14 தலை வாங்கிக் குரங்கு - ஒரு No Comments பதிவு

காமிரேட்ஸ்,

லேட்டஸ்ட் காமிக்ஸ் கிளாசிக்ஸ் இதழாகிய தலை வாங்கி குரங்கு நம் எல்லோரின் மனதையும் கொய்துக்கொண்டு இருக்கும் இவ்வேளையில் இந்த ஒரு புதிய பதிவு. ஆரம்ப காலத்திலே, சுதந்திரத்துக்கு முன்னாலே,  நம்முடைய முத்து விசிறி அவர்கள் ரெகுலர் ஆக பதிவிட்டுக் கொண்டிருந்த கால கட்டத்தில், இவ்விதமான நோ கமென்ட்ஸ் பதிவுகளை அடிக்கடி இட்டுக்கொண்டு இருந்தார். கால ஓட்டத்தில் இத்தாலி மொழியை தீவிரமாக பயின்று படிக்க மட்டுமின்றி பேசவும் கற்றுக்கொண்ட அவருக்கு தமிழ் காமிக்ஸ் பற்றியும் தமிழ் காமிக்ஸ் பதிவுகளை பற்றியும் யாரும் நினைவூட தவறியதால் அவர் பதிவுகளை இடுவதேயில்லை. பயங்கரவாதி டாக்டர் செவனும் தும்ப பூ தலையில் சொம்ப வச்ச மாதிரி பல விஷயங்களில் ஈடுபாட்டுடன் ஈடுபட்டுக்கொண்டு இருப்பதால், வேறு வழியின்றி நானே இந்த மாதிரி நோ கமென்ட்ஸ் பதிவுகளில் இறங்கி விட்டேன்.

இந்த தலை வாங்கி குரங்கு பற்றிய பதிவில் எடிட்டர் அவர்கள் முதலில் முழு நீல வண்ணத்தில் இருந்த இந்த அட்டையை வெளியிட்டு இருந்தார்.

Comics Classics Issue No 27 Dated Mar 2012 Tex Willer Thalai Vangi Kurangu Alternate Cover 01

ஆனால் பின்னர் மனம் மாறி முழு ஆரஞ்சு வண்ணத்தில் இந்த அட்டையை வெளியிட்டு விட்டார்.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Image_thumb

இதற்கிடையில் வேறு சில அட்டைப்படங்களும் பரிசீலனையில் இருந்தன. எடிட்டர் அவர்கள் கோபித்துக் கொள்ள மாட்டார் என்று (நாங்களாகவே சுயமாக சிந்தித்து) இந்த மாற்று அட்டைகளை இங்கே வெளியிடுகிறோம்.

Comics Classics Issue No 27 Dated Mar 2012 Tex Willer Thalai Vangi Kurangu Alternate Cover 02

இதனைதவிர வேறு சில அட்டைப்படங்களும் டிசைன் செய்யப்பட்டன. அவற்றை ஸ்கான் செய்யும் வாய்ப்பு இல்லாததால், அவற்றின் புகைப்படங்கள் மட்டும் இங்கே:

அடுத்த இரண்டு மூன்று நாட்களில் சில சிறப்பு பதிவுகள் வரும் (என்று நினைக்கிறேன்). அதில் முதலாவதாக வரும் பதிவு ஜேம்ஸ் பான்ட் சம்பந்தப்பட்டது, அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa

27 காமிக்ஸ் கிளாசிக்ஸ் No 27: தலை வாங்கிக்குரங்கு Comics Classics No 27- March 2012 Tex Willer Adventure–Thalai Vaangi Kurangu

காமிரேட்ஸ்,

கிட்டதட்ட பத்து நாட்களுக்கு முன்பே இந்த காமிக்ஸ் கிளாஸிக்ஸ் இதழை கைவரப் பெற்றிருந்தாலும் பதிவிடாமல் இருந்ததற்கு இரண்டு காரணங்கள்:

1. கடந்த இரண்டு வாரங்களாகவே நான் மேற்கொண்ட தொடர் பயணங்கள்.
2. வழக்கம் போல தமிழ் காமிக்ஸ் உலகில் நாம் பதிவிட்டு விட, அதனால் லயன் காமிக்ஸ் ஆபீசில் தொடர்ந்து போன் செய்து மன உளைச்சல் அடையும் காமிரேட்டுகளை மனதில் கொண்டு இந்த தாமதப்பதிவு.

காமிக்ஸ் கிளாஸிக்ஸ் - ஒரு சிறு குறிப்பு:
முத்து காமிக்ஸ் மற்றும் லயன் காமிக்ஸ் இதழ்களில் வந்த மிகச்சிறப்பான கதைகளை தற்போதைய இளைய தலைமுறை வாசகர்களும் படிக்க ஏதுவாக உருவாக்கப்பட்ட ஒரு தொடர் வரிசையே காமிக்ஸ் கிளாஸிக்ஸ். இதுவரை மொத்தம் 26 காமிக்ஸ் கிளாஸிக்ஸ் புத்தகங்கள் வந்துள்ளன (அவற்றை பற்றி தெரிந்து கொள்வதற்கு இங்கே கிளிக்கவும்). ஆனால் இனிமேல் புதிய சகாப்தமாக இந்த வரிசையில் சிறப்பான உயர்தர ஆர்ட் பேப்பரில் லேமினேடட் அட்டையுடன் காமிக்ஸ் கிளாஸிக்ஸ் இதழ்கள் வரப்போவதாக ஆசிரியர் அறிவித்தது முதலே பலரும் ஆர்வம் மேலிட காத்திருக்கின்றனர்.

அந்த வரிசையில் முதல் புத்தகமே இந்த தலை வாங்கிக் குரங்கு. இந்த தலை வாங்கிக் குரங்கு கதை முதன்முதலில் லயன் காமிக்ஸில் 1985 ஆண்டு தீபாவளி மலராக வந்தது.தமிழ் காமிக்ஸ் உலகிற்கு இதுவே டெக்ஸ் வில்லரின் முதல் அறிமுகமும் கூட. இதனைப்பற்றிய என்னுடைய (நண்பர் சேரன் பாணியிலான) ஃபிளாஷ்பேக் பதிவு இங்கே.

இந்த மேம்படுத்தப்பட்ட மீள் பதிப்பு புத்தகம் வாசகர்களின் எதிர்ப்பார்ப்பை பூர்த்தி செய்துள்ளதா என்பதை இந்த பதிவில் காண்போம். இங்கே இந்த புத்தகத்தின் அட்டைப்படங்கள்:

Comics Classics Issue No 27 Dated March 2012 Thalai Vaangi Kurangu Tex Willer Story Reprint 0f Tex No 045 Issue Dated Jul_y 1964 The Mysterious Voice

வழக்கமாக தமிழ் காமிக்ஸ் ரசிகர்கள் அனைவரும் புத்தகம் வாங்கியவுடன் படிப்பது எடிட்டரின் ஹாட் லைன் பகுதியையே. தான் அறிமுகப்படுத்திய ஒரு ஹீரோ புகழ் பெறுவதை வாஞ்சையுடனும் பெருமையுடனும் பார்க்கும் ஒரு இயக்குனர் போல, டெக்ஸ் வில்லரைப்பற்றியும் தலை வாங்கியையும் பற்றி எடிட்டர் எழுதி இருப்பதை படிக்கும்போது தோன்றுகிறது. இனிமேல் காமிக்ஸ் கிளாசிக்ஸ் இதழ்களிலும் எடிட்டோரியல் பகுதி வெளிவரும் என்பது மகிழ்ச்சி அளிக்கும் ஒரு சங்கதி.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Editorial Page 3	Comics Classics Issue No 27 Dated March 2012 Thalai Vaangi Kurangu Tex Willer Story Reprint Story Title Page

இளைய தலைமுறை ரசிகர்கள் மற்றும் இதுவரை படிக்காதவர்கள் நலன் கருதி இந்த கதையை இங்கே விவாதிக்கப் போவதில்லை.நண்பர் ஜானி அவர்கள் தன்னுடைய தளத்தில் விலாவரியாக எழுதியுள்ளார். ஜானியின் பதிவை படிக்க இங்கே கிளிக்கவும். தமிழ் காமிக்ஸ் உலகின் வழக்கம் ஆக கதையின் முதல் பக்கம் மற்றும் கடைசி பக்கங்கள் இங்கே.

Comics Classics Issue No 27 Dated March 2012 Thalai Vaangi Kurangu Tex Willer Story Reprint Story 1st Page	Comics Classics Issue No 27 Dated March 2012 Thalai Vaangi Kurangu Tex Willer Story Reprint Story Last Page No 98

(அநேகமாக) மே மாதம் முதல் வாரத்தில் கொண்டாட்டமாக வெளியிடப்படவுள்ள கோடை மலர் ஆகிய சூப்பர் ஹீரோ ஸ்பெஷல் இதழின் புதிய விளம்பரம் இதோ. ஒரு காலத்தில் இது போன்ற விளம்பரங்கள் தான் ஆர்வத்தை தூண்டி காத்திருக்க வைக்கும். மறுபடியும் இது போல புதிய விளம்பரங்கள் வருவது குறித்து மகிழ்ச்சி.

Comics Classics Issue No 27 Dated March 2012 Tex Willer Thalai Vaangi Kurangu  Summer Special Advt Pages 100 101 Steel Claw, Spider & Robot Archie Stories

ஏற்கனவே எடிட்டர் அவர்கள் தன்னுடைய வலைதளத்தில் இந்த கதையை பற்றி எழுதி இருந்தாலும் புத்தகத்தில் பார்க்கையில் பரவசமாகவே உள்ளது. இன்டர்நெட் பரிச்சயமில்லாத வாசகர்களுக்கும்கூட இந்த செய்தி சென்றடையும். சந்தா கட்ட விரும்பும் வாசகர்கள் மற்றும் சந்தாவை புதுப்பிக்க விரும்பும் வாசகர்கள் ஒரு முறை இந்த பக்கத்தை படித்து விடுங்கள்.

Comics Classics Issue No 27 Dated March 2012 Thalai Vaangi Kurangu Tex Willer Story Reprint XIII Part 19 Advt	Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 102

திரி கொளுத்தப்பட்ட ஆயிரம்வாலா பட்டாசுபோல இந்த ரீபிரின்ட் மோகம் தமிழ் காமிக்ஸ் உலகை பற்றிக்கொண்டு உள்ளது என்பதற்கு எடிட்டரின் தளத்தில் வரும் கமேன்ட்டுகளே சாட்சி. ஆகையால் அடுத்து என்னென்ன புத்தகங்களை மேம்படுத்தி மீள்பதிப்பு செய்யலாம் என்று ரீடர்ஸ் சாய்ஸில் அளித்துள்ளார். நடப்பது காமிக்ஸ் முடியாட்சி அல்ல, குடியாட்சியே என்பதற்கு இதனை விட வேறென்ன உதாரணம் வேண்டும்?

Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 103	Comics Classics Issue No 27 Dated March 2012 Thalai Vaangi Kurangu Tex Willer Story Reprint Page 104

ரெக் வூட்டன் என்பவரது கைவண்ணத்தில் ஆங்கிலத்தில் வந்த இந்த விசு & கிச்சு தொடர்வரிசை நகைச்சுவை கதைகள் அனைவரின் மனதையும் ஈர்த்தவை என்பதில் இருவேறு கருத்திருக்க இயலாது. டிராகன் நகரம் வந்தபோது வாசகர்களின் ஏகோபித்த ஆதரவினைப்பெற்ற விச்சு & கிச்சு ஜோடியினை கொண்டு ஒரு முழு நீள விச்சு & கிச்சு ஸ்பெஷல் இதழை வெளியிடலாம் என்று எடிட்டரே யோசித்து இருந்தார். இந்த கதைதொடரை பற்றி முழுமையாக தெரிந்துகொள்ள இந்த பதிவை படிக்கலாம். சரியாக மூன்று வருடங்களுக்கு முன்பு இதே ஏப்ரல் மாத முதல் நாளில் பதித்ததே அந்த பதிவு.

 

Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Inner Font: Reg Wootton’s Sporty Page 01	Comics Classics Issue No 27 Dated March 2012 Thalai Vaangi Kurangu Tex Willer Story Reprint Cover Inner Back: Reg Wootton’s Sporty Page 01

புத்தக மதிப்பீடு: ஒவ்வொரு புத்தகத்தினையும் இனிமேல் தமிழ் காமிக்ஸ் உலக மதிப்பீட்டு குழுவினர் அலசி ஆராய்ந்து தங்களது முடிவினை இங்கே தெரிவிப்பார்கள். அதன்படி இந்த தலை வாங்கி குரங்கின் புத்தக மதிப்பீடு இதோ:

1. அட்டைப்படம் (ஓவியம்/டிசைன்/எழுத்துரு): 9/15

இதற்கான காரணத்தை ஏற்கனவே எடிட்டர் தன்னுடைய பதிவில் குறிப்பிட்டு விட்டார். வழக்கமாக அட்டைப்படங்களை வரையும் அந்த ஓவியரை ஒரு தெருநாய் கடித்து விட்டதால் அவரால் இந்த அட்டைப்படத்தை வரைய முடியவில்லை. ஆகையால் அவசர அவசரமாக தன்னிடம் இருந்த ஒரு டிசைனை வைத்து இந்த அட்டைப்படத்தை தயாரித்தது இருக்கிறார். ஆனால் அடுத்த அட்டைப்படம் வழமை போல பின்னி பெடலேடுக்கும் என்பதில் சந்தேகத்திற்கு இடமேயில்லை.

2. பைண்டிங் மற்றும் புத்தக வடிவமைப்பு: 7/10

ஏற்கனவே சொன்னதுபோல உயர்தர தாளில் அட்டகாசமான சைட் பின் அமைப்பில் பல வருடங்கள் பாதுகாக்க ஏதுவாக இந்த மேம்படுத்தப்பட்ட மீள் பதிப்பு உள்ளது. ஆகவே குறைகள் ஏதுமில்லை. ஆனால் ஏன் முழு பதிப்பீடு பெறவில்லைஎன்றால் அதற்க்கும் காரணம் உள்ளது. இது முதல் மேம்படுத்தப்பட மீள் பதிப்பு என்பதால் படங்கள் சரிவர அமைக்கப்படவில்லை. ஸ்கான் சரியாக இல்லாததால் சில இடங்களில் அவை கண்ணை உறுத்துகின்றன.

3. தலையங்கம் / எடிட்டோரியல்: 10/10

ஒவ்வொரு காமிக்ஸ் ரசிகனும் புத்தகம் வாங்கியதும் படிக்கும் முதல் பக்கம் இதுவே. ஆகையால் படத்தின் ட்ரெயிலர் எவ்வளவு முக்கியமோ கிட்டத்தட்ட அவ்வளவு முக்கியம் எடிட்டோரியல். இங்கே நம்ம ஆளை அடிச்சுக்க ஆளே இல்லை. ஆகவே ஹாட்ஸ் ஆஃப் டு எடிட்டர்.

4. கதையமைப்பு: 18/20

இந்த கதையை எழுதியவர் கியான்லூயிஜி போனெல்லி. அட்டகாசமான இந்த கதையில் கூட குற்றம் கண்டுபிடிப்பவர்கள் உண்டு. அட நாமெல்லாம் நக்கீரர் பரம்பரையில் வந்தவர்கள் அல்லவா? ஆகையால் இந்த கதையில் ஒரு சிறு குறையை முதல் பதிப்பிலேயே வாசகர்கள் கண்டுபிடித்து எழுதியிருந்தார்கள். 48ம் பக்கத்தில் டெக்ஸ் வில்லரை தலைவாங்கி துரத்தும்போது அதன் கையில் போலோ உருண்டைகளே இருக்கும். ஆனால் ஐம்பதாம் பக்கத்தில் மறுபடியும் அதன் கையில் கத்தி இருக்கும். இதற்க்கு Logical ஆக ஒரு விளக்கம் அளிக்கலாம்,இருந்தாலும் அட்டகாசமான ஒரு கதையில் இது ஒரு சிறு Glitch.

5. கதையின் ஓவியங்கள்: 18/20

இந்த ஓவியங்களை வரைந்தவர் இத்தாலிய மாமேதை ஆரெல்லியோ கலேப்பிணி ஆவார். காலெப் என்று அனைவராலும் அழைக்கப்பட்ட இந்த மாமேதை இந்த அற்புதமான ஓவியங்களை சுமார் நாற்பத்திஎட்டு ஆண்டுகளுக்கு முன்பு வரைந்தார். ஒவ்வொரு சித்திரக் கட்டமும் மறக்கவியலா தருணங்களாக இருப்பதற்கு இவரே காரணம். குறிப்பாக தலைவாங்கியை ஊர்மக்கள் சூழ்ந்துக்கொள்ளும் 90ம் பக்க ஓவியங்களை பொறுமையாக ஒரு முறை பாருங்கள். நான் சொல்வது உங்களுக்கே புரியும்.

6. தமிழ் மொழியாக்கம் + எடிட்டிங்: 18/20

இங்கேதான் ஒரு சிறந்த கதை கொத்து பரோட்டா போடப்படுவதும், ஒரு சுமாரான கதை சிறப்பாக தெரிவதும் நடைபெறுகின்ற இடம். இந்த கதையை நம் எடிட்டர் அவர்கள் மொழி பெயர்த்த போது அவருக்கு பதினெட்டு வயது. ஆகையால் இப்போது அவரது மொழிபெயர்ப்பில் இருக்கும் முதிர்ச்சியை எதிர்பார்க்க இயலாது. இருந்தாலும் விளையும் பயிருக்கு உதாரணமாக அப்போதே அதிரடி ஆட்டம் ஆடியிருக்கிறார் நம் எடிட்டர். இரத்தப்படலம் கதைகளை மறுபடியும் ஜம்போ ஸ்பெஷல் இதழுக்காக மறு மொழியாக்கம் செய்தாலும், இந்த கதைக்கு ஒரிஜினலாக ஆண்டுகளுக்கு முன்பு செய்த அதே மொழியாக்கதுடன் பதிப்பித்து இருப்பது இந்த மொழியாக்கத்திற்கு ஓர் சான்று.

7. மற்றவை (ஃபில்லர்கள், விளம்பரங்கள் போன்றவை):  4/5

ஒரு புத்தகத்தில் வெறும் கதையும், அடுத்த இதழுக்கான விளம்பரம் மட்டுமே இருந்தால் அது மிகவும் போர் ஆகவே இருக்கும் (பிற்காலத்திய ராணி காமிக்ஸ்). ஆனால் நமது குழும இதழ்களில் மற்ற சமாச்சாரங்கள் மிகையாகவே இருக்கும். விச்சு கிச்சு போல இன்னும் சில கதைகள் வருவது மகிழ்ச்சி.

 

No	மதிப்பீட்டு காரணிகள்	மதிப்பெண்கள்	TCU குழு மதிப்பீடு
1	அட்டைப்படம் (ஓவியம்/டிசைன்/எழுத்துரு)	15	9
2	பைண்டிங் மற்றும் புத்தக வடிவமைப்பு	10	7
3	தலையங்கம் / எடிட்டோரியல்	10	10
4	கதையமைப்பு	20	18
5	ஓவியங்கள்	20	18
6	தமிழ் மொழியாக்கம் + எடிட்டிங்	20	18
7	மற்றவை (ஃபில்லர்கள், விளம்பரங்கள் போன்றவை)	5	4
		100	84

இந்த புத்தகத்தைப்பற்றிய மற்றுமொரு சிறப்பு நோ கமெண்ட்ஸ் பதிவை நாளை எதிர்பாருங்கள்.

அடுத்த இரண்டு மூன்று நாட்களில் சில சிறப்பு பதிவுகள் வரும் (என்று நினைக்கிறேன்). அதில் முதலாவதாக வரும் பதிவு ஜேம்ஸ் பான்ட் சம்பந்தப்பட்டது, அடுத்து வரும் இரண்டு பதிவுகள் சமீபத்தில் தமிழில் வந்துள்ள இரண்டு ஃகிராபிக் நாவல்களை பற்றியதாக இருக்கும்.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

29 தமிழ் காமிக்ஸ் உலகம் - ரீபிரின்ட் ரெக்வெஸ்ட்கள் 01: லயன் காமிக்ஸ்

Dear ComiRades,

லயன் காமிக்ஸ் எடிட்டர் திரு எஸ்.விஜயன் அவர்கள் தங்களுடைய சமீப பதிவுகளில் ரீபிரின்ட்டுகள் குறித்து எழுதி வருகிறார். அதில் (இந்த பதிவில்) காமிக்ஸ் கிளாசிக்ஸ் வரிசையில் வெறும் முத்து காமிக்ஸ் (+ ஸ்பைடர், ஆர்ச்சி) கதைகளை மட்டுமே ரீபிரின்ட் செய்யாமல் ஆரம்ப கால லயன்,மினி லயன், திகில் காமிக்ஸ் கதைகளையும் ரீபிரின்ட் செய்தால் என்ன? அப்படி செய்தால் வாசகர்களின் ரிபிரின்ட் லிஸ்ட் என்ன என்றும் எழுதி இருந்தார். அதற்க்கு பலத்த வரவேற்ப்பு. அப்போதே இந்த பதிவினை தயார் செய்து இருந்தாலும், நேரமின்மை காரணமாக இட இயலவில்லை. அடுத்த வாரமும் மும்பையிலேயே கழிக்க இருப்பதால், பதிவுகள் வருவது கேள்விக்குறியே.

என்னுடைய தாமதமான பதிவின் விளைவு: ஆசிரியரே முதல் ரீபிரின்ட் இதழ் பற்றிய விவரங்களையும் பதிவிட்டு விட்டார். முதல் ரீபிரின்ட்: என்னுடைய ரீபிரின்ட் லிஸ்ட்டில் மூன்றாவதாக இருந்த தலைவாங்கி குரங்கு (எடிட்டரின் பதிவை படிக்க இங்கே கிளிக்கவும்). இந்த ரீபிரின்ட் லிஸ்ட்டில் நுழையும் முன்னர் சில விளக்கங்கள்:

• இந்த ரீபிரின்ட் லிஸ்ட் லயன் காமிக்ஸ், மினி லயன் + ஜூனியர் லயன், திகில் காமிக்ஸ், மற்றும் சார்ந்த காமிக்ஸ் என்று தனியாக வெளியிட ஆசை.

• ஒவ்வொரு லிஸ்ட்டிலும் மொத்தம் பத்து கதை(கள்) இருக்கும்.

• அவை எப்படி செலக்ட் ஆகியது என்று சின்னக்குறிப்புகள் பாயிண்ட்டுகளாக இருக்கும்.

• லயன் காமிக்ஸ் வரிசையில் முதல் நூறு புத்தகங்கள் மட்டுமே பரிசீலனையில் எடுத்துக் கொள்ளப்பட்டன. அதன் பின்னர் வந்தவை கிட்டத்தட்ட (படிக்கவாவது) கிடைக்கும் என்பதால் இந்த முடிவு.

• ஸ்பைடர், ஆர்ச்சி போன்ற டைஜெஸ்ட் கதைகளை ஏற்கனவே ரீபிரின்ட் செய்துக்கொண்டு இருப்பதால் அவற்றை விட்டுவிடலாம் (இன்னமும்கூட ஸ்பைடரின் இராட்சசக் குள்ளன், சைத்தான் விஞ்ஞானி, மரண ராகம் போன்ற கதைகளையும், நீதிக்காவலன் ஸ்பைடர் போன்ற கிளாசிக்குகளையும் வெளியிடாமல் இருக்கையில், அவற்றை பற்றி தனியாக எழுத வேண்டி இருப்பதாலும், இங்கே அவை -கவுண்டர் பாஷையில் சொல்வதானால்-அன் செலக்ட் செய்யப்படுகின்றன).

• சமீபத்திய புத்தக கண்காட்சி விற்பனையில் கூட எனக்கு மிகவும் பிடித்த மாடஸ்டி கதைகள்  மந்தமாக விற்பனையானதால் மாடஸ்டி கதைகள் கூட இங்கே அன் செலக்ட் ஆகின்றன. குறிப்பாக சொல்வதென்றால் இரட்டைவேட்டையர் கதையாகிய மர்ம எதிரி புத்தகத்தில் இரண்டாவது மூன்றாவது கதையாக வரும் மாடஸ்டியின் கதை மற்றும் தி ரிடர்ன் ஆப் கேப்ரியல் கதையே முதலில் ரீபிரின்ட் செய்யப்பட வேண்டிய மாடஸ்டி கதை. ஆனால் அவற்றை பின்னர் பார்ப்போம்.

இப்போதைக்கு இந்த விவரங்கள் போதும். ஆகையால் லயன் காமிக்ஸ் ரீபிரின்ட் லிஸ்ட்'ஐ பார்ப்போமா?

 

	கதை சதி வலை! இதழ் லயன் காமிக்ஸ் (மாத இதழ்) வெளியீடு 13 முதல் பதிப்பு மே 1985 (கோடை மலர்) மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி நாயகர் ஜான் மாஸ்டர் மூலம் MASTER-SPY (ஆங்கிலம்) இதழ் TIGER (Weekly) வெளியீடு IPC MAGAZINES LTD. முதல் பதிப்பு APR 1983 TO JAN 1984 கதை ??? ஓவியம் SANDY JAMES தமிழில் S.விஜயன் பக்கங்கள் (கருப்பு வெள்ளை) சைஸ் 8"x11" விலை ரூ:4/- (1985 முதல் பதிப்பின் போது) பதிவு லிங்க்: பயங்கரவாதி டாக்டர் செவனின் அகொதிக  தமிழில் வெளிவந்த முதல் விளையாட்டு சம்பந்தப்பட்ட காமிக்ஸ் ஹீரோ ஜான் மாஸ்டர் லயன் காமிக்ஸ் # 013 - சதி வலை! தான் லயன் காமிக்ஸ்-ன் முதல் கோடை மலர் ஆகும் பெரிய சைசில், தெளிவான சித்திரங்களுடன் வெளிவந்த இந்த புத்தகம் ஒரு கலெக்டர்ஸ் டிரீம் என்று சொல்லப்படுகிறது.அதனாலேயே புத்தக சந்தையில் அதிக விலைக்கும் பேசப்படுகிறது.
	கதை காணாமல் போன கடல் இதழ் லயன் காமிக்ஸ் (மாத இதழ்) வெளியீடு 14 முதல் பதிப்பு ஜூன் 1985 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி நாயகர்(கள்) சிஐடி லாரன்ஸ் + ஜூடோ டேவிட் மூலம் Secret Agent Barracuda (ஆங்கிலம்) இதழ் Lion (Weekly) வெளியீடு IPC MAGAZINES LTD. முதல் பதிப்பு 18-03-1967 to 26-06-1967 கதை ??? ஓவியம் ரெனாடோ பொலீஸ் தமிழில் S.விஜயன் பக்கங்கள் (கருப்பு வெள்ளை) சைஸ் 10 x 14 CM விலை ரூ:2/- (1985 முதல் பதிப்பின் போது) சாகச ஜோடி லாரன்ஸ் + டேவிட் கதையின் புதிய (வாரந்திர) தொடர் வரிசை.வார இதழ்களில் வெளியானது. பழிக்கு பழி, நட்பு, சென்டிமென்ட் என்று ஒரு வித்யாசமான கலவை இந்த கதை. கிங் கோப்ரா என்கிற மாபெரும் ஆளுமையின் எதிர்நிலை உருவக அறிமுகம் (அதாங்க பிரம்மாண்ட வில்லன் அறிமுகம்). இந்த கதையின் தொடர்ச்சி (விளம்பரபடுத்தப்பட்டு) இருக்கிறது.ஆசிரியர் அதனை வெளியிட எண்ணினால், அதன் முதல் பகுதியாக இந்த கதை ஒரு தொடர்ச்சியாக இருக்கும்.
துடிப்பான, விறுவிறுப்பான சாகச ஜோடி இரட்டை வேட்டையரின் அறிமுகம். ஒரு சைக்கோ வில்லன் + பக்கத்திற்கு பக்கம் திகிலான திருப்பங்களுடன், பல தடைகளையும், பொறிகளையும் கடந்து மிகவும் வித்தியாசமான ஒரு முடிவை கொண்ட கதை.	கதை ஆப்பிரிக்க சதி இதழ் லயன் காமிக்ஸ் (மாத இதழ்) வெளியீடு 20 முதல் பதிப்பு Dec1985 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி நாயகர்(கள்) இரட்டை வேட்டையர்கள் ஜார்ஜ் + டிரேக் மூலம் Hunters – S.I.6 (ஆங்கிலம்) இதழ் Battle (Weekly) வெளியீடு IPC MAGAZINES LTD. முதல் பதிப்பு FROM 27.02.1982 TO 03.04.1982 (6 ISSUES) கதை ஜான் ரிச்சர்ட் ஓவியம் கார்லோஸ் பினோ LETTERER - பீட் நைட் தமிழில் S.விஜயன் பக்கங்கள் (கருப்பு வெள்ளை) சைஸ் 10 x 14 CM விலை ரூ:4/- (1985 முதல் பதிப்பின் போது)
	கதை மனித எரிமலை(& மரணப் பணி)! இதழ் லயன் காமிக்ஸ் (மாத இதழ்) வெளியீடு 21 முதல் பதிப்பு ஜனவரி 1986 (பொங்கல் மலர்) மறுபதிப்புகள் மரணப் பணி(காமிக்ஸ் கிளாசிக்ஸில்) பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி நாயகர் இருப்புக் கை நார்மன் மூலம் Gaunt (ஆங்கிலம்) இதழ் Battle Picture Weekly வெளியீடு IPC MAGAZINES LTD. முதல் பதிப்பு 25 Jun 77 TO 16 Jul 77(The Haunted Man) 23 Jul 77 to 27 Aug 77(Blitzkreig) கதை John Wagner ஓவியம் John Hooper தமிழில் S.விஜயன் பக்கங்கள் (கருப்பு வெள்ளை) சைஸ் 6"x8" விலை ரூ:3/- (1986 முதல் பதிப்பின் போது)/ரூ:10/-(CC) பதிவு லிங்க்: முத்து விசிறியின் முத்தான பதிவு இரும்புக்கை உளவாளி என்கிற ஒரு Pathos ஹீரோவின் அறிமுகம் அழுத்தமான வசனங்கள்.பிற்காலத்தில் கமல்ஹாசன் இதே வசனங்களை தனது குருதிப் புனல் படத்தில் உபயோகித்திருப்பார். Revenge-Is-My-Middle-Name Genre. இன்றும் அந்த முதல் கதையை படிக்கும்போது மனம் கனத்த ஒரு வலியுடனே இருக்கும். அதுவும் அந்த ஓவியங்கள், நார்மனின் கண்கள், பாரிஸ் வெறிநாயின் மறக்கமுடியாத அந்த வசியமூட்டும் திறன், கடைசியில் இருளில் அவனை பழிவாங்கும் நார்மன் என்று ஒரு அட்டகாசமான கதையமைப்பு இது.
	கதை அதிரடி வீரர் ஹெர்குலஸ் இதழ் லயன் காமிக்ஸ் (மாத இதழ்) வெளியீடு 26 முதல் பதிப்பு ஜூன் 1986 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் முத்து ஃபைன் ஆர்ட் பப்ளிகேஷன்ஸ், சிவகாசி நாயகர் அதிரடி வீரர் ஹெர்குலஸ் மூலம் Cannonball Carmody (French) இதழ் TinTin வெளியீடு Operation One-Tel முதல் பதிப்பு 1984 (Lombard Edition) கதை Leonard Starr ஓவியம் Leonard Starr தமிழில் S.விஜயன் பக்கங்கள் (கருப்பு வெள்ளை) சைஸ் 10 x 14 CM விலை ரூ:2.50/- (1986 முதல் பதிப்பின் போது) என்னுடைய மனம் கவர்ந்த காமிக்ஸ் கதாசிரியர் லியோனார்ட் ஸ்டார் உருவாக்கிய சினிமா பாணியிலான ஆக்ஷன் கதை புதியதொரு ஹீரோ, சந்தானம் போன்ற ஒரு ரசிக்கத்தக்க சைட்கிக், மனோவியல் ரீதியிலான நடை என்று ஒரு கலக்கல் காம்பினேஷன் கதையில் வரும் ஒரு புதியதொரு எந்திரம்,அதனை ட்டரை செய்யும் கட்டம் மிகவும் ரசிக்கவைக்கும். மொட்டைத்தலை வில்லனும், விசித்திரமான ஒரு பெண்ணும் இந்த கதையின் முக்கிய பாத்திரங்கள்.
	கதை டிராகன் நகரம் இதழ் லயன் காமிக்ஸ் (மாத இதழ்) வெளியீடு 50 முதல் பதிப்பு மே 1988 (கோடை மலர்) மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் பிரகாஷ் பப்ளிஷர்ஸ், சிவகாசி நாயகர் டெக்ஸ் வில்லர் மூலம் டெக்ஸ் வில்லர் (இத்தாலி) இதழ் Tex (Monthly) வெளியீடு Sergio Bonnelli Editore முதல் பதிப்பு Tex No 46, Aug 1964 கதை Gianluigi Bonelli ஓவியம் Aurelio Galeppini தமிழில் S.விஜயன் பக்கங்கள் (கருப்பு வெள்ளை) சைஸ் 6"x8" விலை ரூ:5/- (1988 முதல் பதிப்பின் போது) பதிவு லிங்க்: முத்து விசிறியின் முத்தான பதிவு நட்பின் வலிமையையும், கடமை உணர்ச்சியையும் சரிவிகிதத்தில் கலந்த ஒரு அக்மார்க் கமர்ஷியல் டெக்ஸ் வில்லர் கதம்பம் கன்பூஷியசை கோட் செய்யும் (கஞ்சா அடிக்கும்) வில்லன், டிராகன் முத்திரை, அமெரிக்காவில் சீன ராஜ்ஜியம் என்று கலக்கல் காக்டெயில். அசத்தலான வசனங்கள்,இளைய தளபதி பட வசனங்களைப்போல பல பன்ச் டையலாக்குகள் நிறைந்த கதை.
	கதை வாரிசு வேட்டை இதழ் லயன் காமிக்ஸ் (மாத இதழ்) வெளியீடு 58 முதல் பதிப்பு Feb 1989 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் பிரகாஷ் பப்ளிஷர்ஸ், சிவகாசி நாயகர் ஹர்லக்  ஷோம்ஸ் மூலம் Herlock Sholmes (Yugoslovian / Translated English0) இதழ் Plavi Vjaesnik (Yugoslovian) / Tingle (Weekly) வெளியீடு Plavi Vjaesnik (Yugoslovian) முதல் பதிப்பு 1967-1972 கதை Furtinger ஓவியம் Julio Radilovic. தமிழில் S.விஜயன் பக்கங்கள் (கருப்பு வெள்ளை) சைஸ் Crime Novel Size விலை ரூ:2.50/- (1989 முதல் பதிப்பின் போது) Parody அல்லது spoof வகையை சேர்ந்த கதை. தமிழில் இதுபோன்ற (மொழிபெயர்ப்பிலும்) முயற்சிகள் மிக,மிகக் குறைவே. ஷெர்லக் ஹோம்ஸ் கதாபாத்திரத்துக்கு முழுக்க முழுக்க காமிக்ஸ் வடிவிலான ஒரு ஹோமேஜ். இதைப்படித்துவிட்டு யாராவது சிரிக்காமல் இருக்க முடியுமா என்று போட்டியே கூட வைக்கலாம்.அந்த அளவிற்கு சிறப்பான சிரிப்பு கதை + வசனங்கள்.
	கதை மந்திர ராணி இதழ் லயன் காமிக்ஸ் (மாத இதழ்) வெளியீடு 61 முதல் பதிப்பு June 1989 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் பிரகாஷ் பப்ளிஷர்ஸ், சிவகாசி நாயகர் சாம்சன் மூலம் Taar – The Rebel (French) இதழ் The Golden Hourglass வெளியீடு Dargaud முதல் பதிப்பு Jan 1981 – Complete Edition கதை Moliterni (Claude) ஓவியம் Remohí Brocal (Jaime) தமிழில் S.விஜயன் பக்கங்கள் (கருப்பு வெள்ளை) சைஸ் 10 x 14 CM விலை ரூ:2/- (1989 முதல் பதிப்பின் போது) தமிழில் மந்திரக்கதைகளை காமிக்ஸ் வடிவில் படிக்க ஒரு அற்புதமான வரம் இந்த கதைதொடர்.உயிரோட்டமான ஓவியங்கள், துடிப்பான கதை. இந்த கதையில் வரும் புதிர்களும், விவேகமான முடிவுகளும் ரசிக்கத்தக்கவை. Sword & Sorcery வகை கதைப்பிரியர்களுக்கு முழு விருந்து. கலரில் இப்போது வெளியிட்டால் அட்டகாசமாக இருக்கும்.
	கதை எமனுக்கு எமன் இதழ் லயன் காமிக்ஸ் (மாத இதழ்) வெளியீடு 67 முதல் பதிப்பு 1990 மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் பிரகாஷ் பப்ளிஷர்ஸ், சிவகாசி நாயகர் சார்ஜண்ட் தாமஸ் மூலம் TOP SERGEANT IRONSIDE (ஆங்கிலம்) இதழ் ஃப்ரண்ட்லைன் (FRONTLINE) தொடர் வெளியீடு IPC MAGAZINES LTD. முதல் பதிப்பு Fleetway Super Library - Frontline Series No.16 - Top Sergeant Ironside - Dead or Alive கதை ??? ஓவியம் ??? தமிழில் S.விஜயன் பக்கங்கள் (கருப்பு வெள்ளை) சைஸ் Pocket Size விலை ரூ:2.50/- (1990 முதல் பதிப்பின் போது) பதிவு லிங்க்: பயங்கரவாதி டாக்டர் செவனின் அகொதிக இராணுவ மற்றும் போர்க்கதைகள் தமிழில் காமிக்ஸ் வடிவில் மிகவும் குறைந்த அளவிலேயே வந்துள்ளன. அவற்றில் மிகச்சிறந்த கதைகளில் இதுவும் ஒன்று. தலைமை பண்பு, போராடும் விடாப்பிடித்தனம், சமயோஜிதப்புத்தி, பாசம், அன்பினை வெளிபடுத்துதல், பழி வாங்கும் உணர்ச்சி, ராணுவ கட்டுப்பாடு, என்று பல உணர்சிகளின் வெளிப்பாடாக இந்த கதை அமைந்துள்ளது.
	கதை கழுகு வேட்டை இதழ் லயன் காமிக்ஸ் (மாத இதழ்) வெளியீடு 86 முதல் பதிப்பு Oct 1992 (தீபாவளி மலர்) மறுபதிப்புகள் இதுவரை இல்லை பதிப்பகம் லயன் காமிக்ஸ் ஆசிரியர் S.விஜயன் அச்சிட்டோர் பிரகாஷ் பப்ளிஷர்ஸ், சிவகாசி நாயகர்(கள்) டெக்ஸ் வில்லர் மூலம் டெக்ஸ் வில்லர் (இத்தாலி) இதழ் Tex (Monthly) வெளியீடு Sergio Bonnelli Editore முதல் பதிப்பு Tex No 190 (Aug 1976)கதை Guido Nolitta ஓவியம் Aurelio Galeppini தமிழில் S.விஜயன் பக்கங்கள் (கருப்பு வெள்ளை) சைஸ் 6"x8" விலை ரூ:10/- (1992 முதல் பதிப்பின் போது) பழிக்கு பழி கதைக்கு பிறகு பழி வாங்குவதை மைய்யமாக கொண்ட ஒரு கதை. கார்சனின் கடந்த காலம், தலை வாங்கி குரங்கு, பழி வாங்கும் பாவை, பழிக்கு பழி கதைகளுடன் இந்த கதையும் டெக்ஸ் வில்லரின் டாப் கதைகளில் ஒன்று. இந்த கதையின் வில்லன் மிகவும் பயங்கரமான அதே சமயம் (பழிக்கு பழி ரூபி போல) ரசிக்கப்படும் பாத்திரம். அவனின் மறைவுக்கு ஒரு கனம் நீங்கள் கூட வருந்துவீர்கள். The Good,Bad & Ugly கிளைமேக்ஸ் காட்சி போல இந்த கதையின் முடிவில் வரும் சண்டையும், இசையை வெளிப்படுத்தும் அந்த கடிகாரமும் மறக்கவியலா விஷயங்கள்.

இந்த பதிவில் மிஸ் ஆன சில அருமையான கதைகள்:

• அதிரடிப் படை
• டேஞ்சர் டயபாலிக் (Purely for Collectors)
• Operation அலாவுதீன்
• காரிகன் - ஒரு பனி மலை பயங்கரம்

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

4 டெக்ஸ் வில்லர் ஓவியர் Francesco Gamba (1926-2012) மறைவு: அன்னாருக்கு அஞ்சலி

Dear ComiRades,

இந்த வருடம் ஆரம்பித்ததில் இருந்து பல நல்ல விஷயங்கள் நடந்தவண்ணம் இருந்தாலும் காமிரேட்டுகள் உடன் பகிர்ந்து கொள்ள  சில சோக செய்திகளும் உள்ளன. அவற்றில் முதன்மையான ஒன்று நேற்றிரவு நான் கேள்விப்பட்டு இன்று காலையில் உறுதிப்படுத்திய தகவல்: இத்தாலியை சேர்ந்த பழம்பெரும் காமிக்ஸ் (சித்திரக்கதை) ஓவியரும், கதாசிரியருமாகிய ஃபிரான்செஸ்கோ கெம்பா உடல் நலக்குறைவு காரணமாக Feb 13-ம் தேதியன்று காலமானார் என்பதே. 

தமிழ் காமிக்ஸ் உலகின் ரசிகர்களுக்காக இந்த உபரித்தகவல்: இவர் நம்முடைய மனம் கவர்ந்த ரேஞ்சர் டெக்ஸ் வில்லர் தோன்றிய பதினைந்துக்கும் மேற்பட்ட கதைகளுக்கு ஓவியம் வரைந்து இருக்கிறார். அவற்றில் இரண்டினை எடிட்டர் எஸ்.விஜயன் அவர்கள் தமிழில் மொழி பெயர்த்தும் வெளியிட்டுள்ளார். அந்த இரண்டு கதைகள் என்னவென்பதை தெரிந்து கொள்வதற்கு முன்பாக அவர் வரைந்த சில ஓவியங்களின் சாம்பிள் மற்றும் அவரது சுருக்கமான வாழ்க்கை வரலாறு:

Francesco Gamba Artwork – Tex Willer	Francesco Gamba Artwork – Tex Willer	Francesco Gamba Artwork – Assorted Art Collection

இத்தாலியின் கடற்கரைப்பகுதியாகிய "லா ஸ்பெசியா" என்கிற நகரத்தில் 1926-ம் ஆண்டு அக்டோபர் மாதம் பதினைந்தாம் தேதியில் பிறந்த ஃபிரான்செஸ்கோ கெம்பாவிற்கு சிறு வயதில் ஓவியத்தின் மேல் ஈடுபாடு தோன்றாமல் போய் இருந்தால்தான் ஆச்சர்யப்பட வேண்டியிருந்திருக்கும். ஏனென்றால் ஃபிரான்செஸ்கோ கெம்பாவின் மூத்த சகோதரர் ஒரு புகழ் பெற்ற காமிக்ஸ் ஓவியர். ஆகையால் ஓவியங்கள் வரைவது இவருக்கும் இயல்பாகவே வந்தது. தன்னுடைய பதின்ம வயதுகளில் ஓவியங்கள் வரைவதையே தன்னுடைய முழுநேரப்பணியாக கொள்ள ஆரம்பித்த ஃபிரான்செஸ்கோ கெம்பா, தன்னுடைய இருபத்தியோராவது வயதில் முதன் முதலாக ரேஸ்ஸோ பில் என்கிற காமிக்ஸ் கதாபாத்திரத்தை மையமாக கொண்ட கதையை வரைந்தார்.

ஐம்பதுகளில் கேசரொட்டி குழுமத்திற்காக பணி புரிந்தபோது கியான்லூய்ஜி போனெல்லி உருவாக்கிய யோர்கா என்கிற தொடருக்கு படம் வரைந்தார். அப்போதே போனெல்லி உடன் தொடர்பு ஏற்பட்டு பின்னர் போனெல்லி குழுமத்தின் பல கதைகளுக்கு படம் வரையவும் ஆரம்பித்தார். அப்போதுதான் இத்தாலியில் புகழ் பெற்ற காமிக்ஸ் ஹீரோவாகிய டெக்ஸ் வில்லர் கதைத்தொடருக்கும் படங்கள் வரைய தொடங்கினார். பின்னர் போனெல்லி குழுமத்தில் இருந்து வெளிவந்த ஜாகோர் தொடருக்கும் பிரதானமாக வரைந்தார்.

கிட்ட தட்ட பதினைந்து டெக்ஸ் வில்லர் கதைகளுக்கு மேலாக ஃபிரான்செஸ்கோ கெம்பா வரைந்து இருந்தாலும், தமிழில் வந்தவை இரண்டே இரண்டுதான் (என்று நினைக்கிறேன்). ஒரு முறை வீட்டிற்க்கு சென்று புத்தகங்களை எடுத்துப்பார்த்தால் உறுதியாக சொல்லிவிடுவேன். இப்போதைக்கு நினைவில் இருப்பதைக்கொண்டு சொல்வதானால் இந்த இரண்டு புத்தகங்களே.

S.No	No	Title	Date	Author	Artist	Cover	S.No	Date
1	112	பாலைவனப் பரலோகம்	May-95	Gianluigi Bonelli	Francesco Gamba	Aurelio Galeppini	34/35	Aug-63
2	126	நள்ளிரவு வேட்டை	Nov-96	Gianluigi Bonelli	Francesco Gamba	Aurelio Galeppini	48/49	Oct-64

இப்போதைக்கு அந்த புத்தகங்களின் உள் பக்கங்கள் ஸ்கான் கைவசம் இல்லாததால் வெறும் அட்டைப்படங்கள் மட்டும் உங்கள் பார்வைக்கு.

Lion Comics Issue no 112 Top Ten Special Issue Dated May 1995 Palaivanap Paralogam Cover	Lion Comics Issue no 112 Top Ten Special Issue Dated May 1995 Palaivanap Paralogam Back Cover	Tex No 034 Issue Dated Aug 1963 Cover Paalaivanap Paralogam

டாப் டென் ஸ்பெஷல் பலரின் கைவசம் இல்லாமல் இருந்தாலும்கூட நள்ளிரவு வேட்டை புத்தகம் இருக்கும் என்று நம்புகிறேன். அதிலும் சமீப காலம் வரை இது லயன் காமிக்ஸ் அலுவலகத்தில் விற்பனைக்கு இருந்தது குறிப்பிடத் தக்கது.

Lion Comics Issue No 126 Diwali Special Issue Dated Nov 1996 Nalliravu Vettai Cover	Lion Comics Issue No 126 Diwali Special Issue Dated Nov 1996 Nalliravu Vettai Back Cover	Tex No 048 Issue Dated Oct 1964 Nalliravu Vettai

ஜாகோர் தொடருக்கு இவர் ஓவியம் வரைந்து புகழ் பெற்றவர் என்பதை முன்பே சொல்லியிருக்கிறோம் அல்லவா, அந்த தொடர் ரசிகர்கள் இவருக்காக உருவாக்கிய ஒரு வீடியோ உங்களுக்காக:

ஃபிரான்செஸ்கோ கெம்பா – R.I.P.

இதற்க்கு மேல் இவரின் மறைவைப்பற்றி  சொல்ல வார்த்தைகள்  எதுவும் இல்லை.

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.