Pages

Monday, July 29, 2013

39 அலிபாபா & முஸ்தஃபா - மினி லயனின் டாப் காமெடி கதாநாயகர்கள்

டியர் காமிரேட்ஸ்,

இந்த பதிவு எத்துனை முறை எடிட் செய்யப்பட்டது, எத்துனை முறை ஒத்திவைக்கப்பட்டது என்பதற்கு என்னிடம் கணக்கே இல்லை. முதன் முதலில் 2009ம் ஆண்டு திட்டமிடப்பட்டு பின்னர் நண்பர் பின்னோக்கியின் வேண்டுகோளுக்கிணங்க 2010ம் ஆண்டு கிட்டத்தட்ட பதிவேறும் நிலைக்கே வந்து பல காரணங்களால் பதிவிடப்படாமல் கிடப்பில் போடப்பட்டது.

அதன் பின்னர் இந்த ஆண்டு மறுபடியும் ஏப்ரல் மே மாதங்களில் பரணில் இருந்து தூசு தட்டி பதிவை ஒப்பேற்றி அப்லோட் செய்யும்போது வேறு சில காரணங்களால் பதிவிடப்படாமல் விடப்பட்டது. இப்படியாக சரித்திர (தரித்திர) புகழ் பெற்ற இந்த பதிவு வலையேறும் அற்புத நாள் இந்நாளே என்பதில் மிக்க மகிழ்ச்சி. 

சமீப காலமாக எடிட்டர் லக்கி லுக், சிக் பில், கேப்டன் பிரின்ஸ் என்று பழைய ஹீரோக்கள் பலரின் அற்புதமான பல கதைகளை முழு வண்ணத்தில் பெரிய சைஸ் புத்தகங்களில் ரீப்ரின்ட் செய்து வருவதை அனைவருமே அறிவீர்கள். இந்த வரிசையில் இன்னமும் சில கதை வரிசைகளை சேர்க்கலாம் என்பது என்னுடைய தனிப்பட்ட கருத்து, அந்த கருத்திற்கு வலுவூட்டும் வகையில் சில பல பதிவுகளை ரீப்ரின்ட் வரிசையில் இட எண்ணி உள்ளேன். அந்த வரிசையில் முதல் பதிவு அலிபாபா மற்றும் முஸ்தபாவின் சாகசங்கள் அடங்கிய தொடரே.

அலிபாபா முஸ்தபா இருவரும் ஆதரவற்ற நாடோடி சகோதரர்கள். ஏதாவது செய்து பிழைக்க வேண்டும் என்ற எண்ணம் கொண்ட வியாபாரிகள். அவர்கள் வியாபாரம் செய்வது எதை என்று மட்டும் கேட்க வேண்டாம். எதையும் எல்லாவற்றையும் விற்பனை செய்யும் திறன் (?!?!?!) கொண்டவர்கள் நமது ஹீரோக்கள். மனதில் நேர்மையும், எண்ணத்தில் அடுத்தவர்களின் நலனையும் கொண்ட இவர்களின் இணையாக நமது சிக்பில் கதைகளில் வரும் உதவி ஷெரிப் கிட் ஆர்டினை சொல்லலாம். கிட்டத்தட்ட அதே மாதிரி கதாபாத்திரம் தான் இவர்கள் இருவரும்.

அரேபிய கதைகளை பகடி செய்யும் ஐரோப்பிய கதாசிரியர்களைப்போலவே தான் இந்த கதையின் போக்கும் அமைந்து இருக்கும். பாக்தாத் நகரை தாக்பாத் என்று உல்டா செய்வதில் ஆரம்பித்து பல விஷயங்களில் சுதந்திரத்தை கையாண்டு வடிவமைக்கப்பட்டு இருக்கும் இந்த கதையின் பின்புல அரசியலை பிறிதொரு நாளில் விவாதிப்போம். இப்போதைக்கு கதையும் கதை மாந்தர்களுமே நமக்கு முக்கியம்.Genie Profile Karundhel Profile

மொத்தம் மூன்று புத்தகங்களில் நான்கு கதைகளில் மட்டுமே வந்துள்ள இந்த சகோதரர்களின் கதைகளில் ஓரளவுக்காவது ரெகுலர் ஆக வரும் கதாபாத்திரங்கள் இவர்கள் இருவர் மாத்திரமே. ஆகையால் இவர்கள் இருவரைத்தாண்டி வேறு எந்த முக்கிய கதாபாத்திரங்கள் இல்லை எனினும் இரண்டு கதை மாந்தர்கள் Stand-Out ஆக தெரிகின்றனர்.

ஒருவர்: அலாவுதீனின் அற்புத விளக்கில் இருந்த பூதம். இப்போது வயதாகிவிட்ட நிலையில், சர்க்கரை வியாதி,நியாபக மறதி, முட்டி வலி இருதய பலவீனம், குடலில் கோளாறு, கண்டிப்பாக மதிய நேர தூக்கம் அவசியம், குடி போதை என்று கலந்து கட்டி அடிக்கும் ஒரு அசாதாரண பூதமே கிப்கிப். முதல் கதையின் நாயகனே இந்த பூதம் தான்.

முதல் கதையின் நாயகன் கிப் கிப் எனில் எதிர் நாயகன் ஆக வருவது நம்ம கருந்தேள் பிரபு. இல்லையில்லை, இவர் நமது காமிரேட் கருந்தேள் ராஜேஷ் இல்லை.இவர் ஒரு கொள்ளையர். இவரது ஃப்ளாஷ்பேக் மற்றும் இவரது முடிவு இரண்டுமே சுவாரஸ்யமானது. இவர் மாத்திரமே இந்த கதை வரிசையில் இரண்டு கதைகளில் வருகிறார்.

உலகம் சுற்றும் அலிபாபா: ஜூனியர் லயன் காமிக்ஸின் முதல் இதழாக வந்த சூப்பர் சர்க்கஸ் இதழின் பின் அட்டையில் வந்த விளம்பரம் தான் அலிபாபா முஸ்தபாவை தமிழ் காமிக்ஸ் உலகிற்கு அறிமுகம் செய்து வைத்தது. அந்த பின் அட்டை விளம்பரமும், அலிபாபா முஸ்தபாவின் முதல் சாகசமாகிய உலகம் சுற்றும் அலிபாபாவின் அட்டைப்படமும் ஸ்கான் வடிவில் உங்களின் பார்வைக்கு.

Junior Lion Comics Issue No 2 Ulagam Sutrum Alibaba Advt

Junior Lion Comics Issue No 2 Ulagam Sutrum Alibaba Cover Scan 

அப்போதெல்லாம் மினி லயன் ஒன்றாம் தேதியிலும், ஜூனியர் லயன் பதினைந்தாம் தேதியிலும் விற்பனைக்கு வந்தன.இதைப்போலவே தான் லயனும், திகில் காமிக்சும் 1 & 15ம் தேதிகளில் வந்தன. மாதத்திற்கு நான்கு சிறப்பான புத்தகங்கள் என்பது என்ன மாதிரியான சாதனை என்பதை யோசிக்கையிலேயே மலைப்பாக இருக்கிறது. மேலும் இந்த சாதனையை செய்தது ஒரு டீனேஜர் என்பது இன்னமும் வியக்க வைக்கும் ஒரு விஷயம். புத்தகம் கைவசம் இல்லாமல் இருக்கும் பல்லாயிரக்கணக்கான வாசகர்களுக்காக இந்த முதல் பக்க ஸ்கான் + மூலக்கதை புத்தகத்தின் முதல் பக்க ஸ்கான்லேஷன்.

Junior Lion Comics Issue No 2 Ulagam Sutrum Alibaba Cover Story 1st Page

உலகம் சுற்றும் அலிபாபா - கதை சுருக்கம்: எதேச்சையாக ஒரு விளக்கு நமது ஹீரோக்கள் கைவசம் கிடைக்க அதனை துடைக்கும் போது அதில் இருந்து அலாவுதீனின் வயதான பூதம் வெளியே வந்து, நீங்கள்தான் இனிமேல் என்னுடைய முதலாளி, நீங்கள் இடும் கட்டளையை நிறைவேற்றுவதே என்னுடைய தலையாய பணி என்று சொல்கிறது.

வியந்து போன நமது ஹீரோக்கள், வியாபாரம் செய்ய ஒரு கப்பலை கேட்கின்றனர். சாப்பாட்டு பிரியனான முஸ்தபா "நிறைய பதார்த்தங்களுடன் கூடிய" ஒரு கப்பலை கேட்க, பூதமோ ஆழ்கடலில் நிறைய செடி கொடிகளுடன் மூழ்கி இருந்த ஒரு பழைய கப்பலை தருவிக்கிறது. அந்த கப்பலை அடையாளம் கண்டு கொள்ளும் ஒரு கொள்ளைக்கும்பல் தங்களது உளவாளி ஒருவனை அந்த கப்பலில் நமது ஹீரோக்களுடன் அனுப்ப, அவனது பாடாவதி சமையலை சகித்துக்கொள்ளும் அலிபாபா, சகிக்க முடியாத அளவிற்கு இருக்கும் சில ரகசியங்களை தெரிந்து கொள்ளும்போது அறிமுகம் ஆகிறார் எதிர் நாயகன் கருந்தேள் (எ) அமீன் பிரபு..

  • அந்த ஃப்ளாஷ் பேக் என்ன?
  • அந்த கப்பலில் இருக்கும் ரகசியம் என்ன?
  • சிறைபட்ட நமது ஹீரோக்கள் கதி என்ன?
  • பூதம் இந்த நேரத்தில் என்ன செய்துக்கொண்டு இருக்கிறது?

கடைசி கேள்விக்கு மாத்திரம் நான் பதில் சொல்லி விடுகிறேன் - குடி போதையில் உளறி அட்டகாசம் செய்த பூதத்தை வெளியே வராதமாறு இறுக்கமாக விளக்கில் அடைத்து விடுகின்றனர் நமது ஹீரோக்கள்.அதற்க்கு பிறகுதான் அவர்கள் கொள்ளையர் கூட்டதால் சிறை பிடிக்கப்படுகின்றனர்.

Junior Lion Comics Issue No 2 Ulagam Sutrum Alibaba Cover Story 1st Page Original

அப்போதைய ஜூனியர் லயன் காமிக்ஸ் இதழ்களில் தொடர்ச்சியாக வாசகர் கடிதம் இடம் பெறாததால் இந்த இதழுக்கு என்ன மாதிரியான வரவேற்ப்பு கிடைத்தது என்பதை துல்லியமாக சொல்ல முடியவில்லை. ஆனால் இந்த கதையை புதிய இதழாக கடைகளில் வாங்கிய "அங்கிள்" காமிரேட்டுகள் சிலரிடம் கேட்டபோது, இந்த புத்தகமும் முதல் இதழான (லக்கி லுக் சாகசம்) சூப்பர் சர்க்கஸ் போலவே ஒரு மெகா ஹிட் இதழ் தான் என்று கற்பூரம் ஏற்றாத குறையாக சொன்னார்கள். இந்த இதழின் வெற்றி எப்படிப்பட்டது என்பதை எடிட்டர்தான் கூற வேண்டும்.

ஏற்கனவே போன பத்தியில் சொன்னது போல ஆரம்பகால ஜூனியர் லயன் இதழ்களில் இடப்பற்றாக்குறை என்பது மிகையாகவே இருந்தது. கதைகள் சற்று பெரியதாக இருந்தால் வாசகர் கடிதம் மட்டுமில்லாமல் அடுத்த இதழுக்கான விளம்பரம் கூட மட்டுப்படுத்தப்பட்ட நிலையிலேயே வெளிவந்தது. அலிபாபா முஸ்தபா தொடரில் இரண்டாவது கதைக்கான விளம்பரம் வெறும் வார்த்தைகளாலேயே அலங்கரிக்கப்பட்டு வந்தது. அதுவும் மற்றும் புத்தகத்தின் அட்டையும் உங்களின் பார்வைக்கு:

 சொர்கத்தின் சாவி: இந்த சொர்கத்தின் சாவி வெளிவந்த இதழ் தமிழ் காமிக்ஸ் வரலாற்றிலேயே ஒரு மைல் கல். ஆமாம், முதன் முறையாக இரண்டு இதழ்கள் இனைந்து ஒரே இதழாக வெளிவந்த முதல் தமிழ் காமிக்ஸ் மாத இதழ் இது தான். இதனைப்பற்றிய முழு நீள பதிவு (அற்புதமான ஸ்கான்களுடன், பல வெளிநாட்டு காமிக்ஸ் இதழ்கள் இதுபோல இணைந்த வரலாற்று செய்திகளுடன்) இங்கே க்ளிக் செய்து படிக்கவும்

Junior Lion Comics Issue No 5 Sorgathin Saavi Advt

Junior Lion Comics Issue No 5 Sorgathin Saavi Cover

சுமார் பதினைந்து வருடங்களுக்கு முன்பாக ஸ்டார் ப்ளஸ் (பின்னர் ஸ்டார் வேர்ல்ட்) சேனலில் வெளிவந்த பிரம்மாதமான சயன்ஸ் பிக்ஷன் தொடர் The X Files. அப்போது நான் இந்த தொடரை மிகவும் விரும்பி பார்ப்பேன் (இதைப்போன்று மிகவும் ரசித்த தொடர்கள் The Dark Skies (AXN), 1st Wave (Star World), இதர இதர). இந்த தொடரின் மூன்றாவது சீசனில் பதினொன்றாவது பாகத்தில் (Revelations) தொடரின் முக்கிய கதாபாத்திரமாகிய Dana Scully ஒரு வசனத்தை சொல்வார் "Iam Afraid that The God is Speaking, But No One is Listening”.

Believe it or Not, இந்த வசனத்தை ஆரம்பமாக கொண்டதே இந்த சொர்கத்தின் சாவி கதை.

Junior Lion Comics Issue No 5 Sorgathin Saavi Story 1st Page

சொர்கத்தின் சாவி - கதை சுருக்கம்: தாக்பாத் நகரில் சூறாவளிக்காற்று வீசிய ஒரு நாளில் ஒரு வயோதிக பிச்சைக்காரர் ஒருவர் ஒதுங்க இடம் தேடுவதில் கதை துவங்குகிறது. அவருக்கு யாருமே புகலிடம் தராத சூழ்நிலையில் நம்முடைய அலிபாபாவும் முஸ்தபாவும் அவருக்கு தங்க இடம் அளிக்கின்றனர். அப்போது அந்த முதியவர் அவர்கள் இருவருக்கும் ஒரு கதையை சொல்கிறார்.

அந்த கதை என்னவெனில், கடவுள் ஒரு நாள் பூமிக்கு வருகிறார்.  நல்ல உள்ளம் கொண்ட மனிதர்களை அடையாளம் கண்டுகொண்டு அவர்களுக்கு ஒரு சிறப்பு பரிசை அளிப்பதே அவருடைய பயணத்தின் நோக்கம். அந்த சிறப்பு பரிசு ஒரு சிறிய பெட்டியில் வைக்கப்பட்டு இருக்கிறது. அந்த பெட்டியில்தான் மகிழ்ச்சியாக வாழ்வதற்கான ரகசியம் கடவுளால் எழுதப்பட்டு இருக்கிறது. அந்த பெட்டியை பெறுபவர்கள் அந்த ரகசியத்தை படித்து தெரிந்துகொண்டு வாழ்நாள் முழுவதும் மகிழ்ச்சியாக வாழலாம்.

ஆனால் மாறுவேடத்தில் இருக்கும் கடவுளை கல்நெஞ்சு கொண்ட மனிதர்களால் அடையாளம் காணவே இயலவில்லை. பலராலும் மறுக்கப்படுகிறார் கடவுள். இப்படியாக கடவுள் கதை சொல்லிக்கொண்டு இருக்கும்போதே நம்முடைய கதாநாயகர்கள் இருவரும் கதையை கேட்டுக்கொண்டே தூங்கி விடுகின்றனர்.

மறுநாள் காலையில் சகோதரர்கள் கண்விழிக்கும்போது தேவதூதர்கள் புடைசூழ அந்த முதியவர் பறக்கும் அன்னங்கள் கொண்ட ரதத்தில் சென்றுக்கொண்டு இருக்கிறார். அப்படி அவர் செல்லும்போது கதையில் அவர் குறிப்பிட்ட அந்த பெட்டியை அவர்களுக்கு என்று விட்டு செல்கிறார்.

  • அப்படி எனில் அவர்களிடம் புகலிடம் கேட்டு வந்தது கடவுள்தானா?
  • அவர் சொன்ன கதை உண்மையா?
  • சொர்கத்தின் சாவி என்று சொல்லப்படும் அந்த மகிழ்ச்சியின் ரகசியம் அடங்கிய பெட்டியின் சாவி எங்கே இருக்கிறது?
  • அந்த சாவியை எப்படி தேடுவது?
  • சாவியே இல்லாத அந்த பெட்டியை திறப்பது எப்படி?
  • அந்த பெட்டியை அடைய துடிக்கும் மற்றவர்களின் முயற்சியை நம்முடைய சகோதரர்கள் எப்படி தடுக்கிறார்கள்?
  • உண்மையிலேயே மகிழ்சியான வாழ்வின் ரகசியம் என்ன?

கதையின் முடிவில் உண்மையிலேயே அந்த மகிழ்ச்சியின் ரகசியத்தை நம்மாலும் அறிய முடிகிறது. கதையில் பலமே பிரம்மாதமான சித்திரங்களும், அற்புதமான வசனங்களும் தான். அதுவும் தமிழில் படிக்கையில் இன்னமும் சிறப்பாக இருக்கிறது. ஒவ்வொருவரும் படிக்க வேண்டிய சிறப்பான கதை சொர்கத்தின் சாவி.

Junior Lion Comics Issue No 5 Sorgathin Saavi Story 1st Page Original 

இந்த கதையையுமே நான் புதியதாக கடையில் வாங்கவில்லை என்பதால் வாசகர்களின் வரவேற்ப்பு எப்படி இருந்தது என்பதை நேரிடையாக சொல்லவியலாது. அந்த கால காமிரேட்டுகள் இந்த கதையைத்தான் அலிபாபா முஸ்தபா கதைதொடரில் ஆகச்சிறந்த கதை என்று சொல்கிறார்கள். இந்த கதையை மறுபடியும் படிக்க எடிட்டரின் ரீப்ரின்ட் ரிக்வெஸ்ட் கேட்பதைதவிர வேறு வழியே இல்லை. நமக்கு மட்டுமில்லை, நம்முடைய குட்டீஸ்களுக்கும் இந்த தொடர் ஒரு மிகச்சிறந்த Bed Time Reading அனுபவமாக இருக்கும் என்பதில் இருவேறு கருத்து இருக்க இயலாது.

வெள்ளைப் பிசாசு: அடுத்து மூன்றாவதாக வெளிவந்த அலிபாபா முஸ்தபா கதை - நெடுநாட்களாக விளம்பரம் செய்யப்பட்டு இருந்த வெள்ளைப்பிசாசு கதையே. இந்த முதல் மூன்று கதைகளின் சிறப்பு என்னவெனில் ஒவ்வொன்றும் ஒவ்வொரு சைசில்,அமைப்பில் வெளிவந்தவை. ஆனால் இந்த கதையோ முழு வண்ணத்தில் இல்லாமல் அப்போதைய ட்ரென்ட் ஆகிய இருவண்ணத்தில் வெளிவந்தது. அதன் விளம்பரமும் அட்டைப்படமும்:

Mini Lion Comics Issue No 12 Vellai Pisasu Advt

Mini Lion Comics Issue No 12 Vellai Pisasu

முதலில் விளம்பரப்படுத்தப்பட்ட படி வந்து இருந்தால் இதுதான் மினி லயன் கதைகளில் பத்தாவது புத்தகம். ஆனால் அந்த கால சாபத்தின்படி இது திட்டமிட்டபடி வெளியாகவில்லை. அதற்க்கு பதிலாக திடீரென்று "ஒரு கள்ளப் பருந்தின் கதை" பத்தாவது இதழாக வெளிவந்தது. அந்த கதையையை பற்றிய எடிட்டரின் பதிவு இங்கே . இதற்க்கு பிறகு பதிமூன்றாவது இதழாக வெளிவந்தது நம்முடைய வெள்ளைப்பிசாசு. அதன் முதல் பக்கம் வழக்கமான அலிபாபா கதைகளின் முழுவண்ணம் போலில்லாமல் இருவண்ணத்தில் வெளிவந்தது.

Mini Lion Comics Issue No 12 Vellai Pisasu Story 1st Page

வெள்ளைப்பிசாசு - கதை சுருக்கம்: தாக்பாத் நகரில் தொடர்ந்து பல திருட்டு நடை பெற்றுக்கொண்டே இருக்கிறது. அந்த திருட்டுகளின் அசாதாரண பின்னணி என்னவெனில் மனிதர்கள் யாருமே நுழையமுடியாத பெட்டகத்தில் இருக்கும் பொக்கிஷங்கள் கூட கொள்ளையடிப்படுவதே.

இந்த கொள்ளைகளால் அதிகம் பாதிப்புக்கு உள்ளாவது அந்த நாட்டு தளபதி தான் (சத்தியமாக நம்ம இளைய தளபதி அணில் இல்லீங்கோவ், இவரு நிஜம்மாவே அந்த ஊரு தளபதி தான்). அந்த நாட்டு சுல்தான் ஒரு கட்டத்தில் பொறுமை இழந்து தளபதியாரை கடிந்து கொள்கிறார். மிகவும் கொடூரமான அந்த தளபதி கண்டிப்பாக இந்த திருட்டுகளின் பின்னணியில் இருக்கும் வெள்ளைப் பிசாசை விரைவில் பிடிப்பதாக சபதம் இடுகிறார்.

நடக்கும் விஷயங்களுக்கு எல்லாம் சிகரமாக வெள்ளைப் பிசாசு அந்த நாட்டு சுல்தானின் செங்கோலை திருடுவதாக சவால் விடுகிறார். வெள்ளைப்பிசாசின் சவாலை ஏற்றுக்கொள்ளும் தளபதி அதற்காக முழு முன்னேற்பாடுகளுடன் படைபலத்துடன் செங்கோலை காத்துக்கொண்டு இருக்கிறார்.

Mini Lion Comics Issue No 12 Vellai Pisasu Story 1st Page Original

  • வெள்ளைப்பிசாசு சொன்னபடி சவாலில் ஜெயிக்கிறாரா?
  • தவறாக கைது செய்யப்படும் நமது ஹீரோக்களின் கதி என்ன?
  • வெள்ளைப்பிசாசு என்பது யார்?
  • அவர் எதற்க்காக கொள்ளையடிக்கிறார்? அவரது ஃப்ளாஷ்பேக் கதை என்ன?
  • தளபதியின் கதை என்ன? தளபதிக்கும் வெள்ளைப்பிசாசுக்கும் என்ன தொடர்பு?

என்று பல கேள்விகளுக்கு விடையளிக்கும் வகையில் அற்புதமான சித்திரங்களுடன் அமைந்துள்ள இந்த கதை முடிகிறது. யூரோப்பிய கதைகளின் பாணியில் இதுவரையில் வந்த இரண்டு அலிபாபா கதைகளுமே முழுநீள கதைகளாக தனித்தனி புத்தகத்தில் 48 பக்கங்களில் வெளிவந்தது. ஆனால் இந்த கதையோ, இரண்டு சிறுகதைகளாக ஒரே புத்தகத்தில் வெளிவந்தது. அப்படி வெளிவந்த இரண்டாவது கதைதான் பின்னாளில் மினி லயன் காமிக்ஸில் வெளிவந்த மாயத்தீவில் அலிபாபா அந்த  விளம்பரமும் அட்டைப்படமும் ஸ்கான் வடிவில் உங்களின் பார்வைக்கு.

Mini Lion Comics Issue No 16 Maayatheevil Alibaba Advt

Mini Lion Comics Issue No 16 Maayatheevil Alibaba

 

 

மாயதீவில் அலிபாபா: விடுமுறையை கழிக்க ஒரு டிராவல் ஏஜென்சியை நாடுகின்றனர் அலிபாபாவும் முஸ்தபாவும். மட்டாபிஷ்ச் என்னும் அந்த நபரால் நடத்தப்படும் அந்த பயண ஏற்பாடுகள் நம்பவே இயலாத அளவிற்கு மிகவும் குறைந்த விலையில் சிறப்பான ஏற்பாடுகளுடன் இருப்பதாக காட்சி அளித்ததால் நண்பர்கள் இருவருமே உடனடியாக ஒப்புக்கொண்டு கட்டணத்தை செலுத்திவிடுகின்றனர். ஆயிரம் தினார்களுக்கு 15 நாட்கள் எழில் கொஞ்சும் மெகல்ஃபட்ரா தீவில் விடுமுறையை கழிக்க கிளம்பும் நமது ஹீரோக்கள் அடுத்தடுத்து மேற்கொள்ளும் சுவையான சம்பவங்களே இந்த கதையின் ஜீவநாடி.

Mini Lion Comics Issue No 16 Maayatheevil Alibaba Story 1st Page 1

மாயதீவில் அலிபாபா - கதை சுருக்கம்: ஆனால் அந்த தீவில் அவர்களுக்கு காத்திருக்கும் விஷயங்கள் பற்றி தெரிந்து இருந்தால் அவர்கள் பயண குறிப்பீட்டில் (மிகவும்) சிறிய எழுத்துக்களில் எழுதப்பட்டு இருந்த அனைத்து கன்டிஷன்ஸ் அப்ளை குறிப்புகளையும் பூதக்கண்ணாடி வைத்தாவது படித்துவிட்டு வந்து இருப்பார்கள். பயண ஏற்பாட்டாளரின் இந்த நூதன மோசடியை தவிர்த்து புதியதொரு அசம்பாவிதமும் அந்த தீவில் தலைதூக்குகிறது.

மன அளவில் நொந்து போய் இருக்கும் அந்த பயணிகளுக்கு புதியதாக மற்றுமொரு பிரச்சினை - பயணிகள் ஒவ்வொருவராக காணாமல் போகின்றனர். பயணிகளின் கடத்தல் சம்பவம் அந்த சிறிய தீவில் மேலும் பீதியை கிளப்புகிறது.

  • பயணிகள் மர்மமான முறையில் காணாமல் போவதின் பின்னணி என்ன?
  • பயணிகளை ஏதேனும் மர்ம கும்பல் கடத்துகிறதா?
  • கடத்தலின் பின்னணி என்ன?
  • சகோதரர்களில் ஒருவரும் கடத்தப்பட்டபின்பு நடக்கும் சங்கதிகள் யாவை?
  • மர்ம கும்பலின் தலைவன் யார்?
  • இந்த பிரச்சினையில் இருந்து விடுபட்டதர்க்கும் ஞாயிற்று கிழமை ஸ்கூல் லீவு விடுவதற்கும் இருக்கும் பிணைப்பு என்ன?

என்று ஒரு நேர்க்கோட்டில் பயணம் செய்யும் அம்புபோல கதை விறுவிறுப்புடனும், நகைச்சுவையுடனும் நகர்கின்றது. இந்த கதைதான் அலிபாபா முஸ்தபா கதை வரிசையில் கடைசி கதை என்பது குறிப்பிடத்தக்கது.

Mini Lion Comics Issue No 16 Maayatheevil Alibaba Story 1st Page 1 original

இப்போதைய லயன் / முத்து காமிக்ஸ் சைசில் வெளியிட்டு நம்மைப் போன்றவர்களையும், வயதில் சிறியவர்களையும் ஒருங்கே ஈர்க்கும் ஒரு சில கதை வரிசைகளில் இதுவும் ஒன்று என்பதால் இதனை இப்போது ரீப்ரின்ட் செய்தால் அட்டகாசமாக இருக்கும்.

  • 100+ பக்கங்கள்.
  • (32 பக்கம் X 2 கதைகள்) + (16 பக்கம் X 2 கதைகள்) = 96 பக்கங்கள்.
  • நூறு ருபாய் ஸ்பெஷல் வெளியீடு.
  • எடிட்டரின் பழைய நினைவுகள் (இந்த கதைகளை எப்படி தேர்வு செய்தார்? Etc)
  • இந்த இதழ்களின் பழைய விளம்பரங்கள், அட்டைப்படங்கள், வாசகர் கடிதங்கள்
  • கதாசிரியர், ஓவியர் குறித்த சிறுகுறிப்புகள்

என்று ஒரு அட்டகாசமான பேக்கேஜ் கண்முன்னே தெரிகின்றது.இந்த கதையை ஏற்கனவே படித்த புண்ணியாத்மாக்கள் கண்டிப்பாக ரீப்ரின்ட் ரெக்வெஸ்ட் ஒன்றினை இப்போதே எடிட்டரிடம் ஆரம்பிக்கலாமே?

P.S.: காமிரேட்டுகள் ஹாஜா இஸ்மாயில் மற்றும் முத்து விசிறி அவர்களின் நல்லாசியுடன் இதோ அந்த காலத்தில் நமது இதழ்கள் விற்பனை ஆகிக்கொண்டு இருந்த சமயத்து கடைகளின் விளம்பர போஸ்டர்கள்.

Maaya Theevil Alibaba sales poster Ulagam Sutrum Alibaba sales poster  இந்த "விற்பனையாகிறது" போஸ்டர்கள் அந்த காலத்தில் மிகவும் ரெகுலர் ஆக அனைத்து கடைகளுக்கும் அனுப்பப்பட்டு வந்தன. அப்படி அனுப்பப்பட்ட போஸ்டர்கள் அனைத்தையும் மிகவும் கஷ்டப்பட்டு சேகரித்து வைத்துள்ள காமிரேட் எனது நண்பர் என்று சொல்லிக்கொள்வதில் எனக்கு பெருமையே.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

பின்குறிப்பு: இந்த பதிவின் முதல் படத்தில் Yeah, That's We என்று ஆங்கிலத்தில் குறிப்பிட்டுள்ளது நெருங்கிய நண்பர் ஒருவருக்காக. ஆகையால் அதனை சுட்டிக்காட்ட வேண்டாமே?

39 comments:

  1. இது போன்ற அலசல் பதிவே உங்களிடம் எதிர்பார்ப்பது . . நன்றி

    ReplyDelete
    Replies
    1. நன்றி யஷ்வந்த்.

      நீங்கள் உங்களது வழக்கமான (FBயில் இயங்கும்) பெயரிலேயே இங்கெல்யும் கமெண்ட் இடலாமே?

      Delete
  2. அருமையான பதிவு.

    டவுன்லோட் லிங்க் கிடைக்குமா? ஆங்கிலத்தில்?


    ராஜேஷ் கே

    ReplyDelete
    Replies
    1. ராஜேஷ்,

      கூகுளாண்டவரே துணை என்று தேடினால் டச்சு மற்றும் ஃபிரெஞ்சு மொழியில் உங்களுக்கு டவுன்லோட் லின்க்குகள் கிடைக்கலாம்.

      நண்பர்கள் இங்கே கமெண்ட்டில் பதிவார்கள்,வெயிட் செய்யுங்கள்.

      Delete
    2. i got 2 story in french. but i cant get MAYA PISASU AND MAYATEVIL ALIBABA. pls post the link for that story

      Delete

  3. அலிபாபா முஸ்தபா என்ற அற்புதமான கார்ட்டூன் கதையின் என்சைக்ளோபீடியா இந்த பதிவு - இதைத் தவிர வேறு என்ன சொல்வது. நன்றி.. நன்றி.. மிக்க நன்றி.

    3 வருடங்களுக்கு முன் நான் வைத்த வேண்டுகோள் இன்று நிறைவேறியது.

    எடிட்டரிடம் ரீ-பிரிண்ட் கோரிக்கையை உரத்து ஒலிக்கச் செய்வோம்.

    ReplyDelete
    Replies
    1. நன்றி RamG75.

      எல்லாவற்றிற்கும் ஒரு நேரம் என்று இருக்கிறது அல்லவா? அது கனிந்து வரும்போது தடுக்க இயலாது என்பது உங்களுக்கு தெரியும் அல்லவா?

      அப்படித்தான் இந்த பதிவும்.

      Delete
    2. //எடிட்டரிடம் ரீ-பிரிண்ட் கோரிக்கையை உரத்து ஒலிக்கச் செய்வோம்.//

      எடிட்டர் ரீப்ரின்ட் பற்றி +வ் ஆகவே தெரிவித்துள்ளார் (அவரது தளத்தில்).

      Delete
  4. இதே போல் சுஸ்கி விஸ்கி பதிவும் பல நாள் பெண்டிங் என நினைக்கிறேன். அதையும் வெளியில் விடவும்

    ReplyDelete
    Replies
    1. சுஸ்கி - விஸ்கி பதிவு ரொம்ப நாள் Draft'ல் இருந்தது. ஒருநாள் கணிணியை Format செய்யும்போது ஏதோ தவறால் அழிக்கப்பட்டு விட்டது. இருந்தாலும் ஸ்கான் + விவரங்கள் இருப்பதால் மறுபடியும் டைப் செய்து இடலாம்.

      பார்ப்போம்.

      Delete
  5. SUPER INFORMATIVE POST ON TAMIL COMICS.

    WRITE IN ENGLISH SO THAT OTHERS ALSO DO GET TO KNOW ABOUT THIS.

    THOUGH I COULD UNDERSTAND, MY FRIENDS COULDN'T. THEY CAN ONLY STARE AT THE PICS.

    RAJPAL.

    ReplyDelete
    Replies
    1. RAJPAL,

      you need to check the previous entries of this blog. out of 154 posts, more than 100 were postsed in english language only.

      Delete
    2. RajPal,

      Will post in English soon.

      Wait for the announcement.

      Delete
  6. தற்போது தான் இந்த பதிவையும் இதில் உள்ள கதைகளையும் பார்க்கிறேன். பொறுமையாக படித்து விட்டு இரவு என் கருத்துக்களையும் பதிகிறேன். உங்களின் தொடர் பதிவுகள் காமிக்ஸ் ரசிகர்களுக்கு உற்சாகம் ஏற்படுத்தும் டானிக் என்பதில் மாற்று கருத்துகள் இருக்க முடியாது என்றே நினைக்கிறேன் !

    ReplyDelete
    Replies
    1. நீங்கள் ஒரு சமகால காமிக்ஸ் வாசகர் என்பதால் இந்த கதைகளை பற்றி தெரிந்து இருக்காமல் இருப்பதில் வியப்பேதும் இல்லையே?

      தொடர்ந்த கமெண்ட்டுகளுக்கும் அதனூடான ஆதரவுக்கும் நன்றி

      Delete
  7. பள்ளி நாட்களை நினைவுபடுத்திடும் அருமையான விமர்சனங்கள்! அளவான, தேவையான விளக்கங்கள்! முழுக் கதையையும் சொல்லாததால் எதிர்பார்ப்பை அதிகரித்திருக்கிறது!

    மறுபதிப்பாக வந்தால் நிச்சயம் மகிழ்ச்சியே!
    எடிட்டரிடம் கேட்டுப்பார்ப்போம்...

    நேரம்கிடைக்கும்போதெல்லாம் பதிவிடுங்கள் நண்பரே!

    ReplyDelete
    Replies
    1. நன்றி விஜய்.

      முழு கதையையும் சொல்வதில் எனக்கு உடன்பாடு எப்போதும் இருந்ததே இல்லை.

      முழு கதையை சொல்வது, முழு புத்தகத்தையும் ஸ்கான் செய்து போடுவது என்பது சரக்கில்லாமல் பதிவிடுவதற்கு சமம். ஆகையால் அதில் எனக்கு உடன்பாடு இல்லை என்பது உங்களுக்கு தெரியும் அல்லவா?

      கண்டிப்பாக (நேரம் கிடைக்கும்போதெல்லாம்)பதிவிடுவேன்.

      Delete
  8. என் பள்ளிப் பருவத்தில் வந்த இக்கதைகள் எல்லாம் எனது அன்றைய பேவரிட்.சொர்க்கத்தின் சாவி கதையின் இறுதியில் அன்போடு ஒரு சிறுவன் முத்தமிட்டதும் அந்தப் பேழை திறந்து களங்கமில்லா தூய அன்பே சொர்க்கத்தின் சாவி என்று உள்ளே எழுதி இருப்பதும் இப்போதும் என்னால் மறக்க முடியாத நினைவுகள்…! ஜூனியர் லயனில் வந்த கதைகளையும் விஸ்கி சுஸ்கி கதைகளையும் எனக்கு ரொம்ப பிடிக்கும். ரிப்ரிண்ட் செய்யத் தக்க அருமையான கதைகள் அத்தனையுமே…! வந்தால் ஜோருதான்!

    ReplyDelete
    Replies
    1. ராஜபாளையத்தில் இருந்து வந்ததால் நீங்கள் ராஜகுருவா? இல்லை வேறு காரணங்கள் உள்ளனவா?

      இந்த கதை வரிசையை நீங்கள் இன்னமும் மறவாமல் இருப்பதில் எனக்கு ஆச்சரியங்கள் ஏதும் இல்லை. மறந்து இருந்தால் தான் ஆச்சர்யப்படுவேன்.

      அத்தகைய சீரிய ஆளுமையை கொண்ட கதைகள் இவை. ஆகையால்தான் இதனை ரீப்ரின்ட் செய்ய கோருகிறேன் (கிறோம்).

      சுஸ்கி - விஸ்கி கதை வரிசையில் நமக்கு வந்த மூன்று கதைகள் ஒக்கே தான். விரைவில் அதனைப்பற்றிய பதிவினை இட முயல்கிறேன்.

      பின் குறிப்பாக ஒரு கேள்வி: நாய் வாலை நிமிர்த்திய பிறகு வேறெந்த பதிவுகளையும் இடமால் இருப்பதின் ரகசியம் என்னவோ?

      Delete
  9. அலிபாபாவின் ஒரு கதையைக் கூட படிக்காத என்னைப் போன்ற பாவப் பட்ட மக்களுக்கு இந்த பதிவு தான் ஆறுதல். நண்பர்களிடம் இருக்கிறதா என்று கேட்டு பார்க்கலாம். அட்டைப்படங்கள் அத்தனையும் கண்ணில் ஒற்றிக் கொள்ளலாம். அதி சிறப்பு. திருஷ்டி போல் 3D படங்கள் (!?). பறக்கும் அண்ணன்கள் (?) அவை அன்னங்கள் என்று நினைக்கிறேன். அணில் முன்னேற்ற கழகத்தில் இருந்து ஆட்டோ வந்துவிடப் போகிறது. நிறைய விஷயமுள்ள பதிவு. ஆங்கிலத்தில் இவர்களின் பெயர் என்ன ? முஸ்தபா மற்றும் அலிபாபா தானா ?

    ReplyDelete
    Replies
    1. ராஜ்,

      உங்களது நண்பர்களிடம் இலாத புத்தகங்களா? கண்டிப்பாக இருக்கும்.

      அட்டைப்படங்கள் சிறப்பாக இருக்க அய்யம்பாளையம் வெங்கடேஸ்வரன் சாரும் அவர் கற்று தந்த போட்டோஷாப்புமே காரணம்.

      அந்த படங்கள் கண்டிப்பாக திருஷ்டி அல்ல. இந்த புத்தகம் வந்த கால கட்டங்களையும் நீங்கள் பார்க்கவேண்டும். ஒரு விஷயத்தை ஜட்ஜ் செய்யும்போது 360*யில் அலசிவிட்டே து நாம் கருத்து சொல்லவேண்டும் (என்பது என் கருத்து - இதனை திணிக்க நான் விரும்பவில்லை). ஆனால் இந்த விலைக்கு அப்போதே இதையெல்லாம் அறிமுகம் செய்ததே பெரிய விஷயம்.

      அவை அன்னங்கள் தான், நன்றி. மாற்றி விட்டேன்.

      அணில் முன்னேற்ற கழகம் பற்றிய கவலையே கிடையாது. ஏனென்றால் நானே ஒரு அணில் ரசிகன்தான்.

      ஆங்கிலத்தில் இவை (இதுவரையில்) வரவில்லை. ஃபிரெஞ்ச்/ டச்சு மொழியில் அலி பாம்பா / அலி பெபெர் என்றும் அழைக்கப்படுகின்றன.

      Delete
  10. நிச்சயம் இந்த கதையை மீண்டும் போடலாம். எடிட்டர் ப்ளோகில் கோரஸ் பாட நான் ரெடி

    ReplyDelete
    Replies
    1. கோரஸ் பாடியதற்கு நன்றி.

      ஒத்துக்கொண்ட எடிட்டருக்கும் நன்றி.

      Delete
  11. வாவ் ...இது போன்ற பதிவுகளை தான் தங்களிடம் அதிகம் எதிர் பார்க்கிறோம் சார் .தொடருங்கள் .நீங்கள் சொன்னது போல இந்த அனைத்து கதைகளும் ஒரே புத்தகத்திலே மறு பதிப்பாக வந்தால் செம கொண்டாட்டம் தான் .(இதிலே இரண்டு புத்தங்கங்கள் என்னிடம் இருந்தாலும் no problem )

    ReplyDelete
    Replies
    1. என்னது உங்களிடமே
      உங்களிடமே..................................
      உங்களிடமே............................................
      உங்களிடமே.......................................................
      உங்களிடமே.............................................................
      உங்களிடமே.........................................................................
      உங்களிடமே.........................................................................................

      இந்த கதை வரிசையில் வந்த இரண்டு கதைகள் மட்டும் இருந்து இரண்டு மிஸ்ஸிங்கா?

      என்ன கொடுமை சார் இது?

      Delete
    2. என்னது ....உங்களிடமே ...உங்களிடமே ....உங்களிடமே .....வா ...."
      சார் ..நான் முத்து காமிக்ஸ் பிறபதற்கு முன் பிறந்ததாய் நினைத்து கொண்டு இருகிறேர்களா ?ஈரோடு புத்தக காட்சிக்கு வாருங்கள் .என்னை பார்த்தால் "தம்பி ...எந்த ஸ்கூல் படிக்கிற ..? "என நீங்கள் வினவாமல் இருந்தால் என் பெயரை மாற்றி கொள்கிறேன் .
      இருக்கிற 50 % காமிக்ஸ் ஆவது பாது காக்க போராடி கொண்டு இருக்கிறேன் .நீங்க வேற ....

      Delete
  12. சார் ..ஏன் ப்ளாக் தோற்றத்தை மாற்றி விட்டர்கள் .உங்கள் ப்ளாக் மூலம் தான் மற்ற காமிக்ஸ் ப்ளாக் போய் அவ்வபொழுது புது பதிவை கண்டு பிடிப்பேன் .இனி ....?

    ReplyDelete
    Replies
    1. பரணி சார்,

      தளம் அப்லோட் ஆக நேரம் ஆகின்றது என்பதால் இந்த மாற்றம்.

      பதிவின் அடியில் அவை இருக்கின்றன. எதையும் எடுக்கவில்லை. ஒருமுறை பாருங்களேன்?

      Delete
  13. சுட்டுப் போட்டாலும் எனக்கு பதிவு சம்பந்தமாக எழுத வராது என்றே நினைக்கிறேன் :)

    உங்களின் இந்த பதிவை படிக்கும் போது திரும்ப திரும்ப என் கண்ணில் பட்டது முதல் படத்தில் உள்ள Yeah, it's We என்ற வார்த்தைகளே; எனவே அதை நான் இங்கு சுட்டிக்காட்ட விரும்பவில்லை :)

    ReplyDelete
    Replies
    1. ஒரு சிறு திருத்தம்
      மேலே இருந்த yeah, that's We
      கீழே வந்தபோது yeah, it's We என்று மாறிவிட்டதே ?!

      Delete
    2. //சுட்டுப் போட்டாலும் எனக்கு பதிவு சம்பந்தமாக எழுத வராது என்றே நினைக்கிறேன்//

      தன்னடக்கம், தன்னடக்கம்.

      //மேலே இருந்த yeah, that's We
      கீழே வந்தபோது yeah, it's We என்று மாறிவிட்டதே ?!//

      இப்போது பாருங்களேன்? மறுபடியும் மாற்றியாகி விட்டது.

      Delete
  14. முடியாத உணர்வுகளை இங்கு பதிவிட முடியவில்லை .மீண்டும் அந்நாட்களில் வாழவைத்து விட்டீர்கள் .நன்றி விஸ்வா சார் 

    ReplyDelete
    Replies
    1. மிக்க நன்றி அஹ்மத் பாஷா சார்.

      Delete
  15. King Viswa: இனிய நண்பர்கள் தின நல்வாழ்த்துக்கள் !

    ReplyDelete
    Replies
    1. வாழ்த்து சொன்னதற்கு வாழ்த்துக்கள் நண்பரே

      Delete
  16. வாவ் ரியல்லி சூப்பர் நண்பரே

    வழக்கம் போல பற்பல தகவல்களுடன் அனைத்து அலிபாபா கதைகளின் தொகுப்பாக உள்ளது

    லேட்டாக வந்தாலும் லேட்டஸ்டாக வந்துள்ளது

    ஹ்ம்ம்ம்ம் விஜயன் சார் மனம் வைத்தால் +6 ல் இவற்றை கொண்டு வரலாம்

    மேற்கே ஒரு சுட்டிபுயலுக்கு கிடைக்கும் வரவேற்பை வைத்து அவர் முடிவெடுக்கலாம்
    .

    ReplyDelete
    Replies
    1. இந்த பதிவு எதற்க்காக இப்போது வந்துள்ளது என்பது லேட்டஸ்ட் சிங்கத்தின் சிறு வயதில் படித்தால் தெரியும்.

      Delete
  17. தங்கள் பெயரை இந்தியா டுடே பத்திரிக்கையில் பார்க்க மகிழ்சியாக உள்ளது! வாழ்த்துக்கள் நண்பரே.

    ReplyDelete

Dear ComiRade, Kindly Spare a Moment to Leave Your Presence in this Blog By Adding Your Valuable Comments that Can Improve This Blog. Always Give Due Importance To Others Views & Never Ever Hurt Others Feelings / Point Of Views. Do Not Request Anything That Gets Us into a Legal Tangle Such As Copy Righted Materials, Registered Products etc.

Add This

Save As PDF

Save Page As PDF
Related Posts with Thumbnails