இதுவரையில் வெளிவந்துள்ள இந்த காமிக்ஸ் கிளாசிக்ஸ் இதழ்களின் விவரப்பட்டியல் இங்கே தொகுப்பட்டுள்ளது. இந்த புத்தக வரிசையில் கடைசியாக வந்த மூன்று புத்தகங்களே இப்போது கைவசம் விற்பனைக்கு உள்ளதென்பது குறிப்பிடத் தக்கது. ஆகையால் அவற்றையும் விரைவாக செயல்பட்டு கைவசப்படுத்துங்கள்.

No	முதல் கதை	நாயகன்	இரண்டாவது கதை	நாயகன்
1	பாதாள நகரம்	இரும்புக்கை மாயாவி	டாக்டர் டக்கர்	ஸ்பைடர்
2	சதிகாரர் சங்கம்	ஜானி நீரோ	சிறைப் பறவைகள்	CID லாரன்ஸ் + ஜூடோ டேவிட்
3	பாம்புத் தீவு	இரும்புக்கை மாயாவி	கடத்தல் குமிழிகள்	ஸ்பைடர்
4	பழி வாங்கும் பாவை	டெக்ஸ் வில்லர்	கொலைக் கரம்	ஜானி நீரோ
5	கல் நெஞ்சன்	ஸ்பைடர்	இரும்புக் கை மாயாவி	இரும்புக்கை மாயாவி
6	ஃபிளைட் 731	CID லாரன்ஸ் + ஜூடோ டேவிட்	ஜானி In லண்டன்	ஜானி நீரோ
7	இமயத்தில் மாயாவி	இரும்புக்கை மாயாவி	சிறுபிள்ளை விளையாட்டு	ஸ்பைடர்
8	மஞ்சள் பூ மர்மம்	CID லாரன்ஸ் + ஜூடோ டேவிட்	துருக்கியில் ஜானி நீரோ	ஜானி நீரோ
9	கொள்ளைகார பிசாசு			இரும்புக்கை மாயாவி
10	கடத்தல் முதலைகள்	ஜானி நீரோ	தவளை எதிரி	ஸ்பைடர்
11	ஃபார்முலா X-13	CID லாரன்ஸ் + ஜூடோ டேவிட்	திசை மாறிய கப்பல்கள்	CID லாரன்ஸ் + ஜூடோ டேவிட்
12	நியூயார்க்கில் மாயாவி	இரும்புக்கை மாயாவி	மர்மத் தீவு	ரோபோ ஆர்ச்சி
13	கொலைப்படை	ஸ்பைடர்	நடுநிசி கள்வன்	இரும்புக்கை மாயாவி
14	ஜானி In ஜப்பான்	ஜானி நீரோ	தலை கேட்ட தங்கப்புதையல்	CID லாரன்ஸ் + ஜூடோ டேவிட்
15	கொலைகாரக் கலைஞன்	ஜானி நீரோ	விண்ணில் மறைந்த விமானங்கள்	CID லாரன்ஸ் + ஜூடோ டேவிட்
16	பழி வாங்கும் பொம்மை	ஸ்பைடர்	கொள்ளைக்கார மாயாவி	இரும்புக்கை மாயாவி
17	மைக்ரோ அலைவரிசை 848	ஜானி நீரோ	தங்க வேட்டை	ரோபோ ஆர்ச்சி
18	பாதாளப் போராட்டம்	ஸ்பைடர்	பறக்கும் பிசாசு	இரும்புக்கை மாயாவி
19	மர்மத் தீவில் மாயாவி	இரும்புக்கை மாயாவி	திகிலூட்டும் நிமிடங்கள்	CID லாரன்ஸ் + ஜூடோ டேவிட்
20	ஃபார்முலா திருடர்கள்	CID லாரன்ஸ் + ஜூடோ டேவிட்	தங்க விரல் மர்மம்	ஜானி நீரோ
21	யார் அந்த மினி ஸ்பைடர்?	ஸ்பைடர்	இயந்திர தலை மனிதர்கள்	இரும்புக்கை மாயாவி
22	நாச அலைகள்	இரும்புக்கை மாயாவி	எத்தனுக்கு எத்தன்	ஸ்பைடர்
23	மூளைத் திருடர்கள்	ஜானி நீரோ	காற்றில் கரைந்த கப்பல்கள்	CID லாரன்ஸ் + ஜூடோ டேவிட்
24	விண்வெளி கொள்ளையர்			இரும்புக்கை மாயாவி
25	களிமண் மனிதர்கள்			இரும்புக்கை மாயாவி
26	கொலைகார கலைஞன்			ஜானி நீரோ

இப்போதைக்கு நம்முடைய தமிழ் காமிக்ஸ் வரலாற்றிலேயே அதிக முறை ரீபிரின்ட் செய்யப்பட்ட காமிக்ஸ் கதையாகிய கொலைகாரக் கலைஞனை பற்றி பார்ப்போம். இன்னமும் பல காமிக்ஸ் கதைகள் ஒருமுறை கூட ரீபிரின்ட் செய்யப்படாத நிலையில் (நயாகராவில் மாயாவி) இந்த கதையை மூன்றாவது முறையாக ரீபிரின்ட் செய்யப்படுகிறது என்றால் அந்த கதையில் வித்தியாசமாக ஏதாவது ஒன்று இருக்க வேண்டுமல்லவா? அப்படி என்ன உள்ளது என்பதை இங்கு அளவளாவுவோம். அதற்க்கு முன்பாக நம்முடைய தமிழ் காமிக்ஸ் உலகின் முடிசூடா மன்னராகிய நம் அனைவரின் அன்பிற்கும் பாத்திரமான முத்து விசிறி அவர்களின் இந்த கொலைகாரக் கலைஞன் பற்றிய விமர்சன பதிவை ஒருமுறை படித்து விட்டு வாருங்கள். அதுவரை ஒரு சிறிய விளம்பர இடைவேளை. கதையை தவிர இந்த புத்தகத்தின் தலைப்பில் இருக்கும் நுண்ணரசியலை அவர் ஆராய்ந்து இருக்கும் பாங்கே அலாதி.அந்த அரசியலையும் இப்போது இருக்கும் அரசியலையும் முடிச்சு போட்டு பார்க்காதீர்கள் மக்களே.

Comics Classics Issue No 26 Kolaikara Kalaignan Issue Dated Jan 2012 Cover	Comics Classics No 26 Kolaikara Kalaignan Dated Jan 2012 Story 1st Page

இந்த கதையை பற்றி நம்முடைய பார்வையை படிப்பதற்கு முன்பாக முத்து விசிறி அவர்கள் தங்களுடைய பதிவில் இரத்தின சுருக்கமாக ஒரே ஒரு பத்தியில் இந்த புத்தகத்தை பற்றியும், கதையை பற்றியும் கூறி இருப்பதை ஒரு முறை படித்து விடுங்கள்: “Accidental deaths take place one after other in France. In Orleans, it was Pierre the postman, then it was Hans clipper the newspaper reporter and then in Naples, it was father Roger. There was no connection between these "accidental" deaths, except they all worked for Britain against the Nazis in the second world war and the timing of the deaths coincide with the visit of Kohli circus to the city where they lived & died. British intelligence agency gets interested in this and they suspect Sir George, who has access to the secret info about the agents. He vanishes mysteriously with those files. Johnny Nero was asked to follow Sir George, but Sir George himself is only a black mailed pawn in this deadly game. The trial leads to the manager of a wax museum who tries to kill Sir George and Johnny Nero by lighting fire to the wax exhibits. However the manager leaves a trail by way of a cloth worn by circus clowns. Johnny immediately closes on the next target who happens to be the mayor of Leon's where the circus is currently performing. Though he couldn't stop the killing of the mayor, he manages to nab the Kolaikaara Circus Kalaignan, Joseph Kranknen who was a ex-Nazi, who wants to take revenge on all the agents who worked against the Nazi Germany. Typical war time story, but with the twists and turns at every stage, it is really gripping. No wonder this got published in Muthu thrice”.

இதற்க்கு மேலும் நாம் கதையை விளக்கி கூற வேண்டுமா என்ன? எளிய ஆங்கிலத்தில் மிகவும் அருமையாக நமக்கெல்லாம் புரியும்படியாக கதையை விவரித்த முத்து விசிறி அவர்களுக்கு மனமார்ந்த நன்றி. ஒரு காமிக்ஸ் கதை என்றால், அதுவும் சீரிஸ் ஆக வரும் ஒரு ஹீரோவின் கதை என்றால் அதில் ஹீரோவுக்கு ஒரு என்ட்ரி சாகசம் இருக்க வேண்டும், அவர் வருவதற்கு ஒரு பில்ட் அப் இருக்க வேண்டுமென்ற சராசரி காமிக்ஸ் நடையை கட்டுடைப்பு செய்த பின் நவீனத்துவ கதை இந்த கொலைகாரக் கலைஞன். ஆமாம், இந்த கதையில் ஹீரோவின் அறிமுகமே 28ஆம் பக்கத்த்தில் தான் நடக்கிறது. அதுவும் அலட்டல் இல்லாமல் ஆழ்கடலில் படமெடுத்துக்கொண்டு இருக்கும் இந்த அறிமுகம் சராசரி காமிக்ஸ் ஹீரோவுக்கு கொஞ்சம் புதியதே.(கிட்டதட்ட நம்முடைய டாக்டர் அணில் அவர்களின் நண்பன் படம் போன்றதே இந்த கதையும். நண்பன் படத்திலும் ஹீரோவுக்கு பன்ச் வசனம் இல்லை, அறிமுக சண்டை, என்ட்ரி சாங் இல்லை).

Comics Classics Issue No 26 Kolaikara Kalaignan Issue Dated Jan 2012 Story Page No 28: What an entry for the Hero, Well after 28 Pages into the story

இந்த கதையை பற்றி இன்னமும் விலாவரியாக சொல்ல இயலும். ஆனால் சொன்னால் படிக்கும் ஆர்வம் குறைந்து போகுமோ என்ற எண்ணத்துடன் இந்த கதையில் என்னுடைய மனதை கவர்ந்த சில காட்சிகளை பற்றி கூறிவிடுகிறேன்.

அதற்க்கு முன்பாக இந்த கதையைப் பற்றியும், ஜானி நீரோ பற்றியும் ஒரு சிறிய ஃப்ளாஷ் பேக்: 1992ஆம் ஆண்டு. அம்பத்தூரில் இருக்கும் என்னுடைய பள்ளித்தோழன் செல்வம் வீட்டில் நாங்கள் எல்லோரும் Group Study செய்ய செல்வோம். அப்போது அம்பத்தூர் ரெயில் நிலையம் அருகில் இருந்த விநாயகா பழைய புத்தக கடையில் இரண்டு பாக்கெட் சைஸ் காமிக்ஸ் புத்தகங்கள் எனக்கு கிடைத்தது. இரண்டுமே அட்டை மற்றும் முதல் பக்கம் இல்லாமல் ஐந்தாவது பக்கத்தில் இருந்து இருந்தது. ஒன்றரை ருபாய் கொடுத்து இரண்டு புத்தகங்களையும் வாங்கிவிட்டேன். ஆனால் முதலில் படிக்கும்போது அவ்வளவாக சுவாரஸ்யப்படாத அந்த இரண்டு கதைகளின் ஹீரோ ஜானி நீரோ. பின்னர் வெகு நாட்கள் கழித்தே அந்த புத்தகங்கள் சதிகாரர் சங்கம் மற்றும் கொலைகாரக் கலைஞன் என்று தெரிந்துக் கொண்டேன். அதற்க்கு முன்பே ஓரிரு ஜானி நீரோ கதைகளை அங்கொன்றும் இங்கொன்றுமாக படித்த ஞாபகம் இருந்தாலும் எனக்கு என்று சொந்தமாக வாங்கிய முதல் ஜானி நீரோ கதைகள் இவையே. அதிலும் இந்த கொலைகாரக் கலைஞன் என்னை மிகவும் கவர்ந்தது. சொல்லப்ப்போனால் ஜானி நீரோ கதைகளில் அனைத்துமே என்னை மிகவும் கவர்ந்தவை. குறிப்பாக கொலைகாரக் கலைஞன் மற்றும் மைக்ரோ அலைவரிசை 848.

வழக்கமாக ஜானி நீரோ கதைகளுக்கு படம் வரைபவர் பாவ்லோவ் மாண்டெக்கி. இவர் ஜானி நீரோவை வரையும்போது பிரபல இத்தாலிய நடிகர் Marcello Mastroianniஐ மாடலாகக் கொண்டு வரைவார். ஆகையால் இவரின் கைவண்ணத்தில் வந்த ஜானி நீரோ கதைகள் அட்டகாசமான ஓவியத்தரத்தில் இருக்கும். ஆனால் மாதம் நான்கு கதைகள் வரவேண்டிய கட்டாயம் இருந்ததால், ஃப்ளீட்வே நிறுவனத்தால் ஒரு குறிப்பிட்ட கதையை ஒரே ஒரு கதாசிரியர் மற்றும் ஓவியரைக் கொண்டு முடிக்க முடியவில்லை. ஆகையால் வேறு வேறு ஓவியர்கள் ஒரு குறிப்பிட்ட கதைத் தொடரை வரைய ஆரம்பித்தார்கள். அப்படி வேறுபட்டு வந்து, ரெகுலர் ஆக இல்லாமல் ஓரிரண்டு கதைகளுக்கு மட்டுமே வரைந்தவர் ஓவியர் இஸ்டாக்கியோ செக்ரேல்ல(ஸ்).

அதுவுமின்றி பதின்ம வயதின் முதல் படியில் அடியெடுத்து வைத்த எனக்கு, அந்த கதையில் ஸ்டெல்லாவை ஓவியர் இஸ்டாக்கியோ செக்ரேல்லே(ஸ்) வரைந்த விதம் மற்ற ஓவியர்கள் வரைந்ததில் இருந்து முற்றிலும் மாறுபட்டு மிகவும் கவர்ச்சியாக இருந்ததும் இந்த கதையை பிடிக்க ஒரு காரணம். பின்னர் மற்ற கதைகளை படிக்கும்போது அதில் ஸ்டெல்லாவின் கதாபாத்திரம் மிகவும் கண்ணியமாக வெளிப்படுத்தப்பட்டு இருந்தவிதம்,அந்த பாத்திரத்தின் மீது ஒரு விதமான மரியாதையையே  ஏற்படுத்தியது. அந்த விதத்தில் இந்த கதையின் ஓவியங்கள் மாறுபட்டு இருந்தாலும், இந்த கதையில் ஸ்டெல்லா மிகவும் Active ஆக செயல்பட்டு இருப்பார். குறிப்பாக ஒரு சீனில் ஜானி ஸ்டெல்லாவை "ஏன் இங்கு வந்தாய்?" என்று கடிந்துக்கொண்டு இருக்கும்போதே உடல் அசதி காரணமாக மயங்கி விழுவார். அப்போது ஸ்டெல்லா தாங்கி பிடிப்பார். இதையெல்லாம் மீறி எனக்கு பிடித்த மூன்று காட்சிகள் இங்கே தனித்தனியாக வெட்டப்பட்டு உள்ளன.

பழனியை சேர்ந்த மருத்துவர் சுரேஷ் அவர்களின் இணையதளத்தில் அவர் கடல்புறா பற்றி (சைட் பாரில்) ஒரு பத்தியில் இந்த காட்சியை பற்றி குறிப்பிட்டு இருப்பார். அதற்க்கு முன்பிருந்தே இந்த காட்சியை நாங்கள் விவாதித்து இருந்தோம், ஆனால் வேறு கண்ணோட்டத்தில். எண்பதுகள் மட்டும் தொண்ணூறுகளின் ஆரம்பத்தில் பதின்ம வயது சிறுவர்களின் முக்கிய விவாதப்பொருளே ஸீ த்ரூ கேமிரா. அதாவது ஒரு பொருளை ஊடுருவி வெளிப்படையாக படமெடுக்கும் கேமிரா. நடிகை நதியா ஒரு படத்தில் S.V. சேகர் அவர்களை இந்த மாதிரி ஒரு கண்ணாடி அணிந்துக்கொண்டு பயமுறுத்துவார். நாங்கள் எல்லோரும் அப்போதே அந்த மாதிரி ஒரு கண்ணாடியைப்பற்றி விவாதிப்போம். எங்கள் செட்டில் "உஷார் பார்ட்டி" என்று பெயரெடுத்த ஜாகீர் ஹுசேன் இந்த மாதிரி ஒரு கண்ணாடி தன்னுடைய மாமாவிடம் இருப்பதாகவே சத்தியம் செய்தான். 

அதைப்போலவே ஒரு குறிப்பிட்ட காட்சியில் (எடிட்டர் கூட தன்னுடைய தளத்தில் இந்த காட்சியை விவரித்தது நினைவிருக்கலாம்), ஸ்டெல்லாவை பீட்டர் காப்பாற்றியவுடன் ஸ்டெல்லா நன்றியுணர்ச்சியுடன் முத்தமிட,நாணத்தால் பீட்டர் நெளிய, அந்த நாசூக்கான தருணத்தை ஓவியர் அற்புதமான முக பாவனைகளுடன் வெளிப்படுத்தி இருப்பார். வழக்கமான ஒரு துப்பறியும் கதையே என்றாலும், கதையின் விறுவிறுப்பான ஓட்டமும், தொய்வில்லாத நடையும் கதையை ஒரு Must-Read ஆக வெளிப்படுத்துகின்றன.

Comics Classics Issue No 26 Kolaikara Kalaignan Issue Dated Jan 2012 Story Last Page: The Usual Happy ending with Col. Jacob and Nero asking for rest

என்னிடம் இருக்கும் சொற்ப காமிக்ஸ் கலெக்ஷனில் இந்த இரண்டு புத்தகங்களுமே மிஸ்ஸிங். ஆகையால் இந்த அட்டைப்படங்களை கொடுத்துதவிய ஆபத்தான்தவன் திரு முத்து விசிறி அவர்களுக்கு நன்றி. இரண்டு அட்டைப்படங்களுமே வித்தியாசமாக ஆனால் அருமையாக இருக்கின்றன. முதல் படம் வந்த கால கட்டத்தில் ஒரு பெரிதும் பேசப்பட்ட அட்டைப்படமாக இருந்திருக்கக்கூடும். முதல் இதழை படித்தவர்கள் தகவலைப்பகிர்ந்தால் நலம்.

Muthu Comics Issue No 009 Kolaikaara Kalaignan Cover-Issue Dated Dec 1972	Muthu Comics Issue No 161 Kolaikarak Kalaignan Cover-Issue Dated Aug 1987

இது ஃப்ளீட்வே நிறுவன இதழின் அட்டைப்படம். இதையையும் கொடுத்துதவியவர் முத்து விசிறி அவர்களே. ஆனால் அடுத்து இருக்கும் அட்டை (காமிக்ஸ் கிளாசிக்ஸ்) என்னிடமே இருக்கும் ஒன்று. கடைசியாக இருப்பது லயன் காமிக்ஸ் ஆபீசில் இருக்கும் ஒரிஜினல் அட்டைப்பட பெயின்ட்டிங் (நன்றி எடிட்டர் எஸ்,விஜயன்).

Fleetway Secret Agent Series No 05 Assassins Anonymous Cover – Issue Dated Mar 1967	Prakash Publishers - Comics Classics Issue No 15 – Kolaikarak Kalaignan – Issue Dated June 2004	Comics Classics Kolaikara Kalaignan Art Work by the Well Known artist Malaiyappan

நாளையுடன் சென்னை புத்தக கண்காட்சி இனிதே முடிவடைகிறது. அநேகமாக நாளை நான் புத்தக கண்காட்சிக்கு செல்வேன் (என்றே நினைக்கிறேன்). ஆகையால் காமிரேட்டுகள் என்னை அங்கு சந்திக்கலாம். காமிக்ஸ் வாங்க நினைக்கும் காமிரேட்டுகள், குறிப்பாக இந்த கொலைகாரக் கலைஞன், நாளையே வந்து வாங்குவது நலம். இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.