5 சித்திரக்கதை செய்திகள் 3 (19th October 2014)

 

டியர் காமிரேட்ஸ்,

ஏற்கனவே அறிவித்தபடி கடந்த 2 நாட்களாக  நமது வலைதளத்தில் இந்த சித்திரக்கதை செய்திகள் என்ற பகுதி தொடர்கிறது. இப்பகுதியில் அன்றாடம் நமது சித்திரக்கதை மற்றும் அதனை சார்ந்த செய்திகள் இடம்பெறும்.உங்களது வரவேற்ப்பை பொருத்து இப்பகுதி தொடர்ந்து இயங்கும்.

இப்பகுதியில் இடம்பெறப்போகும் செய்திகள் ஏற்கனவே அன்றைய தேதியில் காமிக் கட்ஸ் என்ற வாட்ஸ்-அப் குழுமத்தில் பகிரப்பட்டவையே. நீங்களும் இந்த குழுமத்தில் இணைய வேண்டுமென்றால் உங்களது முழுப்பெயர், நீங்கள் வசிக்கும் பகுதி மற்றும் உங்களது செல்போன் எண் ஆகிய மூன்றையும் tamilcomicsulagam@gmail.com  என்ற மின்னஞ்சல் முகவரிக்கு அனுப்ப வேண்டும்.

இனி இன்றைய சித்திரக்கதை செய்திகளுக்கு சொல்வோம்.

19^th October 2014: 5^th Death anniversary of Joseph Wiseman – On Screen Dr No

டியர் காமிரேட்ஸ்,

சரியாக ஐந்து ஆண்டுகளுக்கு முன்பாக இதே நாளில்தான் (அக்டோபர் 19ம் தேதியன்று) 007 - ஜேம்ஸ்பாண்ட் எனும்அற்புத நாயகனை திரையில் அறிமுகப்படுத்திய டாக்டர் நோ திரைப்படத்தின் தலைப்பின் பெயர் கொண்ட வில்லனாக நடித்த ஜோஸஃப் வைஸ்மேன் இறைவனடி சேர்ந்தார்!

இவர் நடித்த திரைப்படங்களில் நான் இரண்டே இரண்டுதான் பார்த்துள்ளேன் (Viva Zapata & Stiletto). இந்த இரண்டிலுமேகூட இவரது பாத்திரம் துணை பாத்திரமே. ஆனால் டாக்டர் நோ படத்தில் இவரது அலட்டல் இல்லாத அதே சமயம் ஒரு தீர்க்கமான பாத்திரம்.

அவருக்கு நமது ஆழ்ந்த அஞ்சலி.

இனி டாக்டர் நோ பற்றிய காமிக்ஸ் தகவல்கள்:

டாக்டர் நோ - செய்தித்தாள் சித்திரக்கதைத் தொடர்: நமக்கு மிகவும் பரிச்சயமானது டாக்டர் நோ-வின் இந்தபரிமாணம் தான்! 1958 முதல் 1983 வரை DAILY EXPRESS முதலிய பல பிரிட்டிஷ் செய்தித் தாள்களில் காமிக்ஸ்தொடராக வெளிவந்த பல 007 ஜேம்ஸ்பாண்ட் கதைகளை நாம் அனைவரும் ராணி காமிக்ஸ் மூலம் படித்துமகிழ்ந்துள்ளோம்! அவற்றில் டாக்டர் நோ-வும் ஒன்று!

டாக்டர் நோ மூலக்கதையை செய்தித்தாள் சித்திரக்கதைத் தொடருக்காக உருமாற்றியவர் யார் தெரியுமா?நமக்கெல்லாம் மிகவும் பரிச்சயமான் மாடஸ்டி ப்ளைஸி-யை உருவாக்கிய அதே பீட்டர் ஒ’டான்னல் தான்! இச்சித்திரத் தொடர் திரைப்படங்களுக்குப் பல வருடங்கள் முன்பே வெளிவந்து திரைப்படத்திற்கு ஒருமுன்னோடியாகத் திகழ்ந்தன! படத்திற்கு STORYBOARD-ஆக இச்சித்திரங்கள் பயன்படுத்தப்பட்டன!

டாக்டர் நோ மொத்தம் இரண்டு கதைகளில் இச்சித்திரக்கதைத் தொடரில் தோன்றியுள்ளார்! என்ன? ஆச்சரியமாஇருக்கா?ஆம்! இயன் ஃப்ளெமிங்-ன் நாவலைத் தழுவிய காமிக்ஸ்/படத்தில் கதையின் முடிவில் டாக்டர் நோ இறந்துவிடுவார்!

ஆனால் செய்தித்தாள் சித்திரக்கதைத் தொடரில் அவர் மீண்டு(ம்) உயிர்த்தெழுந்து வருவது போல் ஒருகதை அமைக்கப்பட்டது! அது நமதுராணி காமிக்ஸ்-லும் கதிர் வெடி என்ற பெயரில் வந்தது!

Actually இந்த கதையிலும்கூட டாக்டர் நோ தீர்மானமாக இறந்துவிட்டார் என்று கூறமுடியாதபடி தான் இந்த கதையின் க்ளைமேக்ஸையும் அமைத்து இருப்பார்கள். ஒருவேளை எதிர்காலத்தில் மறுபடியும் தேவைப்படும் என்று கதாசிரியர்கள் அப்போதே நினத்தார்களோ என்னவோ? See, for yourself.

19^th October 2014: 59^th Anniversary of Chick Bill’s Debut in Chez Nous Junior Magazine in French

டியர் காமிரேட்ஸ்,

நமக்கெல்லாம் மிகவும் பிடித்தமான நகைச்சுவை கௌபாய் கதைகளில் முதலிடம் லக்கிலூக் கதைகளுக்கு என்றால், சந்தேகமில்லாமல் இரண்டாம் இடம் சிக் பில்லுக்குத்தான்.

இந்த சிக் பில் கதைகள் இதே நாளில் 1955ஆம் ஆண்டு ஒரு ஃப்ரென்ச்சு பத்திரிக்கையில் துவங்கியது. முதல் மூன்று கதைகளில் நமது ஹீரொக்கள் விலங்குகளாகவே சித்தரிக்கப்பட்டனர். பின்னர் 1956-ஆம் ஆண்டு இத்தொடர் Tintin இதழுக்கு மாற்றப்பட்டவுடன் அவர்களை மனிதர்களாக சித்தரித்து கதைகள் துவங்கின.

அன்று முதல் இன்று வரை ரசிகர்களின் ஏகோபித்த வரவேற்ப்புடன் தொடரும் இந்த கதை வரிசை துவங்கிய நாள் இன்றுதான்.

முதன்முதலில் சிக் பில் கதை விளம்பரம் வந்தது ஜூனியர் லயன் காமிக்சின் இரண்டாவது இதழான உலகம் சுற்றும் அலிபாபாவின் உள் அட்டையில் தான்.

முதல் கதையாக வெளிவந்தது அதிரடி மன்னன். ஆனால் அவர்களை பற்றிய முறையான அறிமுக குறிப்பு பின்னர் வெளியான இதழ்களில் தான். ஆனால் இப்போது இதுவும் வருவதில்லை. 

தேவை உள்ள பின்குறிப்பு: சிக் பில் கதைகளின் கதாசிரியர்(கள்), ஓவியர்(கள்), தமிழில் இதுவரை வந்துள்ள கதைகள், அவற்றின் அட்டைப்படங்கள், அந்த கதைகளின் மூலக்கதை (ஃப்ரென்ச்சில் வந்தவை) அட்டைப்படங்கள் ஆகியவற்றை காண இந்த பதிவை படிக்கவும்: http://tamilcomicsulagam.blogspot.in/2011/02/chick-bill-wonderful-comics-character.html

19^th Oct 2014: Modesty Blaise – 19^th Daily Strip The Zombie Started in 1970

டியர் காமிரேட்ஸ்,

மாடஸ்டி ப்ளைசி கதைகள் தினசரி செய்தித்தாளில் காமிக் ஸ்ட்ரிப்பாக வெளியானவை. இவற்றுல் மொத்தம் 96 கதைகள் உள்ளன. இதில் 19ஆவது கதைதான் இந்த The Green Eyed Monster.

இதுதான் ஓவியர் ரொமெரோவின் மூன்றாவது மாடஸ்டி ப்ளைசி கதை.

இந்த கதையை லயன் காமிக்சில் கானகத்தில் கண்ணாமூச்சி அன்றும் ராணி காமிக்சில் வயிரக்கண் பாம்பு என்றும் வெளியிட்டார்கள். இந்த இதழ்களை கைவசம் வைத்து இருக்கும் பாக்கியவான்கள் இரண்டு இதழ்களையும் அடுத்தடுத்து படித்து பாருங்கள்.

ஒரு அயல்நாட்டு கதையின் வெற்றியும் தோல்வியும் அது எவ்வாறு புரிந்துகொள்ளப்படுகிறது, எவ்விதம் மொழிமாற்றம் செய்யப்படுகிறது என்பதை பொருத்தே அமையும்.

மாடஸ்டி கதைகளின் முக்கியமான அம்சமே மாடஸ்டிக்கும், வில்லி கார்வினுக்கும் இடையே இருக்கும் உறவுதான். அதனை நட்புக்கும் மேலான ஒரு நிலையில் நிறுத்தியே இருப்பார்கள். (The X Files தொடரில் வரும் Fox Mulderம் Dana Scullyக்கும் இடையேயும் இதே மாதிரியான ஒரு நட்பு இருந்தது,, ஆனால் டீவி தொடரை தாண்டி அது திரைப்படமாக வந்தபோது அந்த நட்பை கேள்விக்குறியதாக்கிவிட்டார்கள்).

ஆனால் ராணி காமிக்சை பொருத்தவரையில் மாடஸ்டியும் வில்லி கார்வினும் காதலர்கள். அதோடு முடிந்தது அந்த கதை.

இதுகூட பரவாயில்லை, ராணி காமிக்சில் தோர்கல் கதையை கொத்துக்கறியாக்கியதோடு நிற்க்காமல் ஆரிசியாவை தோர்கலின் தங்கச்சியாக ஆரம்பித்தார்கள் பாருங்கள், அங்கே தான் நிற்கிறார் அந்த மொழிபெயர்ப்பாளர்.

சரி, இந்த பதிவு மொழிபெயர்ப்பை பற்றியதல்ல. அதை பிறகொரு நாளில் பார்ப்போம்.

இந்த கதை(யும்) ஆனலைனில் டவுண்லோட கிடைக்கிறது. படித்து மகிழுங்கள்.

Story Title: The Green Eyed Monster

Author: Peter o Donnel

Artist: Romero

Starting Date: Monday, 19^th October 1970

Finishing Date: Saturday, 20^th Feb 1971

Total No of Strips: 107

தேவையுள்ள பின் குறிப்பு: மாடஸ்டி பற்றி முழுமையாக தெரிந்துகொள்ள, தமிழில் வெளிவந்துள்ள அவரது கதைகளின் அட்டைப்படங்களை காண, இந்த பதிவை படியுங்கள்: http://tamilcomicsulagam.blogspot.in/2010/06/modesty-blaise-arguably-best-comics.html

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

10 Comic Cuts 57-News 57: The Hindu (Tamil) Diwali Special issue – Special Article on Tamil Comics

dear

Dear ComiRades,

welcome back to TCU. As the festival season is gearing up, so is TCU with lots and lots of posts – both informative and initiative. Well, as the talk of initiation rings up, here is our new series of posts: சித்திரக்கதை செய்திகள் .

However, this article is all about The Hindu news paper (Tamil Edition)’s diwali special issues in which celebrated author S.Ramakrishnan has penned a nostalgic post on Tamil comics and the need to index them.

What he has not taken into account is that, we have already taken the initiative and almost, almost indexed all the comics books printed in Tamil language. Well, that’s news for him and usual story for our regular readers.

The Hindu (Tamil) Diwali Special Issue – Comics Article by S .Ramakrishnan

 

Most of these points were already handled by him in his online portal some 5 years ago. The news about the library and his recalling of the stories with his friends were new and was joyful to read.

Thank you, Sir.

Well, that’s all for this post and  As usual, post your comments in the comments section. For those who want to Pen their thoughts in Tamil, Kindly Use the Option Provided in the Widget section or Click Here.

Thanks & Regards, 
King Viswa.

5 சித்திரக்கதை செய்திகள் 2 (17th October 2014)

 

டியர் காமிரேட்ஸ்,

ஏற்கனவே அறிவித்தபடி நேற்றுமுதல் நமது வலைதளத்தில் இந்த சித்திரக்கதை செய்திகள் என்ற பகுதி தொடர்கிறது. இப்பகுதியில் அன்றாடம் நமது சித்திரக்கதை மற்றும் அதனை சார்ந்த செய்திகள் இடம்பெறும்.உங்களது வரவேற்ப்பை பொருத்து இப்பகுதி தொடர்ந்து இயங்கும்.

இப்பகுதியில் இடம்பெறப்போகும் செய்திகள் ஏற்கனவே அன்றைய தேதியில் காமிக் கட்ஸ் என்ற வாட்ஸ்-அப் குழுமத்தில் பகிரப்பட்டவையே. நீங்களும் இந்த குழுமத்தில் இணைய வேண்டுமென்றால் உங்களது முழுப்பெயர், நீங்கள் வசிக்கும் பகுதி மற்றும் உங்களது செல்போன் எண் ஆகிய மூன்றையும் tamilcomicsulagam@gmail.com என்ற மின்னஞ்சல் முகவரிக்கு அனுப்ப வேண்டும்.

17^th October 2014: Centenary Day of Jerry Siegel – Co Creator of Superman & The Spider

டியர் காமிரேட்ஸ்,

இன்று ஒர் மகத்தான கதாசிரியரின் நூற்றாண்டு தினமாகும். சரியாக நூறு ஆண்டுகளுக்கு முன்பாக இன்றுதான் ஜெர்ரி சீகல் பிறந்தார். இவர்தான் சூப்பர்மேனின் சக-ஸ்ருஷ்டிகர்த்தா. இவரும் ஜோ ஷுஷ்டரும் சேர்ந்துதான் 1937-ல் உலகின் முதல் சூப்பர் ஹீரோவை உருவாகினார்கள்.

ஆனால் தமிழ் காமிக்ஸ் உலகின் நூற்றாண்டு நாயகனாக அறிவிக்கப்பட்ட ஸ்பைடரின் பெரும்பாலான கதைகளை எழுதியவர் இவர்தான்.

குற்ற சக்ரவர்த்தி, வலை மன்னன் என்றெல்லாம் பல பெயரில் அழைக்கப்படும் ஸ்பைடர் உருவாக்கப்பட்டடு என்னவோ Ted Cowan என்ற எழுத்தாளரால் தான். ஆனால் முதல் இர்ண்டு கதைகளுக்கு பிறகு (ஸ்பைடர் படை, மீண்டும் ஸ்பைடர்) அவர் இந்த தொடரை விட்டு விலகிவிட இவர்தான் ஸ்பைடரின் அடுத்தடுத்த கதைகளை நமக்கெல்லாம் விருந்தாக படைத்தார். மிஸ்டர் மர்மம் தான் இவர் முதலில் எழுதிய கதை.

நூற்றாண்டு நாயகனுக்கு ஒரு ராயல் சல்யூட்.

பின் குறிப்பு: அதென்ன தமிழ் காமிக்ஸ் உலகின் நூற்றாண்டு நாயகன் என்று சிலர் கேட்பார்கள். For those who came in Late, 1999 ஆம் ஆண்டின் இறுதியில் லயன் காமிக்ஸ் எடிட்டர் ஒரு போட்டியை அறிவித்து இருந்தார். அதாவது தமிழில் வெளியான காமிக்ஸ் கதைகளில் யார் மக்களின் மனங்கவர்ந்தவர் என்று. அந்த போட்டியின் முடிவில் அதிக ஓட்டுக்கள் பெற்றது ஸ்பைடரே என்று தெரியவந்தாலும், கள்ள வோட்டு போட்டே ஸ்பைடரை ஜெயிக்க வைத்த ஒரு ரசிகரால் போட்டியின் முடிவுகள் மறுபரிசீலனையின்றி தள்ளி வைக்கப்பட்டது.

இந்தாருங்கள் அது பற்றிய ஸ்கான்கள்:

மற்றபடி ஸ்பைடரை பற்றி ஆடி அந்தம் அறியவும், ஸ்பைடரின் இதுவரை வெளிவந்த கதைகளின் விவரங்கள் அறியவும், அந்த புத்தகங்களின் அட்டைப்படங்களை காண்வும் இங்கே செல்லவும்:

http://tamilcomicsulagam.blogspot.in/2010/08/spider-millennium-hero-of-tamil-comics.html

பின் குறிப்பு: அமெரிக்காவில் ஸ்பைடரை அறிமுகம் செய்ய எண்ணிய டைட்டன் புக்ஸ் நிறுவனம் பத்தாண்டுகளுக்கு முன்பு ஆங்கிலத்தில் ஒரு புத்தகத்தை வெளியிட்டது. ஆனால் இந்த புத்தகத்துக்கு ஸ்பைடர் என்று பெயரிட முடியவில்லை. ஏற்கனவே அமெரிக்காவில் The Spider என்ற பெயரில் ஒரு நாவல் ஹீரோ இருந்ததால் இந்த புத்தகத்தின் தலைப்பு The King of Crooks என்று மாற்றப்பட்டது. இந்த புத்தகம் இப்போதும்கூட அமேசானில் விற்பனைக்கு கிடைக்கிறது. ஸ்பைடர் வெறியர்கள் வாங்கலாம்.

17^th October 2014: 94^th Birth Anniversary of John Prentice – Artist of Rip Kirby for 43 Years

டியர் காமிரேட்ஸ்,

இன்று மற்றுமொரு மகத்தான காமிக்ஸ் நாயகனின் பிறந்த நாளும்கூட. 94 ஆண்டுகளுக்கு முன்பாக இன்றுதான் ஜான் ப்ரெண்டிஸ் பிறந்தார். இவர் தன்னுடைய 20-ஆவது வயதிலேயே இரண்டாம் உலகப்போர் காரணமாக ராணுவத்தில் சேர்ந்து 7 ஆண்டுகள் ராணுவ சேவை செய்தார். இதில் குறிப்பிட்டு சொல்லவேண்டிய வரலாற்று விஷயம் ஒன்று இருக்கிறது – பேர்ல் ஹார்பர் சம்பவத்தின்போது இவர் அங்கேதான் இருந்தார். அதை நேராக பார்த்வர்களுல் இவரும் ஒருவர்.

1946ல் ராணுவ சேவையிலிருந்து வெளியேறி தனக்கு பிடித்தமான காமிக்ஸ் துறையில் நுழைந்து ரிப் கிர்பியின் ஸ்ருஷ்டிகர்த்தாவான Alex Raymond இடம் உதவியாளராக பணிக்கு சேர்ந்தார். பின்னர் 1956ஆம் ஆண்டு அலெக்ஸ் ரேமண்டின் அகால மரணத்துக்கு பின்னர் இவர் முழுநேர ரிப் கிர்பி ஓவியராக நியமனம் செய்யப்பட்டார்.

அது முதல் 1999 வரை (ரிப் கிர்பி தொடர் முடிந்த வரைக்கும்) இவர்தான் அந்த தொடரை வரைந்தார். 43 ஆண்டுகள் ஒரே தொடரை வரைந்தவர் இவராகவே இருக்கக்கூடும். நம்ம தினத்தந்தி கன்னித்தீவு தொடரைக்கூட பலபேர் வரைந்தனர். ஆனால் இத்தொடரை பெரும்பாலும் இவரே முழுமையாக வரைந்தார்.

அது சரி, 1999 ஆம் ஆண்டு ஏன் ரிப் கிர்பி தொடர் நிறுத்தப்பட்டது என்றுதானே கேட்கிறீர்கள்? அந்த ஆண்டுதான் ஜான் ப்ரெண்டிஸ் காலமானார்.

John Prentice ன் ஓவியத்தால் மற்றுமொரு வரலாற்று சம்பவமும் நடந்தது. இவரது ஓவியங்களால் ரிப் கிர்பி கிட்டதட்ட ஒரு அமெரிக்க ஹீரோவாகவே பாவிக்கப்பட்டு New York Police Department ல் ஒரு கௌரவ போலிசாராக சேர்க்கப்பட்டார்.

இதைவிட வேறென்ன மரியாதை ஒரு கலைஞனுக்கு கிடைத்துவிட போகிறது?

17^th Oct 2014: Modesty Blaise – 19^th Daily Strip The Killing Ground Completed in 1970

டியர் காமிரேட்ஸ்,

மாடஸ்டி ப்ளைசி கதைகளில் வரலாற்று முக்கியத்துவம் வாய்ந்த ஒரு கதை இன்றுதான் 44 ஆண்டுகளுக்கு முன்பாக முடிவடைந்தது. அது என்ன முக்கியத்துவம் என்றுதானே கேட்கிறீர்கள்? சொல்கிறேன்.

மாடஸ்டியின் கதை லண்டனில் இருந்து வெளிவரும் The Evening Standard பத்திரிக்கையில் தினசரி காமிக்ஸ் தொடராக ஆரம்பித்த வருடம் 1963. அப்போது அந்த கதைக்கு ஓவியம் வாரைந்தவர் ஜிம் ஹோல்டவே. இவரும் மாடஸ்டியின் கதாசிரியர் பீட்டர் ஓ டெனெல்லும் மிகச்சிறந்த நண்பர்கள். ஆனால் 1970-ஆம் ஆண்டு மார்ச் மாதம் The War Lords of Phoenix என்ற தொடருக்கு ஓவியம் வரைந்து கொண்டிருந்தபோதே ஜிம் மரணமடைய, பாதியில் அந்த தொடருக்கு ஓவியராக நியமிக்கப்பட்டவர்தான் ஜார்ஜ் ஏ ரொமேரோ.

ஒரு சிறிய இடைச்செருகல்: இந்த The War Lords of Phoenix என்ற கதை தமிழில் திகில் நகரம் டோக்கியோ என்ற பெயரில் வெளிவந்துள்ளது. இதன் Strip No 2099 (Dated 17^th March 1970) முதல் ரொமேரோ தான் வரைந்தார். நமது லயன் காமிக்சில் இது 37 ஆவது பக்கத்தில் இரண்டாவது வரிசையில் இருக்கும் கட்டம். புத்தகம் கைவசம் இருப்பவர்கள் ஓவியமுறையில் மாற்றம் இருப்பதை கூர்ந்து கவனிக்கவும்.

இப்படியாக, ரொமேரோ பாதியில் அந்த கதையை தொடர்ந்து பின்னர் வெற்றிகரமாகவும் முடித்தார். அதன்பின்னர் ரொமேரோ முழுமையாக ஆரம்பத்தில் இருந்து முடிவு வரை வரைந்த முதல் மாடஸ்டி கதைதான் இந்த Willie – The Djinn.

இந்த கதையின் தலைப்பு ஏன் இப்படி இருக்கிறது என்றால், கதைப்படி அரபு மன்னர் ஒருவரை காப்பாற்ற வேண்டிய கட்டாயத்துக்கு உள்ளாகும் நமது சாகச ஜோடி மன்னரின் பெண்ணை அரண்மனையில் இருந்து காப்பாற்ற வேண்டியபோது ஒரு சம்பவம் நடக்கும்.

அதாவது பயந்து போய் இருந்த அந்த குழந்தை, தன்னிடம் இருக்கும் மோதிரத்தை மூன்று முறை தேய்த்து ஒரு பூதம் வந்து தன்னை காப்பாற்ற வேண்டும் என்று மோதிரத்திடம் கேட்க, சரியாக அதே நேரம் வில்லி ஜன்னல் மூலம் அறையில் நுழைய, அந்த பெண் வில்லியை பூதம் என்று நினைத்து மகிழ்கிறாள். அடுத்து என்ன நடந்தது என்பது மிகவும் நகைச்சுவையோடு சொல்லப்பட்ட இந்த கதை 44 ஆண்டுகளுக்கு முன்பு இன்றுதான் முடிந்தது.

Story Title: Willie The Djinn

Author: Peter o Donnel

Artist: Romero

Starting Date: Monday, 01^st June 1970

Finishing Date: Saturday, 17^th October 1970

Total No of Strips: 120

தமிழில்:

வெளியீட்டு எண்: லயன் காமிக்ஸ் 102 (7 ஆவது ஆண்டு மலர்)

வெளியான மாதம்:ஜூலை 1994

தலைப்பு: மந்திர மண்ணில் மாடஸ்டி

மொழியாக்கம்: எஸ் விஜயன்

ராணி காமிக்ஸில் வெளியான புரட்சிப்பெண் ஷீலா கதாபாத்திரம் (Axa) ரொமேரோவின் ஓவிய கைவண்ணமே.

தேவையுள்ள பின் குறிப்பு: மாடஸ்டி பற்றி முழுமையாக தெரிந்துகொள்ள, அவரது கதைகளின் அட்டைப்படங்களை காண, இந்த பதிவை படியுங்கள்: http://tamilcomicsulagam.blogspot.in/2010/06/modesty-blaise-arguably-best-comics.html

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa.

11 சித்திரக்கதை செய்திகள் 1 (16th October 2014)

டியர் காமிரேட்ஸ்,

நேற்று ஏற்கனவே அறிவித்தபடி இன்றுமுதல் இந்த சித்திரக்கதை செய்திகள் என்ற புதிய பகுதி துவங்குகிறது. இப்பகுதியில் அன்றாடம் நமது சித்திரக்கதை மற்றும் அதனை சார்ந்த செய்திகள் இடம்பெறும்.உங்களது வரவேற்ப்பை பொருத்து இப்பகுதி தொடர்ந்து இயங்கும்.

இப்பகுதியில் இடம்பெறப்போகும் செய்திகள் ஏற்கனவே அன்றைய தேதியில் காமிக் கட்ஸ் என்ற வாட்ஸ்-அப் குழுமத்தில் பகிரப்பட்டவையே. நீங்களும் இந்த குழுமத்தில் இணைய வேண்டுமென்றால் உங்களது முழுப்பெயர், நீங்கள் வசிக்கும் பகுதி மற்றும் உங்களது செல்போன் எண் ஆகிய மூன்றையும் tamilcomicsulagam@gmail.com என்ற மின்னஞ்சல் முகவரிக்கு அனுப்ப வேண்டும்.

16^th October 2014: 96^th Birthday of Henri Vernes – Creator of Bob Morane (சாகச வீரர் ரோஜர்)

  டியர் காமிரேட்ஸ்,

இன்று நமக்கெல்லாம் மிகவும் பரிச்சயமான ஒருவர் தன்னுடைய சென்சுரியை நோக்கி மேலும் ஒரு அடி எடுத்து வைக்கிறார். ஹென்ரி வெர்னே(ஸ்) என்ற இந்த ஜீனியஸ் தான் சாகச வீரர் ரோஜர் என்ற கதாபாத்திரத்தை உருவாக்கியவர். அண்ணனுக்கு ஒரு ராயல் சல்யூட்.

இவரது வாழ்க்கை மிகவும் வித்தியாசமான, வியக்க வைக்கும் ஒன்றாகும். தாய் தந்தையரை பிரிந்து, தாத்தா பாட்டியுடன் சிறுவயதை கழித்த இவர் பதினாரு வயதில் படிப்பை நிறுத்திவிட்டு கசாப்பு கடையில் வேலைக்கு சேர்ந்து, 19 வயதில் சைனாக்காரியான மேடம் லூவை காதலித்து, போலி பாஸ்போர்ட்டுடன் சீனாவுக்கு சென்ற துணிச்சல்காரர்.

அடுத்த வருடமே வைரவியாபாரி ஒருவரின் மகளை மணம்புரிந்து, மூன்று வருடத்தில் அதுவும் விவாகரத்தில் முடியும்போதுதான் இரண்டாம் உலக யுத்தம் ஆரம்பித்தது. அதில் இவர் ராணுவ உளவுத்திறையில் பணியாற்றினார். அதன்பின்னர் இவர் தன்னுடைய 28ஆவது வயதில் ஒரேடியாக எழுத்தாளராக மாறிவிட்டார்.

இவர் உருவாக்கிய கதாபாத்திரத்தில் மிகவும் முக்கியமானது பாப் மொரேன் (நம்ம சாகச வீரர் ரோஜர்). இந்த கதை வரிசையில் 160க்கும் மேற்பட்ட கதைகளை இவர் எழுதி இருக்கிறார். இதைதவிர இவர் வயது முதிர்ந்தவர்களுக்கான நாவல்களை ஜாக் கொலம்போ என்ற பெயரில் எழுதினார். சொல்ல மறந்துவிட்டேனே, இவர் 10க்கும் மேற்பட்ட புனைப்பெயரில் எழுதுபவர்.

அண்ணன் விரைவில் சென்சுரி அடிக்க வாழ்த்துகள்.

இவரது கதைகளை தமிழில் நமது லயன் முத்து காமிக்ஸ் குழுமம் வெளியிட்டு வருகிறது. அவற்றின் அட்டைப்படங்கள்;

 

 

 

 

 

 

 

 

 

 

 

 

இதைத்தவிர 1991ல் ஒருமுறை அட்டையை அச்சடித்துவிட்டு, பின்னர் கதையை வெளியிடாமல் நிறுத்திவிட்டார் நமது எடிட்டர் விஜயன் அவர்கள். வழக்கம்போல அந்த வெளியிடப்படாத புத்தகத்தின் அட்டையையும் நான் கைப்பற்றி விட்டேன். இதோ அந்த அட்டை:

சாகச வீரர் ரோஜர் பற்றி முழுவதுமாக அறிந்துகொள்ள:

http://tamilcomicsulagam.blogspot.in/2009/05/bob-morane-treat-for-fantasy-based.html

 

15^th October 2014: 39^th Anniversary of James Bond 007’s 36^th Daily Strip “The Torch Time Affair” Beginning

டியர் காமிரேட்ஸ்,

ஜேம்ஸ் பாண்டின் காமிக்ஸ் கதைகளில் 36-ஆவது கதையான இது ராணி காமிக்சின் 91-ஆவது இதழாக   தலை மட்டும் என்ற பெயரில் ஏப்ரல் 1, 1988-ஆம் ஆண்டு வெளியானது.

இந்த கதையில் ஒரு விஷயம் முதல் தடவையாக நடந்தது. அதாவது முதல் முறையாக ஜேம்ஸ் பாண்ட் மெக்சிகோ போவார். கதையின் முதல் காட்சியே அசத்தும்.

ஜேம்ஸ் கடற்கரையில் காத்துக்கொண்டு இருப்பார். அப்போது ஒரு பெண்ணின் தலை மட்டும் கடற்கரையில் தெரியும். அவளை கழுத்து வரை பள்ளம் தோண்டி மணலில் புதைத்து வைத்து இருப்பார்கள்.

அவளை காப்பாற்ற முனைகையில் கப்பலில் வரும் இருவர் ஜேம்சை சுட முயல, ஜேம்ஸ் தானும் தப்பித்து அந்த பெண்னையும் காப்பாற்றுவார்.

 

 

 

 

 

 

 

அதன் பிறகுதான் ஒரு பெரிய வேட்டை விளையாட்டு ஆரம்பிக்கும். இந்த விளையாட்டில் மான், பொறி, வேட்டையன் இது மூன்றுமே ஒவ்வொரு கட்டத்திலும் மாறும். ஒரு கட்டத்தில் ஜேம்ஸ் வேட்டையாடப்படுவார், இன்னொரு கட்டத்தில் அவரை பொறியாக உபயோகப்படுத்துவார்கள், கடைசியாக அவர் வேட்டையாடுவார்.

இந்த கதையின் க்ளைமேக்சில் ஜேம்ஸ் பாண்ட் தப்பிக்கும்போது வில்லியின் அடியாட்கள் சுட, ஜேம்ஸ் மீது குண்டு எதுவும் படவில்லை (பின்னே, ஹிரோவாச்சே?). அப்போது வில்லி “உங்க துப்பாக்கி என்ன, லியோ டாய்ஸ் துப்பாக்கியா?” என்று கேலியாக கேட்பாள். அப்போது 1988-89 களில் தமிழகத்தில் மிகவும் பிரபலமான விளையாட்டு துப்பாக்கி லியோ டாய்ஸ் என்பது இங்கே குறிப்பிடவும் வேண்டுமா என்ன?

அந்த The Torch Time Affair கதை இன்றுதான் ஒரிஜினலாக Daily Express நியூஸ்பேப்பரில் ஆரம்பித்தது.

கதை பற்றிய விவரங்கள்:

Publisher: Daily Express

Story: The Torch Time Affair

Daily Strip No: 36^th Story

Creation: Original Story By Jim Lawrence

Artist: Yaroslav Horak

Starting Date: 15^th October 1975

Completed Dated: 15^th Jan 1976

Total No of Strips: 166

தமிழில் வெளிவந்த விவரங்கள்;

வெளியிட்டவர்: ராணி காமிக்ஸ்      எடிட்டர்: திரு ராமஜெயம்

அட்டைப்பட ஓவியர்: ஓவியர் மாலி வெளியீட்டு எண்: 91

வெளியிட்ட தேதி: 01^st April 1988   

கதையின் தலைப்பு: தலை மட்டும்…

 

இந்த கதை தற்போதைய லேட்டஸ்ட் டைட்டன் புக்ஸ் ஆம்னி பஸ் எடிஷனில் வெளியாகி இருக்கிறது. இதே கதை ஸ்வீடன் நாட்டு செமிக் பிரெஸ் காமிக்ஸ் வரிசையிலும் வெளியானது.

இந்த கதையில் கவர்ச்சி சற்றே தூக்கலாக இருக்கும். தமிழில் எடிட் செய்யப்பட்டே வெளியிடப்பட்டது. அப்படி எடிட் செய்யப்படாத ஆங்கில ஓவியத்தின் எடிட் செய்யப்படாத ஒரு காட்சி! (நம்ம லோகோவுக்கு எப்படி ஒரு விளம்பரம்???)

15^th October 2014: 1^st Death Anniversary of George Olesen – Phantom Comic Strip Artist

டியர் காமிரேட்ஸ்,

இன்று (அக்டோபர் 15ஆம் தேதி ஜார்ஜ் ஒலெசென் என்ற காமிக்ஸ் ஓவியரின் முதலாம் ஆண்டு நினைவு நாளாகும். இவர்தான் ஓவியர் சைமர் பேர்ரிக்கு பிறகு வேதாளரின் கதைகளுக்கு ஓவியம் வரைந்தவர் (ராணி காமிக்ஸ் படித்தவர்களுக்கு முகமூடி வீரர் மாயாவி).

கிட்டதட்ட நாற்ப்பது ஆண்டுகள் இவர் வேதாளரின் கதைகளின் ஓவியங்களில் பங்களிப்பு செய்து இருந்தாலும் இவர் பெயர் பேசப்பட்டது பேர்ரியின் ஓய்வுக்கு பிறகே.

எனவே இவர் அதிகாரபூர்வமாக ஓவியராக இருந்தது 1994 முதல் 2005 வரை. இவர் இவர் 33 Daily Strip கதைகளுக்கும், 11 Sunday Strip கதைகளுக்கு தன்னுடைய ஓவியங்களின் மூலம் அழகூட்டினார்.

 

அன்னாருக்கு அஞ்சலி செலுத்தும் அதே நேரத்தில் அவர் வரைந்த சில பல கதைகளின் அட்டைப்படங்களை உங்கள் பார்வைக்கு சமர்ப்பிக்கிறேன். அதே சமயம் அவரது ஓவியம் எப்படி இருக்கும் என்பதற்க்கும் ஒரு சாம்பிளாக ஒரு ராணி காமிக்ஸ் படமும் இணைக்கப்பட்டுள்ளது. (ராணி காமிக்ஸ் அட்டைப்படங்களை வரைந்தவர் ஓவியர் மாலி).

 

 

 

 

 

 

 

 

 

 

 

சமீபத்தில் இவர் வரைந்த கதைகளை யூரோ புக்ஸ் இந்தியா நிறுவனம் ஆங்கிலத்தில் வெளியிட்டுள்ளது. மொத்தம் 24 புத்தகங்கள். அதை செட் செட்டாக விற்கிறார்கள். அதைப்பற்றிய முழுநீள பதிவுக்கு இங்கே செல்லவும்:

http://tamilcomicsulagam.blogspot.in/2011/05/tcu-presents-02-new-comics-intro-euro.html

இப்போதைக்கு இவ்வளவுதான் காமிரேட்ஸ். வழக்கம் போல உங்களுடைய  கருத்துக்களை, கமெண்ட்டுகளை பதிவு செய்திடுங்கள். தமிழில் டைப் செய்ய விரும்புவர்கள் இந்த லிங்க்’ஐ கிளிக் செய்து தமிழிலேயே டைப் செய்து கருத்தேற்றலாம்.

Thanks & Regards,

King Viswa