14 தலை வாங்கிக் குரங்கு - ஒரு No Comments பதிவு

காமிரேட்ஸ்,

லேட்டஸ்ட் காமிக்ஸ் கிளாசிக்ஸ் இதழாகிய தலை வாங்கி குரங்கு நம் எல்லோரின் மனதையும் கொய்துக்கொண்டு இருக்கும் இவ்வேளையில் இந்த ஒரு புதிய பதிவு. ஆரம்ப காலத்திலே, சுதந்திரத்துக்கு முன்னாலே,  நம்முடைய முத்து விசிறி அவர்கள் ரெகுலர் ஆக பதிவிட்டுக் கொண்டிருந்த கால கட்டத்தில், இவ்விதமான நோ கமென்ட்ஸ் பதிவுகளை அடிக்கடி இட்டுக்கொண்டு இருந்தார். கால ஓட்டத்தில் இத்தாலி மொழியை தீவிரமாக பயின்று படிக்க மட்டுமின்றி பேசவும் கற்றுக்கொண்ட அவருக்கு தமிழ் காமிக்ஸ் பற்றியும் தமிழ் காமிக்ஸ் பதிவுகளை பற்றியும் யாரும் நினைவூட தவறியதால் அவர் பதிவுகளை இடுவதேயில்லை. பயங்கரவாதி டாக்டர் செவனும் தும்ப பூ தலையில் சொம்ப வச்ச மாதிரி பல விஷயங்களில் ஈடுபாட்டுடன் ஈடுபட்டுக்கொண்டு இருப்பதால், வேறு வழியின்றி நானே இந்த மாதிரி நோ கமென்ட்ஸ் பதிவுகளில் இறங்கி விட்டேன்.

இந்த தலை வாங்கி குரங்கு பற்றிய பதிவில் எடிட்டர் அவர்கள் முதலில் முழு நீல வண்ணத்தில் இருந்த இந்த அட்டையை வெளியிட்டு இருந்தார்.

Comics Classics Issue No 27 Dated Mar 2012 Tex Willer Thalai Vangi Kurangu Alternate Cover 01

ஆனால் பின்னர் மனம் மாறி முழு ஆரஞ்சு வண்ணத்தில் இந்த அட்டையை வெளியிட்டு விட்டார்.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Image_thumb

இதற்கிடையில் வேறு சில அட்டைப்படங்களும் பரிசீலனையில் இருந்தன. எடிட்டர் அவர்கள் கோபித்துக் கொள்ள மாட்டார் என்று (நாங்களாகவே சுயமாக சிந்தித்து) இந்த மாற்று அட்டைகளை இங்கே வெளியிடுகிறோம்.

Comics Classics Issue No 27 Dated Mar 2012 Tex Willer Thalai Vangi Kurangu Alternate Cover 02

இதனைதவிர வேறு சில அட்டைப்படங்களும் டிசைன் செய்யப்பட்டன. அவற்றை ஸ்கான் செய்யும் வாய்ப்பு இல்லாததால், அவற்றின் புகைப்படங்கள் மட்டும் இங்கே:

அடுத்த இரண்டு மூன்று நாட்களில் சில சிறப்பு பதிவுகள் வரும் (என்று நினைக்கிறேன்). அதில் முதலாவதாக வரும் பதிவு ஜேம்ஸ் பான்ட் சம்பந்தப்பட்டது, அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa

27 காமிக்ஸ் கிளாசிக்ஸ் No 27: தலை வாங்கிக்குரங்கு Comics Classics No 27- March 2012 Tex Willer Adventure–Thalai Vaangi Kurangu

காமிரேட்ஸ்,

கிட்டதட்ட பத்து நாட்களுக்கு முன்பே இந்த காமிக்ஸ் கிளாஸிக்ஸ் இதழை கைவரப் பெற்றிருந்தாலும் பதிவிடாமல் இருந்ததற்கு இரண்டு காரணங்கள்:

1. கடந்த இரண்டு வாரங்களாகவே நான் மேற்கொண்ட தொடர் பயணங்கள்.
2. வழக்கம் போல தமிழ் காமிக்ஸ் உலகில் நாம் பதிவிட்டு விட, அதனால் லயன் காமிக்ஸ் ஆபீசில் தொடர்ந்து போன் செய்து மன உளைச்சல் அடையும் காமிரேட்டுகளை மனதில் கொண்டு இந்த தாமதப்பதிவு.

காமிக்ஸ் கிளாஸிக்ஸ் - ஒரு சிறு குறிப்பு:
முத்து காமிக்ஸ் மற்றும் லயன் காமிக்ஸ் இதழ்களில் வந்த மிகச்சிறப்பான கதைகளை தற்போதைய இளைய தலைமுறை வாசகர்களும் படிக்க ஏதுவாக உருவாக்கப்பட்ட ஒரு தொடர் வரிசையே காமிக்ஸ் கிளாஸிக்ஸ். இதுவரை மொத்தம் 26 காமிக்ஸ் கிளாஸிக்ஸ் புத்தகங்கள் வந்துள்ளன (அவற்றை பற்றி தெரிந்து கொள்வதற்கு இங்கே கிளிக்கவும்). ஆனால் இனிமேல் புதிய சகாப்தமாக இந்த வரிசையில் சிறப்பான உயர்தர ஆர்ட் பேப்பரில் லேமினேடட் அட்டையுடன் காமிக்ஸ் கிளாஸிக்ஸ் இதழ்கள் வரப்போவதாக ஆசிரியர் அறிவித்தது முதலே பலரும் ஆர்வம் மேலிட காத்திருக்கின்றனர்.

அந்த வரிசையில் முதல் புத்தகமே இந்த தலை வாங்கிக் குரங்கு. இந்த தலை வாங்கிக் குரங்கு கதை முதன்முதலில் லயன் காமிக்ஸில் 1985 ஆண்டு தீபாவளி மலராக வந்தது.தமிழ் காமிக்ஸ் உலகிற்கு இதுவே டெக்ஸ் வில்லரின் முதல் அறிமுகமும் கூட. இதனைப்பற்றிய என்னுடைய (நண்பர் சேரன் பாணியிலான) ஃபிளாஷ்பேக் பதிவு இங்கே.

இந்த மேம்படுத்தப்பட்ட மீள் பதிப்பு புத்தகம் வாசகர்களின் எதிர்ப்பார்ப்பை பூர்த்தி செய்துள்ளதா என்பதை இந்த பதிவில் காண்போம். இங்கே இந்த புத்தகத்தின் அட்டைப்படங்கள்:

Comics Classics Issue No 27 Dated March 2012 Thalai Vaangi Kurangu Tex Willer Story Reprint 0f Tex No 045 Issue Dated Jul_y 1964 The Mysterious Voice

வழக்கமாக தமிழ் காமிக்ஸ் ரசிகர்கள் அனைவரும் புத்தகம் வாங்கியவுடன் படிப்பது எடிட்டரின் ஹாட் லைன் பகுதியையே. தான் அறிமுகப்படுத்திய ஒரு ஹீரோ புகழ் பெறுவதை வாஞ்சையுடனும் பெருமையுடனும் பார்க்கும் ஒரு இயக்குனர் போல, டெக்ஸ் வில்லரைப்பற்றியும் தலை வாங்கியையும் பற்றி எடிட்டர் எழுதி இருப்பதை படிக்கும்போது தோன்றுகிறது. இனிமேல் காமிக்ஸ் கிளாசிக்ஸ் இதழ்களிலும் எடிட்டோரியல் பகுதி வெளிவரும் என்பது மகிழ்ச்சி அளிக்கும் ஒரு சங்கதி.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Editorial Page 3	Comics Classics Issue No 27 Dated March 2012 Thalai Vaangi Kurangu Tex Willer Story Reprint Story Title Page

இளைய தலைமுறை ரசிகர்கள் மற்றும் இதுவரை படிக்காதவர்கள் நலன் கருதி இந்த கதையை இங்கே விவாதிக்கப் போவதில்லை.நண்பர் ஜானி அவர்கள் தன்னுடைய தளத்தில் விலாவரியாக எழுதியுள்ளார். ஜானியின் பதிவை படிக்க இங்கே கிளிக்கவும். தமிழ் காமிக்ஸ் உலகின் வழக்கம் ஆக கதையின் முதல் பக்கம் மற்றும் கடைசி பக்கங்கள் இங்கே.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Story 1st Page	Comics Classics Issue No 27 Dated March 2012 Thalai Vaangi Kurangu Tex Willer Story Reprint Story Last Page No 98

(அநேகமாக) மே மாதம் முதல் வாரத்தில் கொண்டாட்டமாக வெளியிடப்படவுள்ள கோடை மலர் ஆகிய சூப்பர் ஹீரோ ஸ்பெஷல் இதழின் புதிய விளம்பரம் இதோ. ஒரு காலத்தில் இது போன்ற விளம்பரங்கள் தான் ஆர்வத்தை தூண்டி காத்திருக்க வைக்கும். மறுபடியும் இது போல புதிய விளம்பரங்கள் வருவது குறித்து மகிழ்ச்சி.

Comics Classics Issue No 27 Dated March 2012 Tex Willer Thalai Vaangi Kurangu  Summer Special Advt Pages 100 101 Steel Claw, Spider & Robot Archie Stories

ஏற்கனவே எடிட்டர் அவர்கள் தன்னுடைய வலைதளத்தில் இந்த கதையை பற்றி எழுதி இருந்தாலும் புத்தகத்தில் பார்க்கையில் பரவசமாகவே உள்ளது. இன்டர்நெட் பரிச்சயமில்லாத வாசகர்களுக்கும்கூட இந்த செய்தி சென்றடையும். சந்தா கட்ட விரும்பும் வாசகர்கள் மற்றும் சந்தாவை புதுப்பிக்க விரும்பும் வாசகர்கள் ஒரு முறை இந்த பக்கத்தை படித்து விடுங்கள்.

Comics Classics Issue No 27 Dated March 2012 Thalai Vaangi Kurangu Tex Willer Story Reprint XIII Part 19 Advt	Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 102

திரி கொளுத்தப்பட்ட ஆயிரம்வாலா பட்டாசுபோல இந்த ரீபிரின்ட் மோகம் தமிழ் காமிக்ஸ் உலகை பற்றிக்கொண்டு உள்ளது என்பதற்கு எடிட்டரின் தளத்தில் வரும் கமேன்ட்டுகளே சாட்சி. ஆகையால் அடுத்து என்னென்ன புத்தகங்களை மேம்படுத்தி மீள்பதிப்பு செய்யலாம் என்று ரீடர்ஸ் சாய்ஸில் அளித்துள்ளார். நடப்பது காமிக்ஸ் முடியாட்சி அல்ல, குடியாட்சியே என்பதற்கு இதனை விட வேறென்ன உதாரணம் வேண்டும்?

Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 103	Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 104

ரெக் வூட்டன் என்பவரது கைவண்ணத்தில் ஆங்கிலத்தில் வந்த இந்த விசு & கிச்சு தொடர்வரிசை நகைச்சுவை கதைகள் அனைவரின் மனதையும் ஈர்த்தவை என்பதில் இருவேறு கருத்திருக்க இயலாது. டிராகன் நகரம் வந்தபோது வாசகர்களின் ஏகோபித்த ஆதரவினைப்பெற்ற விச்சு & கிச்சு ஜோடியினை கொண்டு ஒரு முழு நீள விச்சு & கிச்சு ஸ்பெஷல் இதழை வெளியிடலாம் என்று எடிட்டரே யோசித்து இருந்தார். இந்த கதைதொடரை பற்றி முழுமையாக தெரிந்துகொள்ள இந்த பதிவை படிக்கலாம். சரியாக மூன்று வருடங்களுக்கு முன்பு இதே ஏப்ரல் மாத முதல் நாளில் பதித்ததே அந்த பதிவு.

 

Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Inner Font: Reg Wootton’s Sporty Page 01	Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Inner Back: Reg Wootton’s Sporty Page 01

புத்தக மதிப்பீடு: ஒவ்வொரு புத்தகத்தினையும் இனிமேல் தமிழ் காமிக்ஸ் உலக மதிப்பீட்டு குழுவினர் அலசி ஆராய்ந்து தங்களது முடிவினை இங்கே தெரிவிப்பார்கள். அதன்படி இந்த தலை வாங்கி குரங்கின் புத்தக மதிப்பீடு இதோ:

1. அட்டைப்படம் (ஓவியம்/டிசைன்/எழுத்துரு): 9/15

இதற்கான காரணத்தை ஏற்கனவே எடிட்டர் தன்னுடைய பதிவில் குறிப்பிட்டு விட்டார். வழக்கமாக அட்டைப்படங்களை வரையும் அந்த ஓவியரை ஒரு தெருநாய் கடித்து விட்டதால் அவரால் இந்த அட்டைப்படத்தை வரைய முடியவில்லை. ஆகையால் அவசர அவசரமாக தன்னிடம் இருந்த ஒரு டிசைனை வைத்து இந்த அட்டைப்படத்தை தயாரித்தது இருக்கிறார். ஆனால் அடுத்த அட்டைப்படம் வழமை போல பின்னி பெடலேடுக்கும் என்பதில் சந்தேகத்திற்கு இடமேயில்லை.

2. பைண்டிங் மற்றும் புத்தக வடிவமைப்பு: 7/10

ஏற்கனவே சொன்னதுபோல உயர்தர தாளில் அட்டகாசமான சைட் பின் அமைப்பில் பல வருடங்கள் பாதுகாக்க ஏதுவாக இந்த மேம்படுத்தப்பட்ட மீள் பதிப்பு உள்ளது. ஆகவே குறைகள் ஏதுமில்லை. ஆனால் ஏன் முழு பதிப்பீடு பெறவில்லைஎன்றால் அதற்க்கும் காரணம் உள்ளது. இது முதல் மேம்படுத்தப்பட மீள் பதிப்பு என்பதால் படங்கள் சரிவர அமைக்கப்படவில்லை. ஸ்கான் சரியாக இல்லாததால் சில இடங்களில் அவை கண்ணை உறுத்துகின்றன.

3. தலையங்கம் / எடிட்டோரியல்: 10/10

ஒவ்வொரு காமிக்ஸ் ரசிகனும் புத்தகம் வாங்கியதும் படிக்கும் முதல் பக்கம் இதுவே. ஆகையால் படத்தின் ட்ரெயிலர் எவ்வளவு முக்கியமோ கிட்டத்தட்ட அவ்வளவு முக்கியம் எடிட்டோரியல். இங்கே நம்ம ஆளை அடிச்சுக்க ஆளே இல்லை. ஆகவே ஹாட்ஸ் ஆஃப் டு எடிட்டர்.

4. கதையமைப்பு: 18/20

இந்த கதையை எழுதியவர் கியான்லூயிஜி போனெல்லி. அட்டகாசமான இந்த கதையில் கூட குற்றம் கண்டுபிடிப்பவர்கள் உண்டு. அட நாமெல்லாம் நக்கீரர் பரம்பரையில் வந்தவர்கள் அல்லவா? ஆகையால் இந்த கதையில் ஒரு சிறு குறையை முதல் பதிப்பிலேயே வாசகர்கள் கண்டுபிடித்து எழுதியிருந்தார்கள். 48ம் பக்கத்தில் டெக்ஸ் வில்லரை தலைவாங்கி துரத்தும்போது அதன் கையில் போலோ உருண்டைகளே இருக்கும். ஆனால் ஐம்பதாம் பக்கத்தில் மறுபடியும் அதன் கையில் கத்தி இருக்கும். இதற்க்கு Logical ஆக ஒரு விளக்கம் அளிக்கலாம்,இருந்தாலும் அட்டகாசமான ஒரு கதையில் இது ஒரு சிறு Glitch.

5. கதையின் ஓவியங்கள்: 18/20

இந்த ஓவியங்களை வரைந்தவர் இத்தாலிய மாமேதை ஆரெல்லியோ கலேப்பிணி ஆவார். காலெப் என்று அனைவராலும் அழைக்கப்பட்ட இந்த மாமேதை இந்த அற்புதமான ஓவியங்களை சுமார் நாற்பத்திஎட்டு ஆண்டுகளுக்கு முன்பு வரைந்தார். ஒவ்வொரு சித்திரக் கட்டமும் மறக்கவியலா தருணங்களாக இருப்பதற்கு இவரே காரணம். குறிப்பாக தலைவாங்கியை ஊர்மக்கள் சூழ்ந்துக்கொள்ளும் 90ம் பக்க ஓவியங்களை பொறுமையாக ஒரு முறை பாருங்கள். நான் சொல்வது உங்களுக்கே புரியும்.

6. தமிழ் மொழியாக்கம் + எடிட்டிங்: 18/20

இங்கேதான் ஒரு சிறந்த கதை கொத்து பரோட்டா போடப்படுவதும், ஒரு சுமாரான கதை சிறப்பாக தெரிவதும் நடைபெறுகின்ற இடம். இந்த கதையை நம் எடிட்டர் அவர்கள் மொழி பெயர்த்த போது அவருக்கு பதினெட்டு வயது. ஆகையால் இப்போது அவரது மொழிபெயர்ப்பில் இருக்கும் முதிர்ச்சியை எதிர்பார்க்க இயலாது. இருந்தாலும் விளையும் பயிருக்கு உதாரணமாக அப்போதே அதிரடி ஆட்டம் ஆடியிருக்கிறார் நம் எடிட்டர். இரத்தப்படலம் கதைகளை மறுபடியும் ஜம்போ ஸ்பெஷல் இதழுக்காக மறு மொழியாக்கம் செய்தாலும், இந்த கதைக்கு ஒரிஜினலாக ஆண்டுகளுக்கு முன்பு செய்த அதே மொழியாக்கதுடன் பதிப்பித்து இருப்பது இந்த மொழியாக்கத்திற்கு ஓர் சான்று.

7. மற்றவை (ஃபில்லர்கள், விளம்பரங்கள் போன்றவை):  4/5

ஒரு புத்தகத்தில் வெறும் கதையும், அடுத்த இதழுக்கான விளம்பரம் மட்டுமே இருந்தால் அது மிகவும் போர் ஆகவே இருக்கும் (பிற்காலத்திய ராணி காமிக்ஸ்). ஆனால் நமது குழும இதழ்களில் மற்ற சமாச்சாரங்கள் மிகையாகவே இருக்கும். விச்சு கிச்சு போல இன்னும் சில கதைகள் வருவது மகிழ்ச்சி.

 

No	மதிப்பீட்டு காரணிகள்	மதிப்பெண்கள்	TCU குழு மதிப்பீடு
1	அட்டைப்படம் (ஓவியம்/டிசைன்/எழுத்துரு)	15	9
2	பைண்டிங் மற்றும் புத்தக வடிவமைப்பு	10	7
3	தலையங்கம் / எடிட்டோரியல்	10	10
4	கதையமைப்பு	20	18
5	ஓவியங்கள்	20	18
6	தமிழ் மொழியாக்கம் + எடிட்டிங்	20	18
7	மற்றவை (ஃபில்லர்கள், விளம்பரங்கள் போன்றவை)	5	4
		100	84

இந்த புத்தகத்தைப்பற்றிய மற்றுமொரு சிறப்பு நோ கமெண்ட்ஸ் பதிவை நாளை எதிர்பாருங்கள்.

அடுத்த இரண்டு மூன்று நாட்களில் சில சிறப்பு பதிவுகள் வரும் (என்று நினைக்கிறேன்). அதில் முதலாவதாக வரும் பதிவு ஜேம்ஸ் பான்ட் சம்பந்தப்பட்டது, அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

39 தலைவாங்கிக் குரங்கு-நான் படித்த முதல் டெக்ஸ் வில்லர் கதை

காமிரேட்ஸ்,

லயன் காமிக்ஸ் எடிட்டர் திரு எஸ்.விஜயன் அவர்கள் தங்களுடைய சமீப பதிவுகளில் ரீபிரின்ட்டுகள் குறித்து எழுதி வருகிறார். அதில் முதலாவதாக அவர் வெளியிடப்போகும் காமிக்ஸ் கிளாசிக்ஸ் இதழ் "தலை வாங்கி குரங்கு". (எடிட்டரின் பதிவை படிக்க இங்கே கிளிக்கவும்). அந்த பதிவினை பார்த்தவுடன் அந்த இதழைப்பற்றிய நினைவுகள் என்னுடைய நெஞ்சில் அப்படியே ஃபிளாஷ்பேக்கில் ஓட துவங்கியது. "ஆட்டோகிராப்" சேரன் போல சைக்கிளில் எல்லாம் செல்ல முடியாதாகையால், இந்த பதிவின் மூலம் அந்த விஷயங்களை பகிர்ந்து கொள்கிறேன். ரொம்ப மொக்கையாக இருந்தால் இப்போதே ஃபுல்-ஸ்டாப் போட்டுவிட்டு வேறு பதிவு பக்கம் சென்று விடுங்கள்.

Circa 1990.முதன்முறையாக நாங்கள் சென்னைக்கு குடிபெயர்ந்து சில மாதங்களே ஆனதொரு தருணம். அம்பத்தூரில் நாங்கள் ஒரு வாடகை வீட்டில் குடிபுகுந்தோம். அங்கேயே நானும் அண்ணனும் அண்ணரும் (மரியாதை, மரியாதை) பள்ளியில் படிக்க ஆரம்பித்தோம். அப்போது அம்பத்தூர் பஜார் வீதியில் (சந்தை வீதியில்) டெமரிஸ் என்றொரு பல்பொருள் கடை இருந்தது. அந்த கடையில் இருந்து பத்து கடை தள்ளி ஒரு பழைய புத்தக கடை இருந்தது(கவனியுங்கள்-இறந்த காலம்). அதற்க்கு முந்தைய வருடங்களில் விடுமுறைக்காலங்களில் நாங்கள் சென்னைக்கு வரும்போதெல்லாம் அந்த கடைக்கு செல்வதுண்டு.அங்கேதான் எனக்கு முதன் முதலில் முத்து காமிக்ஸ் (நடுநிசிக்கள்வன்), லயன் காமிக்ஸ் (கொலைப்படை), ராணி காமிக்ஸ் (மர்ம முகமூடி) போன்றவை அறிமுகம் ஆனது. சில நாட்களில் நாங்கள் ஆவடி விமானப்பயிற்சி நிலைய குடியிருப்புக்கு இடம்பெயர்ந்தோம். அதனால் அம்பத்தூரில் இருந்த  பள்ளிக்கு வர தினமும் இரயிலில் பயணிக்க வேண்டியிருந்தது.  பள்ளி முடிந்தவுடன் எங்கள் இரெயில் வர நாற்பது நமிடங்கள் வரை நேரமிருந்ததால், மாலையில் இரயில் நிலையம் செல்லும்போதெல்லாம் இந்த கடைக்கு ரெகுலர் ஆக வர ஆரம்பித்தேன். பல காமிக்ஸ் புத்தகங்கள் இங்கேதான் முதல் அறிமுகம் ஆனது (பாதாள போராட்டம், யார் அந்த ஜூனியர் ஆர்ச்சி, இரும்புக்கை மாயாவி ரீபிரின்ட்,ஜானி இன் லண்டன் ரீபிரின்ட், ராணி காமிக்ஸ் இரும்பு மனிதன் என்று பல புத்தகங்கள் அட்டை இல்லாமல் முதல் பக்கங்கள் இல்லாமல் வாங்கி இருக்கிறேன்).

ஓவியர் அரேல்லியோ கல்லேப்பிணி

அந்த பழைய புத்தக கடைக்கு அடுத்த கதவு (மற்றும் ஜன்னல்)  எப்போதும் பூட்டியே இருக்கும். ஒரு முறை அந்த வீட்டின் ஜன்னல் திறந்து இருப்பதை பார்த்தேன். ஆர்வம் மேலிட உள்ளே எட்டிப்பார்த்தால், அங்கே, வரிசையாக அடுக்கடுக்காய் ஏகப்பட்ட புத்தகங்கள் சீராக செல்ப்ஃகளில் இருந்தன. விசாரிக்கையில், அது மாலை ஐந்து மணி முதல் இரவு எட்டு மணி வரை மட்டுமே இயங்கும் ஒரு நூலகம் என்று சொன்னார்கள். ஆவடி விமானபயிற்சி குடியிருப்புக்கென்றே தனி இரெயில் ஒரு மணிக்கு ஒரு முறைதான் என்ற frequencyயில் இயங்கிக்கொண்டு இருந்தது. எனவே நாலே முக்கால் இரயிலை விட்டால் அதற்க்கு பிறகு ஒன்றரை மணி நேரம் இரயில் நிலையத்தில் தேவுடு காக்க வேண்டியதுதான். சிறுவயது முதலே கண்டிப்புக்கு பெயர்போன எங்க வீட்டில் ஒருநாள் சொல்லாமல் கொள்ளாமல் லேட்டாக போனால் அதற்க்கு கிடைக்கும் வரவேர்ப்பே தனி. இருந்தாலும் புத்தகங்கள் மேலிருந்த காதல் என்னை காத்திருக்க செய்தது..

என்னுடைய டிஜிட்டல் கடிகாரத்தில் உள்ள மணித்துளிகள் அங்கிள் ஸ்க்ரூஜ் செய்யும் செலவு போல அப்படியே இருந்தது,நகரவே இல்லை. ஐந்து மணியாயிற்று. இன்னமும் பத்து நிமிடங்கள் கழிந்தன.காத்துக்கொண்டு இருந்தபோது திடீரென்று மனதில் ஒரு எண்ணம்: திரும்பி இரெயில் நிலையமே சென்று விடலாமா என்று. பின்னே நாலு மணியில் இருந்து ஒண்ணேகால் மணி நேரமாக ஒரே இடத்தில் தனியாக நின்று பாருங்கள், நேரத்தின் சுமை தெரியும். சரி கிளம்பலாம் என்று நகர்ந்தபோது ஐந்தேகால் மணிக்கு ஒரு நடுத்தர வயதினர் சைக்கிளில் வந்து அந்த வீட்டின் முன்னே நின்றார். பின்னர் சாவி எடுத்து அந்த வீட்டை திறந்து, ஒரு போர்டை எடுத்து வெளியே வைத்தார்: அம்பிகா வாடகை நூல் நிலையம்.

அவரிடம் சென்று இந்த வாடகை நூலகத்தில் மெம்பர் ஆக வேண்டுமென்று சொன்னேன். நாற்பது ருபாய் முன்பணம் கட்டவேண்டும் என்று சொன்னார். இருபது வருடங்களுக்கு முன்பாக பள்ளியில் படித்துக்கொண்டு இருக்கும் ஒரு மாணவனுக்கு நாற்பது ருபாய் என்பது ஒரு கணிசமான தொகை. சரி, விட்டு விடலாம் என்று திரும்பும்போது  டேபிள் மீது பைண்டிங் செய்யப்பட்ட நிலையில் இருந்தது ஒரு காமிக்ஸ் புத்தகம்: தலைவாங்கிக் குரங்கு.

அந்த அட்டைப்படமும், அதன் தலைப்பும் என்னை மெஸ்மரிசம் செய்து விட்டது என்றே சொல்லலாம். அங்கிருந்து நகர மனசே வரவில்லை. என்னென்ன புத்தகங்கள் இருக்கின்றன என்று பார்க்க விரும்புகிறேன் என்று சொல்லிவிட்டு அங்கிருந்த காமிக்ஸ் புத்தகங்களை பார்க்கையில் அது வரையில் நான் கேள்விப்பட்டே இராத பலதரப்பட்ட காமிக்ஸ் புத்தகங்கள் கண்ணுக்கு விருந்தாக இருந்தன. நாளைக்கு பணத்துடன் வருகிறேன் என்று சொல்லிவிட்டு நகர்ந்தேன். வீட்டிற்கு  சென்று சேர்ந்தபோது மணி ஏழேகால்.வாசலிலேயே அம்மா காத்திருந்தார். லேட்டாக வந்ததிற்கு ஒரு ஊனமுற்ற சாக்கு சொல்லிவிட்டு தப்பித்தேன். பின்னர் அப்பாவிடம் அந்த நூலகம் பற்றி சொல்ல, அவர் மறுத்துவிட்டார். அதற்க்கு பிறகு இரண்டு நாட்கள் சரிவர சாப்பிடாமல் இருந்து, பள்ளிக்கு செல்லாமல் அடம்பிடித்து ஒருவழியாக பகீரத பிரத்யணம் செய்து நாற்பது ரூபாயை வாங்கியபோது அடைந்த மகிழ்ச்சிக்கு அளவே இல்லை.

 

டெக்ஸ் வில்லர் கதாசிரியர் போனெல்லி

மறுநாள் லைப்ரரிக்கு சென்றுவிட்டு லேட்டாகவே வருவேன் என்று சொல்லிவிட்டு கிளம்பினேன். அன்று முழுவதுமே எப்பொழுது பள்ளி முடியும், எப்பொழுது லைப்ரரி செல்வோம் என்றே காத்திருந்தேன். சாயங்காலம் அங்கு சென்றபோது அன்று முழுவதுமே லைப்ரரி திறக்கவில்லை.உடல் நலன் சரியில்லாத காரணத்தினால் அவர் வரவில்லை என்பது பின்னர் தெரிந்துகொண்ட விஷயம். அதற்கடுத்த நாள் மாலையில் அவர் அவனது நூலகத்தின் கதவை திறந்தவுடன் நான் ஏதோ சொர்க்கவாசல் திறந்ததுபோல மகிழ்ச்சி அடைந்தேன். ஆனால் தலை வாங்கி குரங்கு புத்தகம் அன்று வேறு யாரோ எடுத்து சென்றுவிட்டதால் எனக்கு தலை வாங்கியை தரிசிக்கும் வாய்ப்பு கிட்டவில்லை. வேறு வழியில்லாததால் வேறு சில புத்தகங்களை (பிளைட் 737, மூளைதிருடர்கள்) அன்றைக்கு எடுத்துக்கொண்டு திரும்பினேன்.அடுத்து வெள்ளிகிழமை அன்று செல்லும்போதுதான் எனக்கு தலைவாங்கியை நேருக்கு நேராக சந்திக்கும் வாய்ப்பு கிட்டியது.

கதை நேர்கோட்டில் பயணிக்கும் தோட்டா போல மிகவும் வேகமாக நகர்ந்ததால் இரயிலில் செல்லும்போது படித்து முடித்துவிட்டேன். இந்த கதையை படித்து விட்டு இப்போது யோசிக்கும்போது மற்றைய டெக்ஸ் வில்லர் கதைகளில் இருந்து இது எவ்வளவு மாறுபட்டது என்பது தெரிகிறது. அவருடைய நண்பர் குழாமோ,துப்பறியும் தேவையோ இல்லாமல் ஒரு வித்யாசமான கதையாக தெரிகிறது. வழிதவறி வேறு பாதையில் செல்லும் டெக்ஸ், ஒரு பயங்கர மிருகத்தின் குரலை கேட்கிறார். ஊர் மக்கள் அஞ்சி நடுங்கும் ஒரு மனித குரங்கு ரத்தவெறி பிடித்து மனிதவேட்டை ஆடுவதை தெரிந்து கொள்ளும் அவர், அந்த ஆட்கொல்லி மனிதக்குரங்கை வேட்டையாட ஆயத்தமாகிறார்.அதற்கிடையில் டெக்ஸ் வில்லரை தங்க வேட்டையாளர் என்று தவறாக கருதும் ஒரு கும்பல், அவருக்கு இடமளிக்கும் ஒரு பரிவான ஆனால் வித்யாசமான ஒரு குடும்பம் என்று பல தளங்களில் பயணிக்கும் இந்த கதை முடியும்போது உங்கள் கண்களில் ஓரிரு முறையாவது கண்ணீர் வந்து எட்டிப்பார்த்திருக்கும். இயக்குனர் ஷங்கருக்கு முன்பே ஸ்ப்ளிட் பெர்சனாலிட்டி என்பதனை என்பதை தமிழ் கூறும் நல்லுலகிற்கு எடுத்து காட்டியவர் டெக்ஸ் வில்லர்.

மேலுள்ள இத்தாலி மொழி அட்டைப்படத்தில் இருக்கும் காட்சி கதையின் ஒரு ஹை லைட் ஆகும். மந்தக்குரங்கை வேட்டையாட செல்லும் டெக்ஸ், தண்ணீரில் விழுந்து விடுகிறார். திடீரென்று அவர் எதிரே அந்த தலை வாங்கி குரங்கு நிற்க, அதனை எதிர்கொள்ள ஆயத்தமாகும் டெக்ஸின் துப்பாக்கி தண்ணீரில் விழுந்ததால் இயங்க மறுக்கிறது. அடுத்தது என்ன? என்று விறுவிறுப்பில் வேகமாக படித்த பக்கங்கள் இவை. இன்னும் ஒரு வாரத்தில் மறு பதிப்பில் வர இருப்பதால் இவற்றிற்கும் மேலே வேறெந்த விஷயங்களையும் சொல்லி கதையின் மேல் புதிய வாசகர்களுக்கு இருக்கும் ஆர்வத்தை குறைக்க விரும்ப வில்லை.

அடுத்த இரண்டு மூன்று நாட்களில் சில சிறப்பு பதிவுகள் வரும் (என்று நினைக்கிறேன்). அதில் முதலாவதாக வரும் பதிவு ஜேம்ஸ் பான்ட் சம்பந்தப்பட்டது, அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.